مدرس اون لايندخول

برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط"

برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" 0004
لما يبقى برنامج حلقته كلها بتدور في إزاي تتحرش ..يبقى في حاجة غلط
لما تتصرف كل المبالغ الضخمة دي عليه ومعرفش محمد سعد بياخد فيه كام مليون ..يبقى في حاجة غلط
لما يبقى كل محتوى البرنامج العبط ده ويعدي عادي وكله تقل دم وسماجة من شخص مبيقدمش جديد ..يبقى في حاجة غلط
لما شباب عنده أفكار أحلى وأحسن كتير وبميزانيات أقل ومياخدش فرصة ..يبقى في حاجة غلط
الإعلام أساس مجتمعنا ولو مبصناش له بشكل جاد وحطينا معايير مهنية واحترافية منظمة للي بيشتغل فيه ..يبقى عليه العوض ..........
هاجر جميل
remove_circleمواضيع مماثلة
Mr.Riad
ردود أفعال واسعة من قبل خبراء الإعلام ونشطاء مواقع التواصل الإجتماعي، بعد مشاهدة الحلقة الأولى من برنامج «وش السعد» الذي يقدمه الممثل المصري، محمد سعد، على فضائية «إم بي سي مصر» مساء كل جمعة.
البرنامج الذي يدور في إطار درامي حول الشخصية الشهيرة “بوحة” الذي يفتتح قناة فضائية، وتنطلق السخرية في البرنامج من انتقال بوحة من مهنة الجزارة إلى الإعلام، وإصراره على تقديم برنامج تليفزيونه في قناته الفضائية، كانت ضيفته الأولى المطربة اللبنانية هيفاء وهبي، والتي كعادتها أطلّت على الشاشة بملابس “مثيرة”، اكتملت بإيحاءات الممثل المصري الجنسية، ومغازلاته غير اللائقة.


ردود أفعال نشطاء مواقع التواصل الاجتماعي، لم تتأخر كثيرا، حيث دشن النشطاء هاشتاج بعنوان البرنامج عبّروا فيه عن سخطهم الشديد مما وصفوه بـ«الابتذال وقلة الأدب» التي شهدته الحلقة الأولى من البرنامج ، حتى وصل الهاشتاج ضمن الأكثر تداولا بموقع تويتر، مطالبين بوقف البرنامج.


من جانبها قالت “هاجر جميل”:  لما يبقى برنامج حلقته كلها بتدور في إزاي تتحرش ..يبقى في حاجة غلط.. لما تتصرف كل المبالغ الضخمة دي عليه ومعرفش محمد سعد بياخد فيه كام مليون ..يبقى في حاجة غلط.. لما يبقى كل محتوى البرنامج العبط ده ويعدي عادي وكله تقل دم وسماجة من شخص مبيقدمش جديد ..يبقى في حاجة غلط.. لما شباب عنده أفكار أحلى وأحسن كتير وبميزانيات أقل ومياخدش فرصة ..يبقى في حاجة غلط  .. الإعلام أساس مجتمعنا ولو مبصناش له بشكل جاد وحطينا معايير مهنية واحترافية منظمة للي بيشتغل فيه ..يبقى عليه العوض“.
[rtl]برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" Hager[/rtl]

[rtl]وقالت “هند حافظ”: ايه كمية الاسفاف وقلة الأدب اللي بتعرضوها ببرنامج محمد سعد يعني وقفتوا باسم يوسف علشان بتقولوا بيعمل ايحاءات جنسية طبعا بين قوسين بيخبط بالسلطة عارفين بس اللي قولتوه انه بيعمل ايحاءات تقوموا جايبين سعد وهيفا يعملوا فيلم سكس ايه القرف ده انتوا قناة مش محترمة وان شا الله حتبقوا زي السي بي سي”.[/rtl]


برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" Hend
[rtl]وعلقت “رحاب طرف” : الاهبل دا واخد 16مليون عشان يعمل الهبل دا ويتحرش بالرخيصه اللي جنبه .. ويقولك البلد مفهاش فلوس !!!!!! هي فعلا مفيهاش علي الغلابه اللي بيكملوا عشاهم نوم ومش لاقيين تمن الدوا  .. طب لو المبلغ دا ياخده بس يقدم حاجه هادفه زي المحترم محمد صبحي نقول ماشي .. لكن هبل واسفاف ووضاعه للدرجه دي ؟؟؟”.[/rtl]


برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" Rihab
[rtl]أما “حسام يوسف” فكان تعليقه “ عرض هايل بجد وانا كنت مبسوط جدا منه لانه مليان كميه الافاظ خارجه وتحرش وشتيمه واسفاف وهبل وحركات ملهاش اى معنى ومالوش اى هدف اصلا واحنا محتاجين الحاجات دى كلها علشان ناخد القرار اننا منتفرجش عليه تانى واشربو انتو بقى تكلفه عرضه بدون اعلانات بالشفا يا ام بى سى مبروك عليكى الخزوق الى اخدتيه من الممثل الفاشل ده اه اقصد الكلب الفاشل ده”.[/rtl]


برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" Hosam
خبراء الإعلام أيضا لم يروقهم ما شاهدوه في الحلقة الأولى للشخصية الشهيرة “بوحة”، حيث قالت الدكتورة ثريا البدوي، الأستاذ بكلية الإعلام جامعة القاهرة، إن محمد سعد لا يصلح لتقديم برنامج لأنه يهدر القيم ويهدد البنية الأصيلة للمجتمع المصري، مستنكرة من قناة mbc لتقديمها هذا البرنامج، متسائلة: “أين وش السعد في هذا البرنامج؟”.
وأضافت أستاذ الإعلام قائلة: “هناك برامج ساخرة محترمة تعمل على تقدم المجتمع وخلق صورة إيجابية، أما هذا البرنامج يسخر من عقلية المواطن ولا يجب وجوده على الساحة في الوقت الحالي لأننا دولة تبني نفسها، لا بد من توافر الصور الإيجابية عن المجتمع وليس هدم أنفسنا”.
وتتوقع البدوي أن هذا البرنامج لن يستمر لدورة برامجية أخرى لأن المواطن يعي جيدا ما يشاهده، وإذا استمر لا بد من إعادة النظر في جميع ما يبث على وسائل الإعلام.
وهو ما تفاعل معه نشطاء مواقع التواصل الاجتماعي، الذين دشنوا هاشتاج ليس فقط للهجوم على البرنامج ، وإنما أيضا لمقاطعة قناة «إم بي سي» مصر التى تقوم بعرضه وذلك عن طرق هاشتاج #‏مقاطعة_mbc_مصر، ووصف النشطاء القناة بأنها تستخف بعقول المشاهدين ولا تقدم شيئا له قيمة ولكنها تبحث عن تحقيق نسب مشاهده عالية وجذب المعلنين حتى ولو على حساب المشاهدين،مؤكدين أنه فى برنامج «وش السعد» سيكون الخاسر الوحيد هو الفنان محمد سعد الذى تأثرت نجوميته وشعبيته بعد ظهوره بهذا الشكل فى أولى حلقات البرنامج.

ملاحقة قضائية
لكن يبدو أن ملاحقة البرنامج ومطالبات وقفه، لن تتوقف فقط على نشطاء مواقع التواصل الاجتماعي، فالمخرج طوني نبيه، قال في تصريحات صحفية إنه سيلجأ إلى القضاء لإيقاف برنامج «وش السعد»؛ لاستيلائه على اسم فيلمه، الذي كان من المقرر أن يبدأ تصويره مع الفنان منذر ريحانة، وشركة «جذور» للإنتاج الفني لصاحبتها الفنانة لوسي خلال الفترة المقبلة.
مضيفًا أنه سجل الفيلم في حقوق الملكية الفكرية بتاريخ ٢٢ مارس ٢٠١٠، مشيرًا إلى أن الفنان محمد سعد كان يعلم باسم الفيلم عندما كان يصور فيلم اللمبي ٨ جيجا، وبالرغم من ذلك استولى على اسم الفيلم، دون الرجوع إليه.
على أية حال، «وش السعد» ينم عن حالة “إفلاس” وصل إليها «سعد» جعلته يلجأ للبديل الأسهل وهو الكثير من الإيحاءات الجنسية بدءا من نظراته الفجة لـ«هيفاء» وصولا إلى حملها على المسرح وقيامه بإخراج قطعة عيش من جيبه ليغمس بها جسد النجمة، وهو ما يمثل دعوة صريحة للتحرش وخدش الحياء العام.
برنامج وش السعد "لما يبقى برنامج حلقته كلها بتدور في إزاي تتحرش ..يبقى في حاجة غلط" Wesh
privacy_tip صلاحيات هذا المنتدى:
لاتستطيع الرد على المواضيع في هذا المنتدى