مهم لطلبة المنازل
بما ان مفيش حد من طلبة المنازل هيستلم التابلت
فإنتوا ممكن تنزلوا كتب الوزارة وكل الابليكشن اللي عندنا في التاب علي موبايلتكم ..
تقدروا تحملوا التطبيقات علي موبايلاتكم
من جوجل بلاي زي :

1- بنك المعرفة المصري
2- Diecovery Education
3- MyScript Calculator موجودة للأسف بس بفلوس فممكن تنزلوا اله حاسبة بديله ليها
photomath اسمها

4- Eureka.in (برنامج فيديوهات تعليمية)
5- pdf reader ده هتحتاجوه لما تنزلوا كتب الوزارة عندكم علي الموبايل

دي كل التطبيقات الموجودة عندنا حاليًا .. لو نزل عندنا اي تطبيقات تاني هعمل تعديل للبوست وهكتبها..

وعشان تعملوا إختصار لموقع وزارة التربية والتعليم علي الشاشة الرئيسية او الhome سكرين للموبايل بتاعكم
زي الاختصار اللي عندنا علي التاب بدل ما كل شوية تدخلوا تبحثوا علي الموقع في جوجل
إتبعوا الخطوات دي
لو الموبايل بتاعكم لغته انجليزي :
افتحوا Google chrome
ابحثوا عن موقع وزارة التربية والتعليم لما تلاقوا الصفحة ادخلو عليها ،، هتلاقوا 3 نقط فوق دوسوا عليهم واختاروا
" Add to home Screen "
هيطلعلكم زي رسالة دوسوا Add
كدة الصفحة اتضافت عندكم علي الشاشة الرئيسية .. وممكن تعملوا كدة مع صفحة بنك المعرفة برضو ..

لو الموبايل بتاعكم لغته عربي
افتحوا Google chrome
ابحثوا عن موقع وزارة التربية والتعليم لما تلاقوا الصفحة ادخلو عليها ،، هتلاقوا 3 دواير فوق دوسوا عليهم واختاروا
" اضافة الي الشاشة الرئيسية " هيطلعلكم زي رسالة دوسوا إضافة ..
ارجعوا بقي للشاشة الرئيسة هتلاقوا اختصار الصفحة موجود عندكم ⁦

و عشان تنزلوا الكتب عندكم علي الموبايل..
بتفتحوا صفحة وزارة التربية والتعليم لما تِفتح الصفحة انزلوا تحت شوية هتلاقوا "موقع وزارة التربية والتعليم" دوسوا عليه هيفتح معاكم موقعهم .
إختاروا " التعليم الالكتروني "
وبعد كدة اختاروا المرحلة الثانوية و اختاروا الفصل الدراسي الاول عشان( الكتب ترمين في كتاب واحد) .. معادا العربي والرياضية لو عايزين تنزلوهم اختاروا
" الفصل الدراسي الثاني"
واختاروا النوعية " الكتب الدراسية الالكترونية "وهتلاقوا المواد دوسوا علي استعراض هيبدأوا ينزلوا عندكم وبرضو هتلاقوا في الشريط الازرق اللي تحت جدول المواد ، مكتوب2,1 دوسوا علي 2 هتلاقي تكمله باقي الكتب
وبتفتحوهم من الPdf reader

* ملحوظة * عشان تتفادوا انكم تنزلوا تطبيق fake
اتاكدوا وانتوا بتنزلوا التطبيقات دي من جوجل بلاي ان المكتوب تحت اسمها ده زي اللي متعلم عليه في الصور دي لأن دول الأصليين *