قال النائب محمد صدقى هيكل، عضو لجنة التعليم والبحث العلمى بمجلس النواب، إن ظاهرة ضرب الطلاب للمعلمين فى داخل الفصول بالمدارس أساسها تجاوز من بعض المعلمين وتدعيم أولياء الأمور للطلاب والدفاع عنهم دائماً "الأب دايما بيقول ابنى مش بيغلط ابداً، والطالب لما يسمع كده هيستقوى ".
أضاف عضو لجنة التعليم والبحث العلمى: الطالب ضرب المدرس النهارده بكره هيضرب أبوه وعقاب ثلاث أسابيع فصل ليس حل لتأديب الطالب لذلك هقدم طلب إحاطة فى البرلمان الأسبوع لوقف الكلام الفارغ ده إحنا عايزين تأديب للطالب المعتدى على المعلم يكون فصل نهائى أنا عايز حد مثقف ومحترم مش متعلم وقليل الأدب لأنه هيعمل إيه بالتعليم وهو مش محترم، وقليل الأدب ملوش مكان فى المدارس ولا يستحق يتصرف عليه".
كانت انتشرت تقارير صحفية فى الفترة الأخيرة حول اعتداء الطلاب على المعلمين، وأخرهم الطالب بالصف الأول الإعدادى قام بالاعتداء على مدرسة بصفعها على وجهها بسبب توبيخها له، لاعتدائه على زملائه وأعلنت وزارة التربية والتعليم فى بيان لها عن الواقعة وإحالته للتحقيق الذى أنتهى فصله لمدة ثلاث أسابيع .
