مدرس اون لايندخول

نصائح للطلاب اللي داخلين تالته ثانوى

نصائح للطلاب اللي داخلين تالته ثانوى 556

نصيحه للى داخلين تالته ثانوى
استغلوا الاجازة
مفيش اى مشكلة لما كل يوم تلاقى نفسك زهقان تذاكر ساعتين ولا تلاته وسامع اللى بيقولك اوعى تذاكر علشان هتزهق
هقوله بس يا بابا مش عاوز اسمع صوتك لأنك فاشل هتزهق ؟!لما تشغل عقلك هتزهق ولا لما تركنه كام شهر
واحد ضعيف فى الانجلش ولا النحو ولا ...الخ يقوى نفسع فيه ولا يقعد يطلم زيك كدا دلوقتى ويعانى ويقول ياريتنى ذاكرت وقويت نفسى ما علينا من اللى هيقولك اوعوا تذاكروا هتزهقوا لانه كان زمان فى الاجازة بيقعد يرهق نفسه طول الوقت فى الفيس وعنيه ووجع دماغه ودلوقتى برضو لسا قاعد على الفيس يدور على حل لمشاكله واالى كان ضعيف فيه ومش لاقى حل حتى الان لانه كان كسلان ودى اخرته ولا اقولك اللى هيقول هتزهق هعمله بان من الجروب ومش هتلحق تشوف تعليقه علشان انا مش بحب الفاشلين
طب باختصار هتذاكر ايه
هتذاكر 3 مواد عربى وانجليزى ولغة تانيه لان دول لغات واللغات بحرها واسع بمعنى انك مش مرتبط اوى بالمنهج اللى عليك ما تستغربش
انت يا سيدى هتبص على اليوتيوب على قناة اسمها بستطهالك دى فيها شرح نحو وبلاغة حتى لو كنت ميح فيهم بعد ما تسمع الفيديوهات هتبقى توب فى النحو والبلاغة وهتدخل تالته ضامن تقريبا 30 درجه لانك ببساطه فى تالته ثانوى عليك كل النحو والبلاغة اللى درسته قبل كدا
وهتذاكر القصة لانها مش محتاجه هتقدر تذاكرها من نفسك كدا 10 درجات كمان
والتعبير درب نفسك تكتب تعبير ادى كدا 14 درجه كمان
يعنى كدا هتبقى داخل تالته ضامن اكتر من 50 درجه من اصل 80 فى العربى عاوز اية انت تانى ؟
والانجليزى
ممكن تجمع 4 او 5 من زمايلك وتتفقوا مع مدرس تخلوه يظبطكم انجلش ويشرحلكم جرامر ويحفظكم كلمات وكلمات ترجمه ويحللكم اسئلة المهارات انت متخيل يا مان انك لو عملت كدا انت هتدخل تالته تقدر تحل 90% من الامتحان وانت مش مذاكر المنهج ؟ لان االى هتدرسه فى المنهج قصه وشويه كلمات فى كل وحده فى نص الاستماع والريدينج بس وانت كدا كدا هتكون مذاكر الجرامر مع المستر ومتدرب على القطع والمواقف والبراجراف والترجمه والplace &speakers
يعنى هتبقى برنس انجلش ولا تسمع كلام اللى بيقولك هتزهق وتقعد تلطم فى تالته وتقول يا ريتنى
وهكذا اللغة التانية يا جماعه نفس قصة الانجليزى
يعنى باختصار فى الاجازة هتقدر تضمن 3 مواد واهم 3 مواد لان بحرهم واسع وعاوزين اللى متأسس
اما عن باقى المواد فمنهجهم مش كبير وهتلاقى كام فصل كدا فى كل مادة شوية تعريفات ورسومات وتعليلات الخ وحاجات ثابته بتفهمها وتحفظها ومش كبيرة زى اللغات ودول يتذاكروا عادى فى اثناء السنه ''3 ثانوى '' حتى لو مش متأسس فيهم لانهم مش محتاجين تأسيس
وربنا يوفقكم جميعا وتحققوا كل اللى بتحلموا بيه وتكون سنة ناجحه بالنسبالكم
Mahmoud Nazeer
remove_circleمواضيع مماثلة
Mr.Riad
نصائح لطلاب تانيه ثانوي اللي داخلين تالته ثانوي
- خليك منظم
- متفوتش دروس
- متقولش مفيش وقت
- ابسط نفسك و بلاش تضغط عليها
- ذاكر أولا بأول
- مش لازم تسيب موبايلك بس متقعدش عليه و أنت بتذاكر أو متحطوش جنبك أحسن و خصص له وقت و إلزم نفسك بيه
- ذاكر ساعه بتركيز ولا تذاكر اليوم كله و دماغك في حتة تانية
- ابعد عن المحبطين و اصحاب النظارات السوداء اللي شايفين المستقبل بشكل وحش و دوما مفيش حاجة وراهم إلا الإحباط و الهجوم و السخرية.
- روح لمدرسين بتحبهم و بترتاح معاهم
- شيل من دماغك أسطورة المادة و المدرس الخبرة اللي عندة 60 سنة و صاحب الدرجات النهائية و اصحاب الالقاب الخداعة.
- متشغلش نفسك بالهجوم على الوزير و الوزارة و انتقاد الامتحان لانه كله كلام مش هيفرق معاك في حاجة و ياريت تبطل تسمع اي أخبار الا من مصدرها و لو حسيت ان اي حد من صحابك على الفيس بيديك طاقة سلبية احذفه فورا حتى لو كان أقرب صحابك ليك.
- روح لمدرس بيعمل امتحانات كتير و بيسأل كتير و اسئلة تفكير مش مباشرة.
- روح لمدرس بيتابعك على طول و بيسأل دايما في الحصة و بيدي واجب و يا سلام لو بيدربك إلكتروني و ورقي.
- متغيرش مدرسين كتير و بلاش تشتت
- متقعدش عند مدرس مش مرتاح معاه
- اظبط نومك و حاول تصحى بدري تذاكر
- متضيعش وقت كتير بعد الدروس
- متتكبرش على حد و ساعد اي حد محتاج مساعدة عشان ربنا يردها لك في وقت الشدة.
- متيأسش و خليك متاكد أن اليائس فاشل 
- اما الدنيا تضلم عليك ريّح حبة عشان تعرف تكمل و يا سلام لو يوم في الشهر خليته للفسحة و تغيير الجو هتشحن طاقة ايجابية ممتازة تخليك تقدر تكمل.
- اما تضايق ابقى شوف حد تروح تتكلم معاه و تحكّي معاه بس ياريت يكون حد هيفرفشك مش هيضايقك بزيادة و يعكنن عليك.
- اعرف انك هتتعب لكن تعبك دا سنة واحدة و هتحدد لك مستقبلك فاستحمل شوية
- كمّل في هوايتك و متوقفهاش و خلي لها وقت محد
- متروحش درسين في مادة مثلا و انت أصلا مش بتذاكرها
- حل نحو من اول السنة و ذاكره أول بأول.
- الفيزياء مش صعبة 
- متقولش مش هخرج من البيت و أقعد اذاكر هتخسر كتير.
- افتح نت بس مش بغباء خلي له وقت محدد
privacy_tip صلاحيات هذا المنتدى:
لاتستطيع الرد على المواضيع في هذا المنتدى