محدش يعرف قيمه تربيه رياضيه غير اللي دخلها
انت دخلت ايه؟
- تربية رياضية
- ليه يا يبني كلية ملهاش لازمة تتفحت4 سنين عشان تبقى مدرس العاب تلعب العيال كورة و تقعد فى الملعب بكباية الشاى تتفرج على العيال  
- هاهاهاها مش ذنبى ان معلومات حضرتك على قددك و فكرتك عن خريج وطالب تربية رياضية تتمحور فى الكورة و وكبايه الشاى  
يعنى ايه تربية رياضية ؟
تربية رياضية يعنى الإلتزام والأدب والإحترام ..
تربية رياضية يعنى النظافة الشخصية ..
تربية رياضية يعنى هدوم مكوية زى الجيش ..
تربية رياضية يعنى تحيا مصر كل يوم الساعة 8.30
تربية رياضية يعنى اللى ف سنة أولى يحترم اللى ف سنة تانية ..
تربية رياضية يعنى تاخد حقك من بق الأسد بمجهودك وتعبك ..
تربية رياضية يعنى 4 سنين فحت اكترمن10 مواد ف الترم ..
تربية رياضية يعنى دروس ووحدات تعليمية وتعلم حركي لمهارات حركية لأنشطة رياضية مختلفة لناشيء صغير أو مبتدىء مهما كان سنه.
تربية رياضية يعني تصميم مناهج تربية رياضية
. كلية تربية رياضية من اصعب الكليات اللى ممكن تقابلها لأنه بيدرس مواد طب بشرى زى ال Anatomy, Histology, physiology, psychology و غيرها كتير +بندرس علوم حركة يعنى الفزياء المعقدة +علم نفس بتعمق قووى + ادارة بتعمق + تغذية +تدريس+انجليزى +عربى+حاسب الى + مواد التربية الرياضية بقا ( تدريب رياضى + صحة رياضية + الحركات الاساسية للالعاب الجماعية )
يعنى بدرس فى الالعاب الجماعية دى كرة سلة كرة طايرة كرة يد هوكى و فى المنازلات بدرس مصارعة و ملاكمة و تايكوندو و جودو و كل المواد دى عملى و نظرى و بندرس سباحة و العاب قوى بكل تكتيكات  و بنشتغل و احنا فى الكلية مدربين و بنتمرن
وصحة شخصية وسيكولوجى و وظائف أعضاء وإصابات ملاعب وتشوهات قوام ومراحل نمو ..
تربية رياضية يعنى تربية وعلم نفس وعلم إجتماع وقياس وتقويم ..
تربية رياضية يعنى بحث علمى واحصاء وإنجليزى ..
تربية رياضية يعنى لغة عربية وحقوق إنسان ..
تربية رياضية يعنى تدريب رياضي وعلم حركة وميكانيكا حيوية وتخطيط أحمال وتصميم برامج وإنتقاء ناشئين ..
تربية رياضية مبارزة وسلاح شيش ..
تربية رياضية يعنى سباحة وكرة ماء وغطس وإنقاذ ..
تربية رياضية يعنى تنس أرضى وطاولة وسرعة وريشة وإسكواش وقوس وسهم ..
تربية رياضية يعنى كاراتية وجودو ومصارعة رومانية وتايكوندو ورفع أثقال .. تربية رياضية يعنى ألعاب قوى يعنى فحت  جرى على تراك ف عز الصبح .. تربية رياضية يعنى الرشاقة والبرستيج وخفة الدم ..
اما بقي بنسبه لخريج تربية رياضية الى مش عجبك ده اخر حل ممكن يلجأله انه يشتغل مدرس العاب و مجالات شغله اكبر من دماغ حضرتك.
-ازاى؟
*حاسس اننا صعبنا عليك و هتعيط بس استنا عشان انا محكتش على كلو بس مش مهم
بالنسبة لدور خريج التربية الرياضية فى المجتمع فهو دور اكبر برده من دماغ حضرتك.
ركز معايا عشان تفهم احنا بنشتغل اي بعد التخرج
1- اخصائى تغذية
2- اخصائى تأهيل فى عيادات و مستشفيات كمان .
3-فى الادارة .
4-اخصائين تسويق رياضى
5- اخصائين اعلام رياضى ( صحفيين و مذيعين )
6-معدين نفسين
6- مدربين فى كل الالعاب  
وغيرهاااا من الواظائف و متعرفش بتاع تربية رياضية بنسبة 90% لابس ظابط في اماكن حساسة في الجيش لانو الوحيد الي بتخرج لائق بدنيا يعنى لوزة مقشرة فبيتسحل ٤سنين بتاع تربية رياضية مش بتاع العاب بتاع التربية الرياضية بتاع تدريس و تدريب و تغذية و اصابات و علم نفس و ادارة و اعلام و كل حاجه
المهم يعني حب مجالك اللي انت بتدرس او بتشتغل فيه وفكك من كلام
المحبطين اللي شغلهم الشاغل هو العمل ع فشلك
تربيه_رياضيه_مصنع_الابطال
وفوق ده كلو بردو تربيه رياضيه بطلع مبتكرين_ومبدعين_ومخترعين