نصيحة أغلي من الذهب ... نصيحة عرف قيمتها الطلبة اللي خلصوا ثانوية عامة يوم الأحد ( 1 يوليو 2018 ) .. نصيحة هتسمعوها مني حالا .. لكن للأسف أغلبكم مش هيعملوا بيها .. نصيحة لو التزمتم بيها هتكون الثانوية أسهل سنة .. نصيحة لو لم تلتزموا بيها هتكون الثانوية أسود أيام حياتك و هتعيش في غم و قرف و توتر بداية من يناير و حتي يونيه ... يقول الشيخ الغزالي ( احرص علي أن تستفيد من خبرات من هم أكبر منك سنا فإنك بذلك تضيف أعمارهم إلي عمرك ) ... أنا صيدلي خريج عام ٢٠٠٠ و مدرس كيمياء عربي و لغات .. و لما أقول نصيحة بخصوص الدراسة لازم تخشع و تعرف إني لك ناصح أمين ... نصيحة نصحتها لناس كتير قبلك .. منهم من استجاب و منهم من لم يستجب .. من استجاب عاش سنة جميلة و من لم يستجب شاف أيام طين .. خنقة و توتر و رعب وصل في بعض الأحيان لتفكير في الانتحار .. واحد منهم في شهر مارس قال لي : تصدق يا دكتور أنا نفسيتي زفت لدرجة إني لو قاعد في أفخم مكان بحس إني في صفيحة زبالة ... النصيحة هي :
(( ذاكر أول بأول من بداية العام .. ذاكر بكل جدية من بداية العام .. المذاكرة أول بأول هتخليك تقف علي أرض صلبة .. ( و إياك تسمع للرأي الفاشل بتاع لو بدأت بدري هزهق ) .. لو زهقت افصل يومين هترجع تاني بنفس نشاطك .. إنما لو استهترت في البداية هتقضيها ندم علي اللي فات و حزن و خوف و اكتئاب يقلل من تحصيلك .. بلغة الكرة ( الماتش هيهرب منك و هتلعب تحت ضغط و الكرة هتعاندك )
ملحوظة :
١ ) المذاكرة أول بأول مش معناها إنك تحرم نفسك من الترفيه المعقول زي خروجة حلوة في نهاية الأسبوع مثلا
٢ ) كلامي ليس موجها للطلبة الجبلات
٣ ) المذاكرة أول بأول هتخليك برنس في نفسك و هتقدر تواجه ضغوطات الأهل و المجتمع و الناس
٤ ) المذاكرة أول بأول هتخليك تخرج من امتحان كل مادة تضرب كف بكف و تقول ( بقي هي دي امتحانات ثانوية اللي كانت عاملالنا رعب ؟!! )
٥ ) المذاكرة أول بأول هتخليك تخرج من امتحان كل مادة تضرب كف بكف و تقول إيه الطلبة المنهارين دول .. ده الامتحان تافه
٦ ) صدقوني و اسمعوا كلامي .. اللي بيذاكر أول بأول لما هيزهق هيفصل يومين هيرجع لنشاطه .. إنما اللي بيبدأ متأخر مجرد ما يشد بيرجع يزهق و بيحتاج يفصل فمش بيعرف لأنه بيكون مزنوق و متوتر .. عارفين .. هناك حديث نبوي فيما معناه إن الإنسان لو شاف نعيم الدنيا كله ثم غمس ( بضم الغين و كسر الميم ) في النار فإنه يشعر أنه لم يذق نعيما قط .. و لو شاف عذاب الدنيا كله ثم غمس في الجنة فإنه يشعر أنه لم يذق عذابا قط .. أقصد أقول إن الناس اللي بتشد من أول السنة مجرد تفصل يومين بتستعيد نشاطها و ترجع تشد تاني إنما الناس اللي بتتراخي و بعدين تشد بتزهق بسرعة لأنها اتعودت علي الأنتخة )
٧ ) مهما بدت لك السنة طويلة فإنها قصيرة .. ما أسرع الأيام .. و اسأل طلبة دفعة ٢٠١٨ يقولولك
و أخيرا افتكروا كلامي .. مذاكرة ساعة بدون ضغط أو توتر أحسن من مذاكرة ٥ ساعات و إنت مضغوط و متوتر .. و كمان مش كل الناس بتقدر تذاكر تحت ضغط فتكون النتيجة إنه يتفركش نفسيا و ياخد قرار التأجيل أو بتعبير أدق ( الهروب ) الذي قد يطول لأكثر من عام للأسف
—-
تنويه مهم
—
خد بالك .. إنك تريح شوية من المذاكرة في تالتة ثانوي مش معناها إنك تقعد شوية علي الفيس .. تريح من المذاكرة شوية معناها تخرج تتمشي شوية .. تقف في البلكونة شوية .. تلعب شوية رياضة .. تتفرج علي فيلم لطيف ... إنما النت و الفيس إجهاد للذهن و العين و مش راحة أبدا .. لذلك إياك وقت راحتك من المذاكرة تقضيه فيس
——
و خلي بالك .. حاجة لطيفة جدا هتحصلك ابتداءا من شهر يناير لو مذاكرتش أول بأول
( حالتك النفسية هتبقي زي الزفت لدرجة إنك لما تمشي في الشارع هتحسد القطة و الكلب و النملة و الورقة اللي مرمية ع الأسفلت إنهم مش في ثانوية عامة .. و ابقي ساعتها بقي خلي الفالح اللي قالك متشدش في الأول علشان هتزهق ينفعك )
ملحوظة : من لا يصدق الكلام الوارد في البوست فليحتفظ بالبوست لشهر يناير )
• تنويه في غاية الأهمية
——
٠ وضع هدف و التفكير في الكلية المرغوبة مهم جدا للتحفيز من بداية السنة و حتي شهر يناير ... لكن أرجوك من يناير و حتي الامتحانات ذاكر و بس بدون التفكير في الكلية المرغوبة .. أيوه .. ذاكر و بس و بدون هدف كمان و خليك زي السباح في حوض السباحة يضرب بإيده للوصول لخط النهاية بدون التفكير للحظة فيما بعد خط النهاية أو فيما سيحققه .. التفكير في الكلية المرغوبة في النص الأول من العام حافز لكن التفكير في الكلية المرغوبة في النصف الثاني من العام سوف يورثك توترا و خوفا مرضيا قد يعوقك عن تحقيق هدفك ..
