تداول النشطاء وغير النشطاء على مواقع التواصل الاجتماعي ” فيسبوك”، و ” تويتر ” على شبكة الانترنت مقطع فيديو لأم منتقبة تشكو طفل في مرحلة الحضانة ( كي جي 2 ) إلى أبيه وتتهمه بأنه قبّل ابنته، والطريف أن الأب يرد عليها في جروب واتساب إحدى المدارس التي لم يتثنى التعرف عليها بعد، ويستهزأ بشكواها قائلًا: ” اللي عنده معزة يلمها”، وإليكم التفريغ النصي للشكوى والرد عليها.
التفريغ النصي لشكوى المنتقبة ورد الأب عليها
الأم المنتقبة: سلام عليكم أنا قلت أن أي حاجة هاتضايقني هاتكلم على الجروب زي ما بتكلم في المدرسة عشان نعرف نقوم ولادنا وأنا لن أتحدث مع أحد على الخاص، اليوم يا مدام دلال ابن حضرتك عبد الرحمن حضر بنتي وباسها في الـ Class وأنا واحدة منتقبة وزوجي ملتحي وبناتي لا تلعب مع الأولاد، وبنتي الكبيرة اسألوا عليها في الـ grade 4 وابني الكبير في grad5 ولا يتكلموا مع بنات.. وأنا متخلفة ومش متخلفة أنا ديني بيمنع الاختلاط لا عيال ولا كبار أنا بربي من الصغر على حاجة بطلع للكبر .. ابني يبوس بنتي ويحضنها بتاع ايه فيه ايه خير ؟! لو سمحت كلمي ابنك كده مينفعش وأنا لا أقبل كده وأخوها الكبير عايز يروح يضربه بكرة ولما ابنك يجي متعور.. وده أخوها. وابنك ضرب ابنتي مرتين مرة خبطها تحت عينها وخبطها تحت راسها والنهاردة حاضنها وباسها أنا لا أقبل كده لو سمحت أرجوكِ وانا اتكلمت قبل كده في الموضوع ده ملوش دعوة ببنتي.
وكشفت واحدة من أولياء الأمور حقيقة المشاداة الصوتية المثيرة للجدل التى عرفت على مواقع التواصل الاجتماعى بـ"خناقة المعزة" و"خناقة أولياء الأمور"، وقالت إن التسجيل الصوتى المنسوب لوالد الطفل عبدالرحمن غير حقيقى وأن مجموعة "الواتساب" التى شهدت المشاداة لا تضم إلا الأمهات فقط. ورجحت أن هذا التسجيل مختلق تم نشره من باب السخرية.
وكتبت "هاجر" والدة الطفل "عبدالله الشواف" إن "اللى طلع التسجيل مش طلع باقى التسجيلات لأنه التسجيل ده بتاع أم البنت. بعدها أم الولد ردت و بعدين أم البنت ردت عليها.
وقالت "هاجر" إن طفلها يدرس بالفصل نفسه الذى يدرس فيه عبدالرحمن والطفلة ابنة صاحبة التسجيل الصوتي، وحاولنا التواصل مع أولياء الأمر من الطرفين ولكنها أشارت إلى أنهم رافضين التواصل مع أى شخص.
الشاهد انه الموضوع له تكمله مش وقف عند هذا التسجيل كان نفسى الرد التانى بتاع أم البنت يتنشر زى ما ده اتنشر عشان الناس تفهم أساس الموضوع و خلفياته من أول السنة".
وقالت الأم إن الطفل المقصود يثير الكثير من المشاكل من بداية العام وأضافت "إحنا كأمهات تواصلنا الأول مع أم الطفل عشان سلوكيات الابن إن كان سلوك لفظى أو أخلاقى لكن للأسف مافيش أى موقف بيتاخد مع الولد وآخر ما زهقنا تم التواصل مع المدرسة وتم استدعاء ولى الأمر والمدرسة دلوقتى متابعة الولد".
تابعت الأم "إحنا لا نعيب أبدًا على الطفل لأنه مهما كان ده طفل ومحتاج متابعة وتقويم ودا اللى كنا بنطلبه، وشيء تانى من باب الإنصاف الراجل دا غالبًا مش أبو الولد لأن جروب الواتس آب كله أمهات مفيش رجالة خالص".
