كتب/ سعيد حماد
يا جماعة اللائحة التنفيذية لقانون الخدمة المدنية جيده جدا بس محتاجة شوية تعديلات وتوضيحات في ناس زعلت لما انا قلت ان اللائحة دمرت العلاقة بين الموظف والعمل واتكلمت على موضوع نهاية الخدمة بدون انذار وكذلك انهاء الخدمة مع العقوبة على ايام الانقطاع
انا معاكم انها جيدة والمادة دي بالذات جيدة جدا وهتظبط الموازين وما يخافش منها إلا الغير ملتزم
بس خلى بالك
الموضوع ده مش للغير ملتزم بس ممكن حضرتك تنتهي خدمتك زيه بالضبط قولى ليه وانا اقولك
لييييييييييييييه
اقولك بقى
احنا طبعا في موسم امتحانات مثلا
وحضرتك مش عايز تروح وقدمت اعتذار واترفض كبر الموضوع في دماغك وقلت مش هتروح المفروض انك تمنع من التوقيع في مدرستك وفي الأخر هتتحول للتحقيق ويتم اعتبار المدة غياب بدون عذر طبعا حضرتك عارف انها خمسة عشر يوما على الاقل وحظك الحلو يتكرر معاك الموضوع في امتحانات الدور الثاني وبردوا تتحول للتحقيق ويتم خصم المدة كغياب بدون عذر وبردوا خمسة عشرة يوما وكده يا ريس يبقى فاضل لك يوم واحد لصدور قرار انهاء خدمتك
عرفت بقى ان اللائحة سلاح بحدين
لازم تطبق المواد على جميع النواحي
اه نسيت اقولك المادة دي مطبقة على المعلمين لان القانون ١٥٥ لسنة ٢٠٠٧ لا يوجد به باب خاص بانهاء الخدمة
وعايز اقولكم حاجه احنا عندنا ناس بتفرح في البلاوي قوي يعنى ممكن تكون ما كملتش ٣٠ يوم ويصدر لك قرار انهاء خدمة ويحسبوا الجزا اللى هتأخذه من ضمن ايام الغياب
عرفتوا بقى انا زعلان ليييييييييه
مع انى مع المادة دي بس لو فعلا عايزين نبقى صح