(( ذاكر أول بأول من بداية العام .. ذاكر بكل جدية من بداية العام .. المذاكرة أول بأول هتخليك تقف علي أرض صلبة .. ( و إياك تسمع للرأي الفاشل بتاع لو بدأت بدري هزهق ) .. لو زهقت افصل يومين هترجع تاني بنفس نشاطك .. إنما لو استهترت في البداية هتقضيها ندم علي اللي فات و حزن و خوف و اكتئاب يقلل من تحصيلك .. بلغة الكرة ( الماتش هيهرب منك و هتلعب تحت ضغط و الكرة هتعاندك )
ملحوظة :
١ ) المذاكرة أول بأول مش معناها إنك تحرم نفسك من الترفيه المعقول زي خروجة حلوة في نهاية الأسبوع مثلا
٢ ) كلامي ليس موجها للطلبة الجبلات
٣ ) المذاكرة أول بأول هتخليك برنس في نفسك و هتقدر تواجه ضغوطات الأهل و المجتمع و الناس
٤ ) المذاكرة أول بأول هتخليك تخرج من امتحان كل مادة تضرب كف بكف و تقول ( بقي هي دي امتحانات ثانوية اللي كانت عاملالنا رعب ؟!! )
٥ ) المذاكرة أول بأول هتخليك تخرج من امتحان كل مادة تضرب كف بكف و تقول إيه الطلبة المنهارين دول .. ده الامتحان تافه
٦ ) صدقوني و اسمعوا كلامي .. اللي بيذاكر أول بأول لما هيزهق هيفصل يومين هيرجع لنشاطه .. إنما اللي بيبدأ متأخر مجرد ما يشد بيرجع يزهق و بيحتاج يفصل فمش بيعرف لأنه بيكون مزنوق و متوتر .. عارفين .. هناك حديث نبوي فيما معناه إن الإنسان لو شاف نعيم الدنيا كله ثم غمس ( بضم الغين و كسر الميم ) في النار فإنه يشعر أنه لم يذق نعيما قط .. و لو شاف عذاب الدنيا كله ثم غمس في الجنة فإنه يشعر أنه لم يذق عذابا قط .. أقصد أقول إن الناس اللي بتشد من أول السنة مجرد تفصل يومين بتستعيد نشاطها و ترجع تشد تاني إنما الناس اللي بتتراخي و بعدين تشد بتزهق بسرعة لأنها اتعودت علي الأنتخة )
٧ ) مهما بدت لك السنة طويلة فإنها قصيرة .. ما أسرع الأيام .. و اسأل طلبة دفعة ٢٠١٨ يقولولك
و أخيرا افتكروا كلامي .. مذاكرة ساعة بدون ضغط أو توتر أحسن من مذاكرة ٥ ساعات و إنت مضغوط و متوتر .. و كمان مش كل الناس بتقدر تذاكر تحت ضغط فتكون النتيجة إنه يتفركش نفسيا و ياخد قرار التأجيل أو بتعبير أدق ( الهروب ) الذي قد يطول لأكثر من عام للأسف
—-
تنويه مهم
—
خد بالك .. إنك تريح شوية من المذاكرة في تالتة ثانوي مش معناها إنك تقعد شوية علي الفيس .. تريح من المذاكرة شوية معناها تخرج تتمشي شوية .. تقف في البلكونة شوية .. تلعب شوية رياضة .. تتفرج علي فيلم لطيف ... إنما النت و الفيس إجهاد للذهن و العين و مش راحة أبدا .. لذلك إياك وقت راحتك من المذاكرة تقضيه فيس
——
و خلي بالك .. حاجة لطيفة جدا هتحصلك ابتداءا من شهر يناير لو مذاكرتش أول بأول
( حالتك النفسية هتبقي زي الزفت لدرجة إنك لما تمشي في الشارع هتحسد القطة و الكلب و النملة و الورقة اللي مرمية ع الأسفلت إنهم مش في ثانوية عامة .. و ابقي ساعتها بقي خلي الفالح اللي قالك متشدش في الأول علشان هتزهق ينفعك )
ملحوظة : من لا يصدق الكلام الوارد في البوست فليحتفظ بالبوست لشهر يناير )
• تنويه في غاية الأهمية
——
٠ وضع هدف و التفكير في الكلية المرغوبة مهم جدا للتحفيز من بداية السنة و حتي شهر يناير ... لكن أرجوك من يناير و حتي الامتحانات ذاكر و بس بدون التفكير في الكلية المرغوبة .. أيوه .. ذاكر و بس و بدون هدف كمان و خليك زي السباح في حوض السباحة يضرب بإيده للوصول لخط النهاية بدون التفكير للحظة فيما بعد خط النهاية أو فيما سيحققه .. التفكير في الكلية المرغوبة في النص الأول من العام حافز لكن التفكير في الكلية المرغوبة في النصف الثاني من العام سوف يورثك توترا و خوفا مرضيا قد يعوقك عن تحقيق هدفك ..
