كلية الطب أزهر
هناخدكم النهاردة في رحلة عشان نتعرف على الكلية العريقة دي
طبعا مفيش عندنا في الأزهر غير ٦ كليات طب بشري
٣ للبنين و٣ للفتيات ألا وهي أزهر بنين القاهرة وأزهر بنات القاهرة وأزهر بنين دمياط وأزهر بنات دمياط وأزهر بينين أسيوط وأزهر بنات أسيوط واللي بيفرق بينهم طبعا غير المكان التنسيق بيكون فيه اختلاف طفيف بينهم
أولا]نظام الدراسة: وده نظام جديد مطبق منذ دفعة ٢٠١٨
١)هتدرس ٥ سنين دراسة بالإضافة إلى سنتي تدريب في أحد المستشفيات الجامعية ويسموا بسنتي الإمتياز،يعني كده المجموع ٧ سنين وده قل في المدة عن النظام القديم اللي كان ٦ سنين دراسة وسنة واحدة امتياز هتقلي ما كدا ٧ سنين في النظامين ازاي النظام الجديد أقل؟؟
عندك سنة خامسة وساتة كل واحدة فيهم بتاخد ١٤ شهر تقريبا يعني سنة ونص.
٢)بالنسبة للدراسة فعندك اول سنتين دراسة أكاديمية(نظري يعني) والثلاث الباقية دراسة إكلينيكة(نظري برضوا بس معاها بعض العملي)
٣)عندنا بندرس بنظام الترمات يعني كل سنة ترمين
فالمجمل بيكون ١٠ ترمات.
٤)نظام الدراسة يُحسب بنظام الساعات المعتمدة
والساعة المعتمدة ده بتساوي ١٥ محاضرة كل محاضرة مدتها ٥٠ دقيقة او ١٥ سكشن عملي كل سكشن مدته ساعتين
بندرس في المجمل حوالي ٢١٠ ساعة معتمدة
بمعدل ٢١ ساعة لكل ترم تقريبا.
ثانيا]المواد:
عندك مبدئيا ٨ مواد أساسية
١)علم التشريح والأجنة(Anatomy and Embryology )بنتناول فيه كل جزء ف الجسم ونعرف الأجزاء المكونه ليه وتركيبها ،فعلى سبيل المثال هناخد الطرف العلوي وده بيتكون من عظمة الكتف ثم الذراع ثم الساعد ثم رسغ اليد ثم راحة اليد ثم الأصابع وهناخد ايه العضلات اللي ف المكان ده كله بتتطلع منين وتمسك فين وهكذا و برضوا الأوعية الدموية من شرايين وأوردة وأوعية ليمفاوية وبرضوا بندرس الاعصاب اللي في المكان ده وهكذا.
من الآخر بندرس العظم والعضلات اللي بتتصل بيه والتغذية الدموية والعصبية للعضلات ده ووظائف العضلات ده برضوا.
٢)علم الأنسجة(Micro-anatomy=Histology)
وده بندرس فيه الجسم ولكن على مستوى الميكروسكوب من أنسجة وخلايا من حيث التركيب والوظيفة وملائمة التركيب للوظيفة.
فمثلا في التركيب بتعرف شكل الخلية وايه أكثر العضيات الشائعة فيها ولون السيتوبلازم وهكذا
وده من أمتع العلوم اللي هتستمع بدراسته إن شاء الله وبرضوا من أسهل المواد في المذاكرة.
٣)علم وظائف الأعضاء (Physiology)
وده بنتكلم فيه عن وظائف أعضاء الجسم وهكذا فمثلا الكلية هنعرف ازاي بتكون البول وتتخلص من المواد الضارة وترجع لنا المواد المفيدة لجسمنا وده من أمتع المواد اللي هتدرسها ومن اكتر المواد اللي بتتطلب فهم وهتستمتع جدا جدا بدراسته لأنه اسمه فيزيولوجي(فيزياء اعضاء الجسم).
