-- طبعا القرار الوزاري حدد مصروفات رياض الأطفال ب 145 جنية دول بيتم توريدهم لصالح صندوق دعم وتمويل المشروعات التعليمية اما بالبريد او منافذ فوري بالإضافة إلى مبلغ 40 جنية تنظيم تعليم ونشاط عام يوردو بالمدرسة على 123 ت ت
طيب الكل عارف بما فيهم ولي الأمر إن فيه عجز صارخ في العمال وكمان الدادات في رياض الأطفال وإن معظم المدارس بتجيب دادات بالأجر علشان الأطفال ..
طيب ليه ما يبقاش فيه تقنين لهذا الموضوع !!!!
--- معلش الوزارة عايشه في مكان غير اللي إحنا عايشنو بجد يعني صانع القرار معزول عن الوضع ده !!!!
طيب نعمل إيه ؟!!!!
خلينا نقول بصراحة مفيش مدير مدرسة فيها رياض أطفال ما بيجمعش فلوس من أولياء أمور الأطفال في رياض الأطفال تحت مسمى أجر الدادات
وما بنعرفش نراقب الفلوس دي علشان حصلت بطرق غير رسمية !!!
فيها إيه لو تم تقنين تلك الحالة وقيام كل مديرية تعليمية بعمل مذكرة بتلك المبالغ المطلوبة من كل ولي أمر له طفل في رياض الأطفال ويكون تحصيلها رسمي على قسائم 123 ت ت وبكده نعرف نراقب الصرف منها وبصفة رسمية ...
إدارة الحامول التعليمية بكفر الشيخ عملت كده بس المطلوب ان المديرية ترفعها للمحافظ للإعتماد لعدم المخالفة

كتبه: أ/ أشرف فوزي الرفاعي‏

فرسان التوجيه المالي والإداري