ناقش الرئيس عبد الفتاح السيسى، الموضوع المتعلق بتطوير التعليم فى مصر، وقال منتقدا مطالب البعض بتطوير التعليم بالتزامن مع مطالبهم بتأجيله وعدم تطبيقه على أبنائهم "يا مصريين عاوزين تعملوا تعليم جيد ولا لأ.. قالوا أيوه.. لكن ساعة ما تيجى تعمل تعليم كويس يقولك أيوه بدل التعليم السيئ اللى فى مصر بس لو سمحت مش أولادى.. خليه على الأولاد اللى بعدى".
وأضاف السيسي، خلال فعاليات المؤتمر الوطنى الخامس للشباب، أن الدكتور طارق شوقى، وزير التربية والتعليم، كان الأمين العام للمجالس التخصصية التابعة لرئاسة الجمهورية قل توليه مسئولية الوزارة، وتابع مازحا: "كان مغلبنى فى الإصلاح.. وعرضت عليه الموضوع مرتين أنه يمسك وزارة التربية والتعليم قال لأ.. لغاية ما أحرجتوا قدامكم من سنة ونص فى مؤتمر للشباب.. وقلت حتى الناس اللى موجودة معايا مش عاوزين يمسكوا القطاع"، مستكملا: "ثم بعد كده اخترناه وزير للتعليم.. لكن فى ناس بتتصدى للموضوع ولا تعلم عنه شئ.. وألاقى أحبابنا فى الإعلام جايبين أهالى طلبة فى التليفزيون بيتكلموا عن الموضوع.. ده التعليم ده موضوع كبير جدا!".
وتابع: "مفيش إجراء من اللى بنتكلم فيه غير لما بيتناقش فى مجلس الوزراء ودولة الرئيس بالوزراء أقروه وبعدين يجى بيتعرض علينا، بتتكلموا عن التأهيل لسوق العمل.. طيب لما النهاردة بطلع 100 ألف خريج تجارة و100 ألف خريج حقوق.. طيب هو سوق العمل عاوز دول؟ ولا أنت عاوز قدام ابنك أو بنتك تقول أن أنا علمتك وعاوز تقول للدولة إبنى اتعلم شغله؟ إحنا مش هنحل المسألة كده أن النهاردة الأسر تقول أنا علمت ابنى شغلهولى كده.. طيب أشغلهولك فى إيه إذا كان كل سنة مئات الألوف بيخرجوا لا حاجة لسوق العمل لهم.. وبقى فيه ثقافة عن الأسر والناس فى مصر أنه خريج جامعة بس لكن أى حاجة تانية مش مقبول مثل مدرسة فنية وبيكسب وعلى خلق كده.. يقولك بنتنا مش بتجوز غير خريج جامعة".
وأوضح أن التأهيل لسوق العمل يرتبط بالتعليم وإصلاحه، لأن التعليم الحالى بمصر لا يمنح الخريج فرصة عمل جيدة فى سوق العمل.
وأضاف السيسي، خلال فعاليات المؤتمر الوطنى الخامس للشباب، أن الدكتور طارق شوقى، وزير التربية والتعليم، كان الأمين العام للمجالس التخصصية التابعة لرئاسة الجمهورية قل توليه مسئولية الوزارة، وتابع مازحا: "كان مغلبنى فى الإصلاح.. وعرضت عليه الموضوع مرتين أنه يمسك وزارة التربية والتعليم قال لأ.. لغاية ما أحرجتوا قدامكم من سنة ونص فى مؤتمر للشباب.. وقلت حتى الناس اللى موجودة معايا مش عاوزين يمسكوا القطاع"، مستكملا: "ثم بعد كده اخترناه وزير للتعليم.. لكن فى ناس بتتصدى للموضوع ولا تعلم عنه شئ.. وألاقى أحبابنا فى الإعلام جايبين أهالى طلبة فى التليفزيون بيتكلموا عن الموضوع.. ده التعليم ده موضوع كبير جدا!".
وتابع: "مفيش إجراء من اللى بنتكلم فيه غير لما بيتناقش فى مجلس الوزراء ودولة الرئيس بالوزراء أقروه وبعدين يجى بيتعرض علينا، بتتكلموا عن التأهيل لسوق العمل.. طيب لما النهاردة بطلع 100 ألف خريج تجارة و100 ألف خريج حقوق.. طيب هو سوق العمل عاوز دول؟ ولا أنت عاوز قدام ابنك أو بنتك تقول أن أنا علمتك وعاوز تقول للدولة إبنى اتعلم شغله؟ إحنا مش هنحل المسألة كده أن النهاردة الأسر تقول أنا علمت ابنى شغلهولى كده.. طيب أشغلهولك فى إيه إذا كان كل سنة مئات الألوف بيخرجوا لا حاجة لسوق العمل لهم.. وبقى فيه ثقافة عن الأسر والناس فى مصر أنه خريج جامعة بس لكن أى حاجة تانية مش مقبول مثل مدرسة فنية وبيكسب وعلى خلق كده.. يقولك بنتنا مش بتجوز غير خريج جامعة".
وأوضح أن التأهيل لسوق العمل يرتبط بالتعليم وإصلاحه، لأن التعليم الحالى بمصر لا يمنح الخريج فرصة عمل جيدة فى سوق العمل.
