#تعالي_اقولك_النحو_بيتذاكر_ازاي
لجميع المراحلأول ما اسأل أي طالب أنت بتذاكر النحو ازاى ؟
بلاقي نوعين من الطلبة
️طالب بيبرقلي وبيقولي هو النحو بيتذاكر ؟؟؟؟؟
️وطالب تاني بيقولي يا مس بسنت أنا يا إما بفهم القاعدة من الورق بتاعك وبعد كده بحل عليه أو بسمع شرح القاعدة من حضرتك وبعد كده بحل عليها
والحقيقة إن دي مش الطريقة الصح لمذاكرة النحو
: لإنك لما تيجي يا بطل تفهم القاعدة وتحل عليها علي طول ممكن تقابلك أمثلة كتير متعرفش تحلها !!!!! فساعتها هتحس إن الدنيا صعبة عليك 
وإن القاعدة رخمة 
�مع إنك كنت في البداية مستسهل القاعدة وحاسسها بسيطة � ........
طب يا مس بسنت ازاي اذاكر النحو بالطريقة الصحيحة علشان أقدر في نهاية الترم اقفل الامتحان ؟؟؟؟؟؟
تعالي أقولك يا بطل
أول خطوة يا بطل 
هتبتدي تفهم القاعدة من خلال الورق أو من سماع شرح القاعدة يبقي
(١)فهم القاعدة 
.........
🟠تاني خطوة يا بطل
بعد فهم القاعدة هتجيب كراسة أو اسكتش وتبتدي تكتبلي #تعريف_للقاعدة بأسلوبك وبشكل مبسط علشان تفتكر القاعدة بيه متكتبهوش من المذكرة : اكتبه بأسلوبك أنت باللي فهمته يبقي تكون عامل تعريف للقاعدة يثبت في دماغك بأسلوبك......
🟢تاني خطوة يا بطل
هتكتب في الكراسة #شروط_القاعدة_أو_لو_ليها_أنواع(الخلاصة بتاعه القاعدة) عشان دي اللي هتطبق بيها في الحل وتدور عليها بس الشروط والأنواع هتكتبهم بأسلوبك أنت وبفهمك
متنقلش من مذكرة ولا شرح : علشان تثبت في دماغك.....
تالت خطوة لازم تكون عارف المفتاح اللي هتشتغل بيه في كل قاعدة علشان تعرف تعرب بسرعة زي مثلاً النعت هتدور علي كلمتين ورا بعض الاتنين اسم والتانية تكون بتوصف الأولي وقول علي التانية نعت
........
🟤رابع خطوة يا بطل
هتبتدي تشرح القاعدة بأسلوبك وبالتلخيص اللي فهمته لنفسك بصوت عالي أو لصاحبك
..............
كده أنت يا معلم ذاكرت القاعدة وهتعرف تطبق عليها كويس وهتعرف تحل وتقفل النحو في آخر العام
وأنت بتحل بقي يا بطل مش هتحل ساعتها القاعدة ببركة دعاء الوالدين
� هتبدأ تفتكر تعريف القاعدة وازاي تحل بالشروط اللي أنت فهمتها وذاكرتها وأراهنك ساعتها لو وقفت حاجات كتير قدامك زي الأول
...................
ليلة الامتحان بقي أنت مش محتاج يا معلم ترجع تسمع القاعدة تاني ولا تفهمها أنت هتبص علي التلخيص اللي أنت كتبته بإيدك وتذاكره وتبتدي تحل عليه امتحانات محافظات السنوات السابقة
ملكة_العربي_ميس_بسنت_السيد
