ثانيا: بعض النصائح التي تحتاجها في هذه الفترة
1- ابعد عن الافكار السلبية : الوقت ضاع – يدوب الحق انجح ،،، وابعد بالاكثر عن الاصدقاء السلبيين فى هذة الفترة ،،، صحابك اللى كل ما تحاول تشحن طاقتك وترفع عزيمتك يهبطوك _بقصد او من غير قصد  ابعد عنهم شوية

2- فكر فى ان طلاب كثير على مدار سنين اكثر بدأوا دلوقتى وجابوا اعلى الدرجات وحقققوا حلمهم ،، انت مش اققل منهم .

3- وانت فى الدروس ، اعتبر ان الحصة دى حرب لازم تطلع منها فاهم وحافظ ومذاكر ، وفى البيت هتراجع على اللى اخدته ،،، يعنى مش اروح اذاكر اللى فهمته فى الدرس ، لا انت هتروح تراجع اللى ذاكرته فى الدرس 

4- كل لما تلاقى افكار سلبية وطموحك بدأ يهبط تانى ، فكر فى لحظة النتيجة ... فكر فى الفرحة اللى هتكون فيها ... فكر فى شعورك وانت بتقدم فى الكلية ... فكر كدة معايا وانت محقق حلمك اللى تعبت علشانة 

5- طيب اذاكر قديم ولا جديد ،، احنا اتفقنا بقا فى الحصة انت بتذاكر الجديد مع المستر ،، وفى البيت هنراجعه وناخد حاجة قديمة ،، ومتقلقش لو المدرس بتاعك عنده ضمير اظن هيعيد شرح المنهج كلمة كلمة بس تخلى عند دافع للانجاز 

6- الايام اللى انت اجازة فيها معندكش دروس ،، دى بقا مش هقولك هتفرق معاك ازاى يا برنس ،،، حاول تقوم من الساعة 6.30كدة الصبح ،،، بس تكون مرتب هتذاكر ايه من قبلها بيوم ، لان احيانا بيقا عندك رغبة فى المذاكرة لكن مش عارف تبدأ منين وبأى مادة 

7- يوم الاجازة ده ابعد عن الموبيل ،، او حدد انت هتمسكه الساعة كام لكام ،،، بهدف تعرف حاجة معينة فى المذاكرة على شوية دلع وترفيه ،، لكن ميكتش جنبك طول اليوم علشان تضمن انك مش هتتعطل 

8- نصيحتى ليك ،،، حل كثير جدا ، تانى حل كثير جدا ،، كمان مرة اهو حل كثير جدا ... ليه بقا ، لان الاسئلة مع تكرارها انت بتعرف ايه الاجزاء المهمة فى المنهج وايه مواطن الامتحان ،،، ومع تكرار الاسئلة ونوعها هتحفظ اسئلة كاملة مع اجوبتها 

9- هتلاقى كدة بوستات من نوع : مصر حخرجت من التصنيف العالمى للتعليم ،،، اتعب ليه فى بلد محدش بيشتغل بشهادته ، دى اسمها حيل نفسية او تبرير مقنع بالزيف ،، هنا نفسك عايزة تهرب او تبرر الفشل بس بطريقة شيك شوية ،،، لا يا برنس ناس كثير بتشتغل بشهادتها ،، وناس كثير بتنجح ،، وناس اكثر بتتميز فى مجالها ،،، وناس كثير بتتغنى من شهادتها وتميزها ،، متحورش على نفسك وخليك واعى 

10- خليك حضرى فى المذاكرة ،،، ايوة حضرى ،، فى الاصرار والعزيمة والرجولة _حتى لو بنت – فى الانضباط ،،، اوعى تستلم للكسل والضغوط والمحبطين الفاشلين ،،، شوف الناس اللى قالت الحضرى كبر مينفعش للمنتخب هما برضو اللى دلوقتى بيقولوا ارقص يا حضرى 

11- ضع كميات مذاكرة معقولة فى اليوم ،،، يعنى مش تقرأ البوست ده وتسخن وتقول انا هخلص كله النهاردة ،، كميات مناسبة علشان تقدر تخلصها وتفرح وتشعر بالانجاز ،، شعور الانجاز ده بقا لو جرى فى دمك وحسيت انك تقدر تخلص اجزاء ، ده لوحده كفيل يخليك شعلة نشاط لان تذوق الانجاز ادمان 

12- تخيل معايا منظرك وانت طالع من اللجنة فرحان انك حليت على اعلى مستوى ،،، تخيل القلم وهو بيجرى وانت مش ملاحقة لانك مذاكر ،،، تخيل كدة اول لما يتوزع عليك ورقة الامتحان وتبص فيها وعينك تدمع من الفرحة لانك عارف الاجوبة ،،، كل ده ميخليكش تموت نفسك فى المذاكرة ومتضيعش ولا ثانية من النهاردة

13- تخيل بقا وانت خارج وكل فرحان وانت اللى زعلان لانك بعد الشر عكيت ،،، صدقنى شعور زى الزقت ،،، هتقول ياريتنى كنت ذاكرت ،، ياريتنى مضيعتش كل ده وقت ،،، الفرصة لسع عندك والوقت لسه قددامك .

14- قول بصوت عالى كدة معايا : انا اقدر انا اقدر انا اقدر ،،،، لا مش من قلبك ،، كمام مرة وبصدق قدام ربك علشان يبقى شاهد عليك : انا اقدر.