20 نصيحه قبل امتحان الاحياء
١- وانت بتقرا سؤال ايهما اكبر حجما في الكروموسومات ركز اكيد هيجبلك رقم ٢٣ في السؤال علشان تتلغبط اقرا السؤال كذا مرة رقم ٢٣ دا رقم ٨ و رقم ١ الكبير ثم الذي يليه ثم اخيرا رقم ٢٢
٢- و انت بتقرا سؤال عدد الكروموسومات في الكبد و الجلد و الخصيه و المبيض و البويضه ركز قولتلكم
الجسد كله ٢ن حتي المبايض و الخصيتين انما ايلي ن فقط هما الحيوان المنوي و البويضات
٣- لما يديك مساله عن مندل الصفه السائده اما نقيه او هجينه و الرموز خد بالك منها و ركز و لو الرموز غابت عنك افرضها مش قضيه يعني واحد مش عارف املس و خشن رموزها ايه افترض اي حرف كبتل Z مثلا للاليل للسائدو الحرف المقابل له سمول للمتنحيz
٤- ٣ الوان في المساله وانت مغمض دي انعدام سياده
٥- ٤ الوان في المساله وانت مغمض دي تعدد الائل
٦- قانون الجاميتات سهل بيجبلك من اي طرز جيني عدد الجاميتات وهو 2 أس ن ... ن دي عدد الصفات الخليطه
٧- لو سمعت في المساله بيض لم يفقس او مات افراد دي مساله جينات مميته اضمنها في جيبك ربع النسل بيموت لو قالك مميت سائد موت اللي بحرفين كبتل ولو قالك مميت متنحي موت لللي بحرفين سمول
٨- الجينات المتكامله لبسله الزهور مسائلها سهله بس انت اعرف تطلع الجاميتات صح والابيض والقرمزي تعرف تفرق بينهم تبص ل AaBb بص للحرف الاول في Aa و بص للحرف الاول في Bb لو لقيت دا كبتل و دا كبتل يبقي اللون قرمزي مع العلم ان كلهم ٤ طرز جينيه القرمزي و الابيض ٥ طرز جينيه كلهم
٩- خد بالك الصفات المرتبطه بالجنس محموله علي كروموسومات جنسيه اما الصفات المتاثره بالجنس محموله علي كروموسومات جسديه يعني ممكن تلاقي ذكر وانثي زي بعض جينيا ومختلفين مظهريا زي B+B هنا ذكر اصلع وامراه عاديه الشعر طب دا ليه بسبب الهرمونات الذكريه تساعد في اظهار الصفه اما الانثي لا معندهاش هرمونات ذكريه تظهر الصفه زي الرجل
١٠- ال ٣ امثله للصفات المحدده بالجنس هما وضع البيض اناث الطيور ووضع اللبن اناث الماشيه و اللحيه في الذكور
١١- ذكر كلينفلتر زياده كروموسوم X اما انثي تيرنر ناقصه كروموسوم X اما ذكر داون وانثي داون الاتنين زايدين كروموسوم جسدي نسخه تالته عند رقم ٢١
١٢- ليه بيصيب داون الذكور والاناث بسبب ان المرض محمول علي كروموسوم جسدي عكس كلاينفلتر و تيرنر
١٣- طرز كروموسومي ترتيب كروموسومات تنازلي حسب الحجم مع عدم ترتيب الزوج رقم ٢٣ لانهم مختلفين عن الجسديه وظيفيا
١٤- الكروموسومات الجسديه في ازواج اما الجنسيه مفرد
١٥- يعود العدد الزوجي بعد الاخصاب اندماج حيوان منوي مع بويضه
فصائل الدم لما تلاقي الفصيله سالبه تعرف انها كريمه عن الموجبه يعني ايه يعني A السالبه تدي للموجبه انما A الموجبه متديش للسالبه
١٦- طرز مظهري في الجينات المميته السائده ٢ طرز مظهري اما المميته المتنحيه هو طرز واحد
١٧- خد بالك ان في جينات لا تعمل الا في الضوء زي تكوين الكلوروفيل في الذره اما الطرز الجيني cc يموت ...
وخد بالك ان في نباتات زي الهالوك حتي لو في الضوء لا تكون كلوروفيل لعدم وجود الجين نفسه المسئول عن تكوين الكلوروفيل
١٨- عامل ريسس يحسب مولد التصاق ابوس ايدكم ما تتلخبطوش لو قالك تعرف فصائل الدم مثل A من خلال
١ ولا ٢ مولد التصاق طبعا ٢ المولد a و مولد ريسوس اذا المجموع ٢ وهكذا باقي الفصائل ف AB لها مولد a و مولد b ومولد ريسوس و خد بالك لو الفصيله سالبه لريسوس متحسبش مولد الالتصاق يعني AB سالبه ريسوس كدا هيبقي ٢ مولد التصاق فقط
١٩ - الانقسام الميتوزي في خلايا جسمك كله ماعدا الخصيتين والمبايض ويعطي خلايا 2 ن اما الانقسام الميوزي يحدث في المبايض و الخصيتين (لانتاج البويضات والحيوانات المنويه ) و يعطي ن فقط
٢٠- خد بالك ان اندماج ن في الحيوان المنوي مع ن في البويضه يعطي ٢ ن يعني لو قالك الاخصاب يعطي ايه يعطي ٢ن عدد زوجي
مع تحياتي احبكم طلبه اولي ثانوي
ماجد مسعد السيد

للدخول على امتحان الاحياء الالكتروني التفاعلي من هنا