السلام عليكم
النهارده اليوم الاول
نعمل ايه بقى مع اطفالنا اولا هنبدأ من البدااااااايه خالص
مسكة القلم
ودي خطوة مهمة جدا لما توصليلها تبقى عديتي جزء كبير من مشوار تعلم القراءة والكتابة مع طفلك ها جاهزة
يلا بينا
اولا :_
خلى بالك يا ماما مش لازم يمسك القلم علشان يكتب المطلوب منه
سبيه يلعب يرسم يلون حتى يشخبط هو مبسوط بانجازة واللي عمله
شجعيه وافرحي باعماله حتى لو كانت من وجهة نظرك شخبطة هو شايفها حاجه كبيرة
وزي مقلتلك المهم يمسك القلم ده الهدف دلوقت مش اي حاجه تاني
ثانيا :_
زي مقلت من قبل لما يعمل حاجه اشجعه ولو مش زي منا عايزة هقوله ايه " الله حلوه دي بس عارف ممكن تبقى احلى لو عملنا ........ "
او " ايدك الجميله دي تقدر تكتبها احلى كتير يلا نجرب تاني كده "
ثالثا:_
خلى وقت المذاكرة دايما وقت ممتع يلا نلعب وقت لعب ومرح يكون مكان مريح الاضاءة مضبوطة لابس الوان فاتحه ودايما تشجيع
خلى القلم والاستيكة اصدقاء ليه اوعي تستغربي انت بتتعاملي مع طفل ايه اصدقاء والاستيكة بتمسح مش لازم نبقى زهقانين من الخط الوحش او الغلط لااااا الاستيكة "كوكو" جايه تشوف علشان هي بتحب تكتب كل حاجه مضبوطه وريني كده
واعملى للاستيكة وجهين واحد سعيد وواحد حزين وتشوف الكلام ولو مش عاجبها هتمسحوا علشان طبعا الطفل بيعرف يكتب احلى :) افتكري
معلش انا رغايه بس حابه اوصل اللي عايزة اقوله
ماما ده طفلك انت اتعبي علشان توصلي بيه للي انت بتحلمي بيه ضغط عليك بس معلش النتيجه احلى من استخدام العقاب والزعيق والضرب وكره المذاكرة ووووووو
تدريــــــــــــــبــــــــــــات لتــــقوية عضـــلات اليـــــــديـــن
مش مهم يقعد يكتب اديله يلون يرسم يشخبط
كمان المقص خليه يقص
الصلصال او العجين مفيد جدا
بلونه جواها دقيقي واربطيها ويضغط عليها
يساعدك في البيت في حمل الاشياء كوب اطباق
الثقة مهمة جدا
وممكن في المرحلة دي نشتري او ننزل من النت الكتب او اوراق العمل اللي بيكون في نقط يوصلها لعمل شكل او نقط فقط مفيده جدا جدا جدا جدا
علشان يقدر يكتب كويس بعد كده
جزاكم الله خيرا دي من البدايه خااالص ويارب يكون في افاده واستنوني بكرة ان شاء الله السلام عليكم
هيام عبد السلام