٤)الكيمياء الحيوية (Biochemistry)
والمادة ده بتتكلم عن المركبات اللي بيتكون منها الجسم والمركبات اللي بيحتاجها الجسم برضوا و بندرس فيها الإنزيمات والفيتانينات والمعادن الضرورية لجسم الإنسان وبتتكلم بشكل أساسي عن عمليات الأيض(الهدم والبناء) وبرضوا بندرس فيها ال DNA اللي خدناه في الثانوي ومعاه شوية وراثة كده
وهتعرف ازاي جسمك بيبني نفسه وازاي بيستفيد من الأكل اللي أنت بتأكله فعلى سبيل المثال لو حضرتك أكلت كربوهيدرات فالمادة ده بتعرفك ايه اللي بيحصل للكربوهيدرات ده من أول ما كلتها لغاية ما جسمك يتخلص منها وبرضوا يتعرفنا ايه اللي بيحصل لو حاجات معينة في جسمك قلت أو زادت وايه اللي المرض اللي بينتج عن كده وصدقني هتستمع جدا بدراستها
٥)علم الأمراض(عملاق الطب) (Pathology)
وده بقا المادةاللي كلنا بنبا مستنينها بس للأسف بتطلع عنينا في الأخر
ده بقا يا سيدي المادة اللي بندرس فيها الأمراض وبنعرف ايه اسباب المرض والحاجات اللي ممكن تزود فرص حدوثه وبرضوا بندرس صورة المرض بالعين المجردة(الحاجة اللي بتشوفها على العيان أول ما يجي العيادة او المستشفى) وبرضوا بنعرف صورة المرض تحت الميكروسكوب وده بياعدنا نتأكد من التشخيص اللي شخصناه بالإعتماد على العين المجردة
وبرضوا هنعرف ايه المضاعفات اللي بتحصل للمرض ده في حالة عدم التدخل في علاجه
من الأخر كده المادة ده جوكر الطب
٦)علم الطفيليات (Parasitology)
واضح من الاسم إننا هندرس فيه الطفيليات اللي بتصيب جسم الإنسان ودورة حياتها وازاي بتصيب الإنسان وايه اللي ممكن تعمله عشان تقلل فرص الإصابة بالطفيليات ده
نضرب مثال كلنا عارفينه وهو الملاريا
المادة ده بتعرفنا ايه هو الطفيل اللي بيسبب المرض ده وأطوار حياته وايه الحاجات اللي بتنقله وازاي بنتصاب بيه وايه الاعراض اللي بتظهر علينا وازاي ممكن نعالجه بطريقة بسيطة(اسم الدواء فقط لاغير)
من الأخر كده مادة الديدان والحشرات
٧)علم الأحياء الدقيقة والمناعة
Microbology and immunology
وده بندرس فيه البكتريا والفيروسات
بنتتناول فيه حياة الكائنات ده وشكلها تحت الميكروسكوب وايه الأمراض اللي ممكن تسببها وازاي نمنع انتقال الكائنات ده وازاي نعالجها برضوا
وافصل مثال لكده حديث الساعة الكوفيد-١٩
وبرضوا فيه جزء صغير بنتملم فيه عن تعقيم المستشفيات والأدوات ولبس الدكاترة وايه الأجهزة اللي بنستخدمها في التعقيم والطريقة وبرضوا بندرس ازاي نمنع انتقال العدوى في المستشفيات وأشياء من هذا القبيل.
وفيه جزء مناعة برضوا وده طبعا كلكم عارفينه من الثانوي مش محتاج كلام يعني
٨)علم الأدوية (Pharmacology)
وده بقا العلم اللي بيتكلم عن الأودية ومصادرها وطريقة عملها وايه الأعراض الجانبية اللي بتنشأ عن استخدامها وايه موانع استخدام الادوية ده برضوا
من الأخر كده ده العلم اللي بيعلمك ازاي تكتب روشتة
وفيه برضوا كل ترم مادة من مواد ال Professionalism حاجة كده نظام ال Soft skills
وبرضوا في مادة اختيارية(Elective) كل ترم
بتختار من بين مادتين مادة واحدة بتدرسها وبتمتحن عليها وبتبا مادة نجاح ورسوب فقط بس ولا تضاف للمجموع.
وبرضوا مننساش إننا كازهر بندرس برضوا مواد شرعية بمعدل مادة في كل ترم
بيبا ترم قرآن(٥أجزاء) وبنمتحن فيه شفوي وتحريري
وترم فيه مادة شرعية حديث وفقه..الخ
دوول المواد اللي هندرسهم بشكل اساسي في أول سنتين وأول جزء من سنة تالتة وفيه مواد تانية هتعرفها بعدين إن شاء.
ثالثا]النجاح والرسوب التقديرات
عشان تنجح لازم تجيب على الأقل ٦٠% وليس ٥٠% كما في معظم الكليات الأخرى
وبالنسبة التقديرات فهي كالتالي:
١)امتياز:٨٥% فأكثر
٢)جيد جدا: ما بين ٧٥% وأقل من ٨٥%
٣)جيد:مابين ٦٥% وأقل من ٧٥%
٤)مقبول ما بين ٦٠% واقل من ٦٥%
هناخدكم النهاردة في رحلة عشان نتعرف على الكلية العريقة دي
طبعا مفيش عندنا في الأزهر غير ٦ كليات طب بشري
٣ للبنين و٣ للفتيات ألا وهي أزهر بنين القاهرة وأزهر بنات القاهرة وأزهر بنين دمياط وأزهر بنات دمياط وأزهر بينين أسيوط وأزهر بنات أسيوط واللي بيفرق بينهم طبعا غير المكان التنسيق بيكون فيه اختلاف طفيف بينهم
أولا]نظام الدراسة: وده نظام جديد مطبق منذ دفعة ٢٠١٨
١)هتدرس ٥ سنين دراسة بالإضافة إلى سنتي تدريب في أحد المستشفيات الجامعية ويسموا بسنتي الإمتياز،يعني كده المجموع ٧ سنين وده قل في المدة عن النظام القديم اللي كان ٦ سنين دراسة وسنة واحدة امتياز هتقلي ما كدا ٧ سنين في النظامين ازاي النظام الجديد أقل؟؟
عندك سنة خامسة وساتة كل واحدة فيهم بتاخد ١٤ شهر تقريبا يعني سنة ونص.
٢)بالنسبة للدراسة فعندك اول سنتين دراسة أكاديمية(نظري يعني) والثلاث الباقية دراسة إكلينيكة(نظري برضوا بس معاها بعض العملي)
٣)عندنا بندرس بنظام الترمات يعني كل سنة ترمين
فالمجمل بيكون ١٠ ترمات.
٤)نظام الدراسة يُحسب بنظام الساعات المعتمدة
والساعة المعتمدة ده بتساوي ١٥ محاضرة كل محاضرة مدتها ٥٠ دقيقة او ١٥ سكشن عملي كل سكشن مدته ساعتين
بندرس في المجمل حوالي ٢١٠ ساعة معتمدة
بمعدل ٢١ ساعة لكل ترم تقريبا.
ثانيا]المواد:
عندك مبدئيا ٨ مواد أساسية
١)علم التشريح والأجنة(Anatomy and Embryology )بنتناول فيه كل جزء ف الجسم ونعرف الأجزاء المكونه ليه وتركيبها ،فعلى سبيل المثال هناخد الطرف العلوي وده بيتكون من عظمة الكتف ثم الذراع ثم الساعد ثم رسغ اليد ثم راحة اليد ثم الأصابع وهناخد ايه العضلات اللي ف المكان ده كله بتتطلع منين وتمسك فين وهكذا و برضوا الأوعية الدموية من شرايين وأوردة وأوعية ليمفاوية وبرضوا بندرس الاعصاب اللي في المكان ده وهكذا.
من الآخر بندرس العظم والعضلات اللي بتتصل بيه والتغذية الدموية والعصبية للعضلات ده ووظائف العضلات ده برضوا.
٢)علم الأنسجة(Micro-anatomy=Histology)
وده بندرس فيه الجسم ولكن على مستوى الميكروسكوب من أنسجة وخلايا من حيث التركيب والوظيفة وملائمة التركيب للوظيفة.
فمثلا في التركيب بتعرف شكل الخلية وايه أكثر العضيات الشائعة فيها ولون السيتوبلازم وهكذا
وده من أمتع العلوم اللي هتستمع بدراسته إن شاء الله وبرضوا من أسهل المواد في المذاكرة.
٣)علم وظائف الأعضاء (Physiology)
وده بنتكلم فيه عن وظائف أعضاء الجسم وهكذا فمثلا الكلية هنعرف ازاي بتكون البول وتتخلص من المواد الضارة وترجع لنا المواد المفيدة لجسمنا وده من أمتع المواد اللي هتدرسها ومن اكتر المواد اللي بتتطلب فهم وهتستمتع جدا جدا بدراسته لأنه اسمه فيزيولوجي(فيزياء اعضاء الجسم).
