مدرس اون لايندخول

لطلاب الثانوية العامة.. كيفية وضع ومقدار درجات الرأفة في كل مادة وحالات رفضها

لطلاب الثانوية العامة.. كيفية وضع ومقدار درجات الرأفة في كل مادة وحالات رفضها 24300
كشفت مصادر مطلعة، بديوان عام وزارة التربية والتعليم، في تصريح خاص، أنه مع اختتام اعمال التصحيح، تفحص لجان خاصة كراسات إجابة الطلاب الراسبين في كل مادة؛ للتأكد من تصحيح كل جزئية بالامتحان، والإجابات التي يكتبها الطلاب في المسودات، بما يضمن حصول كل طالب على حقه.

وقالت المصادر إن اللجان من حقها منح الطلاب درجات الرأفة، بشرط أن يترتب عليها تغيير حالة الطالب من دور ثاني إلى ناجح، أو من راسب إلى دور ثاني.

وأضافت أن الطالب إذا أضيفت له درجات رأفة ترتب عليها نجاحه وهو يرغب في إعادة السنة، عليه التقدم بتظلم لحذف درجات الرأفة.

وتابعت: "لو طالب حس إنه هيسقط بسبب إجابته، وعايز يعيد السنة، ولقى نفسه جايب درجة النجاح بالظبط، من حقه تقديم تظلم ولو كان مضاف له درجات رأفة تترفع ويعتبر راسبًا ومن حقه يعيد السنة، لكن ماينفعش يتقدم بطلب لتحسين المجموع لأن نظام التحسين اتلغى، أما الطالب اللي جايب أكتر من درجة النجاح ولو بنص درجة يبقى ما تمش إضافة درجات رأفة له".

وأوضحت المصادر نظام إضافة درجات الرأفة، بأنها تضاف بنسبة 10% من إجمالي مجموع المادة للطالب الراسب في مادة واحدة فقط ليتحول من دور ثانٍ إلى ناجح، وبنسبة 7% من مجموع المادة للطالب الراسب في مادتين لتحويله من دور ثان إلى ناجح، وبنسبة 6% من مجموع المادة في حالة رسوب الطالب في 3 مواد، وتضاف النسبة لمادة واحدة فقط منهم لتحويله من راسب إلى دور ثانٍ.

ضوابط منح درجات الرأفة وعدد الدرجات فى المواد.

  • 1-  درجات الرأفة تمنح إذا كانت تغير من حالة ووضع الطالب وتحديدًا للطالب الراسب فى مادة أو 3 مواد.
  • 2- إذا حصل عليها فى الحالة الأولى سوف ينجح من الدور الأول وفى الحالة الثانية يؤدى امتحان الدور الثانى بدلا من رسوبه وبقائه للإعادة.
  • 3- درجات الرأفة على أعمال التصحيح بكنترولات الثانوية العامة لا يتم بشكل عشوائى ولكن هناك درجات لكل مادة تطبق فى حالة الرأفة.
  • 4- المادة التى تصل فيها النهاية الكبرى إلى 80 درجة يخصص لها 6 درجات رأفة فقط وهى اللغة العربية مثلاً.
  • 5- تضاف 5 درجات رأفة على المادة التى تصل فيها النهاية الكبرى إلى 60 درجة منها مواد التاريخ والجغرافيا.
  • 6- المادة التى تصل فيها النهائية الكبرى إلى 40 درجة يحصل الطالب فيها على 4 درجات رأفة.
  • 7- يمنح الطالب 3 درجات رأفة فقط فى المادة التى تصل النهائية الكبرى فيها إلى 25 درجة، منها التربية الديينة والتربية الوطنية.
  • 8- درجات لا تضاف فى حالات الرسوب.
  • 9- الطالب الذى يرغب فى عدم الاستفادة من درجات الرأفة عليه أن يرفض قبول تلك الدرجات.
  • 10- درجات الرأفة تضاف لكراسة إجابة الطالب بعد انتهاء أعمال المراجعة النهائية وليس أثناء التصحيح وتقدير الدرجة.


