نصائحي لطلابي في ورقة الامتحان
خذ منها ما يتناسب معك
بعد الاستعانة بالله
1- سطر ورقتك بالرصاص عند اسلامها
2-  اقرأ رأس موضوع التعبير  ثم اكتب شواهده آيات وأحاديث وشعر وحكم في ضهر ورقة الأسئلة بالرصاص أو في آخر ورقة بالإجابة حتى لا تنساها وأنت تكتب التعبير
3- ابدأ بالنحو أولا في موضعه بكراسة الإجابة لأن ذهنك صافي ومركز تعرف تجاوب صح و تتأكد بهدوء قبل شحن ذهنك بغيره
4-  ثم أجب القصة والقراءة والنصوص
5- راجع النحو تاني بعد ما وصلت له وجاوبت الأسئلة اللي قبله
6- اكتب الخط بأحسن صورة ... نكتب خط النسخ ثم نضع خطين بالرصاص والمسطرة تحته وننزل نكتب النموذج على السطر اللي تحته وبعدين نكتب خط الرقعة ونحط خطين بالرصاص وننزل تحت نكتب نموذج الرقعة ونحاول نخلي السطرين قصاد بعض ونحط نقطة في الآخر
7- وأنت تجيب متكتبش الإجابة مباشرة لكن اكتب
١- جمع داء (أدواء)      ٢- مضاد تتوقى (تأمن)
متكتبش ١- أدواء     ٢-تأمن
عشان أنت بتراجع فهمك للسؤال و بتراجع إجابتك صح ولا غلط
8- متشطبش بالجف  اشطب بالرصاص على الكلمة
9- في التعبير
تسيب مسافة كلمة أول كل فقرة .. بلاش مقدمة من النت.. راعي علامات الترقيم .. سيب سطر بين الفقرة والفقرة
اكتب قال تعالى :
    وتسيب مسافة أول السطر  وتكتب الآية وتسيب مسافة في الآخر
والشعر والحكمة في سطر وحدهم و تسيب مسافة أول السطر وآخره
10-  في التعبير اربط الموضوع ب موضوعات أخرى في فقرة .. يعني لو عن الوطن نربطه بفقرة مع العلم وفقرة مع العمل وفقرة مع الأخلاق
الهدف جعل الموضوع وافيا ونكتب آيات وأحاديث أكثر من خلال ربطه بموضوعات تانية
11-في النصوص متكتفيش بمظهر جمالي واحد طلع كله أساليب وأفعال و وقصر وتشبيه و اكتب تعبير جميل يعبر عن المضمون
12- اللافتة أو البرقية بأحسن خط عشان تدي انطباع جيد المصحح
13- بعد انتهاء موضوع التعبير راجع الهمزات والتاء المربوطة و علامات الترقيم و الأسلوب والنحو
14- أشرح السؤال لنفسك عشان لو مشغول بحاجة تركز في السؤال جيدا
15-لما يقف معاك سؤال اكتب أوله و اقرأ فيه كذا مرة وإن شاءالله ستكمل الإجابة وتتذكرها
16- بعد ما تخلص الامتحان راجع  فهمك للسؤال و صحة الإجابة
17- لما تخلص متطلعش بدري  خليك راجع في ورقتك ممكن تكون ناسي نقطة أو ناسي سؤال أو تفتكر إضافة.. أنت أولى بكل دقيقة
18- ماتشغلش بالك بمشكلة في اللجنة أو حاجة وقتك لمصلحتك متضيعهوش
19-لما تخلص تراجع السؤال وإجابته وعلم عليه بالرصاص في الورقة
20- لو السؤال جزءين حط شرطة / بين الجزءين عشان تعرف إن فيه سؤالين و محتاجة إجابتين
مثل هات جمع الشاكي / وضعها في جملة
هذه طريقتي مع طلابي أتمنى أن يكون فيها نفع أو فائدة تستحق
أ/  أحمد النشار جزاه الله خيرا