٤)الكيمياء الحيوية (Biochemistry)
والمادة ده بتتكلم عن المركبات اللي بيتكون منها الجسم والمركبات اللي بيحتاجها الجسم برضوا و بندرس فيها الإنزيمات والفيتانينات والمعادن الضرورية لجسم الإنسان وبتتكلم بشكل أساسي عن عمليات الأيض(الهدم والبناء) وبرضوا بندرس فيها ال DNA اللي خدناه في الثانوي ومعاه شوية وراثة كده
وهتعرف ازاي جسمك بيبني نفسه وازاي بيستفيد من الأكل اللي أنت بتأكله فعلى سبيل المثال لو حضرتك أكلت كربوهيدرات فالمادة ده بتعرفك ايه اللي بيحصل للكربوهيدرات ده من أول ما كلتها لغاية ما جسمك يتخلص منها وبرضوا يتعرفنا ايه اللي بيحصل لو حاجات معينة في جسمك قلت أو زادت وايه اللي المرض اللي بينتج عن كده وصدقني هتستمع جدا بدراستها
٥)علم الأمراض(عملاق الطب) (Pathology)
وده بقا المادةاللي كلنا بنبا مستنينها بس للأسف بتطلع عنينا في الأخر
ده بقا يا سيدي المادة اللي بندرس فيها الأمراض وبنعرف ايه اسباب المرض والحاجات اللي ممكن تزود فرص حدوثه وبرضوا بندرس صورة المرض بالعين المجردة(الحاجة اللي بتشوفها على العيان أول ما يجي العيادة او المستشفى) وبرضوا بنعرف صورة المرض تحت الميكروسكوب وده بياعدنا نتأكد من التشخيص اللي شخصناه بالإعتماد على العين المجردة
وبرضوا هنعرف ايه المضاعفات اللي بتحصل للمرض ده في حالة عدم التدخل في علاجه
من الأخر كده المادة ده جوكر الطب
٦)علم الطفيليات (Parasitology)
واضح من الاسم إننا هندرس فيه الطفيليات اللي بتصيب جسم الإنسان ودورة حياتها وازاي بتصيب الإنسان وايه اللي ممكن تعمله عشان تقلل فرص الإصابة بالطفيليات ده
نضرب مثال كلنا عارفينه وهو الملاريا
المادة ده بتعرفنا ايه هو الطفيل اللي بيسبب المرض ده وأطوار حياته وايه الحاجات اللي بتنقله وازاي بنتصاب بيه وايه الاعراض اللي بتظهر علينا وازاي ممكن نعالجه بطريقة بسيطة(اسم الدواء فقط لاغير)
من الأخر كده مادة الديدان والحشرات
٧)علم الأحياء الدقيقة والمناعة
Microbology and immunology
وده بندرس فيه البكتريا والفيروسات
بنتتناول فيه حياة الكائنات ده وشكلها تحت الميكروسكوب وايه الأمراض اللي ممكن تسببها وازاي نمنع انتقال الكائنات ده وازاي نعالجها برضوا
وافصل مثال لكده حديث الساعة الكوفيد-١٩
وبرضوا فيه جزء صغير بنتملم فيه عن تعقيم المستشفيات والأدوات ولبس الدكاترة وايه الأجهزة اللي بنستخدمها في التعقيم والطريقة وبرضوا بندرس ازاي نمنع انتقال العدوى في المستشفيات وأشياء من هذا القبيل.
وفيه جزء مناعة برضوا وده طبعا كلكم عارفينه من الثانوي مش محتاج كلام يعني
٨)علم الأدوية (Pharmacology)
وده بقا العلم اللي بيتكلم عن الأودية ومصادرها وطريقة عملها وايه الأعراض الجانبية اللي بتنشأ عن استخدامها وايه موانع استخدام الادوية ده برضوا
من الأخر كده ده العلم اللي بيعلمك ازاي تكتب روشتة
وفيه برضوا كل ترم مادة من مواد ال Professionalism حاجة كده نظام ال Soft skills
وبرضوا في مادة اختيارية(Elective) كل ترم
بتختار من بين مادتين مادة واحدة بتدرسها وبتمتحن عليها وبتبا مادة نجاح ورسوب فقط بس ولا تضاف للمجموع.
وبرضوا مننساش إننا كازهر بندرس برضوا مواد شرعية بمعدل مادة في كل ترم
بيبا ترم قرآن(٥أجزاء) وبنمتحن فيه شفوي وتحريري
وترم فيه مادة شرعية حديث وفقه..الخ
دوول المواد اللي هندرسهم بشكل اساسي في أول سنتين وأول جزء من سنة تالتة وفيه مواد تانية هتعرفها بعدين إن شاء.
ثالثا]النجاح والرسوب التقديرات
عشان تنجح لازم تجيب على الأقل ٦٠% وليس ٥٠% كما في معظم الكليات الأخرى
وبالنسبة التقديرات فهي كالتالي:
١)امتياز:٨٥% فأكثر
٢)جيد جدا: ما بين ٧٥% وأقل من ٨٥%
٣)جيد:مابين ٦٥% وأقل من ٧٥%
٤)مقبول ما بين ٦٠% واقل من ٦٥%