= درجات الرأفة بتكون خاصة بالطالب الراسب في مادة أو اتنين أو تلاتة.
= درجات الرأفة دي قانونية، يعني مش بدعة من وزارة التعليم.
= درجات الرأفة مش مفتوحة لكن ليها سقف وحد أقصى لكنها مرتبطة بالنهاية العظمى في كل مادة.
= السنة اللي فاتت الوزارة وصلت بنسبة درجات الرأفة إلى ١٠٪؜ من درجات كل مادة علشان تساعد بعض الطلبة إنهم ينجحوا.. لكنها مختلفة بين مادة وتانية.
= درجة الرأفة بتكون لطالب (مثلا) ناجح في كل المواد وراسب في مادة وواقف على درجتين تلاتة أربعة وينجح ممكن ياخدهم وينجح في المادة دي بحيث يتحول من راسب في مادة لناجح
في كل المواد.
= درجة الرأفة بتكون لطالب (مثلا) راسب في ٣ مواد وبكدة لازم يعيد السنة لأنه مينفعش يدخل الدور التاني إلا في مادتين فقط.. فالوزارة بتشوف أنهي مادة من المواد التلاتة محتاج فيها درجتين تلاتة أربعة فياخدهم وينجح في المادة دي بحيث يتحول من طالب لازم يعيد السنة لطالب يدخل دور تاني في مادتين.
= درجة الرأفة بتكون لطالب راسب في مادتين، وفيه مادة منهم محتاج فيها درجتين تلاتة أربعة وينجح فيها، فبياخدهم وينجح فيها ويدخل دور تاني في مادة واحدة.
= درجة الرأفة مش بياخدها طالب علشان يقفل درجات مادة معينة، أو يكون محتاج درجتين تلاتة علشان يوصل ٩٠٪؜ فياخد درجات رأفة توصله للتسعين في المية، الكلام ده مش بيحصل لأن دي درجات تخص طلبة بعينهم.
= درجة الرأفة ملهاش علاقة برفع نسبة النجاح، لأن ده حق للطالب بياخده عادي، طالما يستحقه بحيث تتحول حالته من راسب في مادة لناجح ومن راسب في السنة لدور تاني.
= نسبة درجات الرأفة السنادي كام؟ الله أعلم.. لكنها السنة اللي فاتت كانت ١٠٪؜ من درجات المادة.. يعني المادة اللي كانت من ٦٠، كان فيها درجات رأفة ٦ درجات بياخذها الطالب اللي تنطبق عليه الحالات اللي قلت عليها، والمادة اللي من ٥٠ كان ليها ٥ درجات واللي من ٢٥ ليها ٣ درجات.
= الطالب المتفوق مش بيتأثر إن فيه زميل له خد درجات رأفة وهو لأ.. لأني زي ما قلت درجة الرأفة دي بتكون للطالب اللي عايز كام درجة علشان (يتحول من راسب لناجح أو من راسب لدور تاني) مش علشان مجموعه يزيد في مادة معينة.
= لما تلاقي نفسك يوم النتيجة جايب درجة النجاح بالعافية في مادة اعرف إنك غالبا استفدت من درجات الرأفة علشان ما تبقاش راسب في المادة دي.
= هل من حق الطالب يرفض درجة الرأفة؟! أيوة من حقه يرفضها.. يعني مثلا فيه طالب راسب في ٣ مواد وبكدة لازم يعيد السنة في التلات مواد، لكن الوزارة نجحته في مادة بعد ما خد فيها درجات الرأفة بحيث يدخل دور تاني في مادتين فقط.. الطالب ده من حقه يقدم طلب في الكنترول يرفض درجات الرأفة في المادة اللي نجح فيها بحيث يعيد السنة في التلات مواد مع بعض علشان ياخذ فيهم الدرجة الفعلية مش نصف الدرجة لو دخل دور تاني في مادتين فقط.
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى