هاام جدآ
 خاص لإمتحانات طلبة الصف الاول والثانى الثانوى

على جميع الطلبة التأكد من ان التابلت عليه منصتين للإختبارات ركز معايا شوية
الاولى منصه exam
لو اتحذفت من التابلت بدون قصد فبنزلها من النوكس
الثانيه منصه local لو مش موجوده على التابلت فبنزلها من جوجل كروم قبل الإمتحان  تمام
خطوات تنزيل منصه local
(١)على التابلت نفتح جوجل كروم ونكتب فى البحث
assessment.local.ekb.eg
(٢) ثم نضغط بحث هتظهر صفحه بها النت مقطوع (ليه) local منصه خاصه بامتحانات المدرسه ولن تفتح الا فى المدرسه فبعد الضغط على بحث وظهور الصفحه بها النت مقطوع من اعلى شمال الشاشه نضغط ٣ نقاط فوق بعض او سهم احمر صغير ومنه نختار كلمه اضافه للشاشه الرئيسيه ثم اضافه ثم اضافه( تمام لحد كده)
هتنزل على شاشه التابلت
 اتأكد من إللى جاى وخليك جاهز
التأكد من عدم وجود أي شريحة انترنت داخل التابلت عند الامتحان فقط  نركز شوية ليه
 لأن الامتحان علي شبكة المدرسة (شبكة محلية)
التأكد من شحن التابلت قبل الحضور للمدرسة( مهم جدا)
التاكد من مسح السجل وذلك من ثلاث نقاط أو السهم الاحمر اختاري السجل ثم بيانات التصفح ونختار جميع الاوقات ثم محو وذلك يوميا
التأكد من زمن توقف الشاشة ٣٠دقيقة من خلال الضبط ثم الشاشة ونختار ٣٠دقيقة
لوحة المفاتيح بها اللغة الثانية من الامتحانات السابقة( اتأكد تانى)
غلق التابلت قبل دخول الامتحان واللجنة ويفتح بعد دخول اللجنة حتى يقرأ الاكسيس بوينت الخاص باللجنه ويشتغل عليه بطريقه جيده دون تعطل فضرورى
قبل بدأ الامتحان فى اللجنه غلق التابلت ثم فتحه
  تأكد من جميع التطبيقات تعمل علي التابلت باستخدام الايميل الموحد اللي عملته عند عمل الاستمارة الالكترونية
وذلك لاستلام اكواد الامتحان  
-ضرورة توصيل التابلت بالانترنت دائما لاستلام الاكواد واي جديد من الوزارة
في حاله اي مشكلة في التابلت اتواصل مع مدرستك
يجب التأكد من أن التابلت متصل بواى فاى المدرسه
طب ازاى
من خلال تنزيل شاشه التابلت  لاسفل وننظر ل الواى فاى  لو وجدنا كلمه school فكدا متصل وان كانت موجوده كلمه واى فاى فقط فمعنى ذلك انه غير متصل
وضرورى جدا قبل الدخول للامتحان تسجيل شبكه الواى فاى الخاصه بالمدرسه
بالنجاح والتوفيق إن شاء الله...