في جملة في كتاب تربوي بتقول:
"و أنت تعامل طفلك، راعي الفارق العمري بينكما فمن المفترض أنه طفل و أنت راشد"!
وهنا ليس معناه أننا نقلل من شأن عقول أولادنا، بل بالعكس لازم نحترم عقلهم وتفكيرهم واختياراتهم ..
المقصود هنا ردود أفعالنا تجاه تصرفاتهم حين يسيئوا التصرف!
هما لسه بيتعلموا إيه الصح إيه الخطأ، فوارد جدًا أنهم يغلطوا، وساعتها المفترض أننا نبقي فاهمين هذه النقطة.
لا نتعصب عليهم و نعنِّفهم ونقول "همّا اللي عصبونا"
لا ..نحن المفترض كبار، وبالتالي سلوكنا مع ولادنا ليس المفترض يكون رد فعل لأفعالهم وكأننا أقران ليهم وفي نفس عمرهم!
وراد نفقد أعصابنا مرّة .. تمام ماشي إحنا بني بشر.. لكن ليس المفترض أن كل تصرفاتنا معهم تكون رد فعل عليهم.. يعاندوا نعاند معاهم.. يتعصبوا نتعصب عليهم و هكذا!
وأصلا غالبًا الطفل بيقلد الكبار اللي حواليه في تصرفاته!
فقبل ما نفكر كيف نعاقبه علي غلطته .. نشوف هو من أين تعلم هذه الغلطة .. وممكن لا يكون أخدها منا نحن بشكل مباشر... لكن لما أبقي تارك أبني بيتفرج على التلفزيون أو اليوتيوب وأنا مش عارف هو بيتفرج على أيه!
وارد جدا يتعلم سلوكيات مش مظبوطة ويبدأ يقلدها!