للاسف مع بدايه شهر 1 طلبه كتير بدأت تفكر في تقسيم السنه وأنه مافيش وقت
______________
اعزائي طلاب وطالبات الثانوية العامة
لا لا لا لا لا لا لا ثم لا لا لا لا لا لا لا
لتأجيل أو تقسيم السنة الدراسية على عامين
فكرة شيطانية تسيطر عليك الان وهى انك تأجل العام الدراسى لأنك مزنوق أو خايف من الامتحان وده مدخل الشيطان للانسان (الشَّيْطَانُ يَعِدُكُمُ الْفَقْرَ)
- خوفك من الامتحان طبيعى جدا وعلى رأى المثل اللى اتخاف منه ما يجيش احسن منه وربنا قال فى كتابه الكريم
(وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ ) أى أن هناك بشارة للصابرين
- السنة الدراسية تكلفتها المادية كبيرة جدااا فبلاش إجهاد للأسرة حرام عليك خلي عندك احساس باهلك حتي لو هم وافقوا على التقسيم أنت اهو شايف مصاريف الدروس ازاي
- جرب انك تتفرج على إعادة ماتش شفته قبل كده وهتلاحظ مدى الملل والذهق اللى هتشعر بيه وده هيكون احساسك لو أجلت السنة الدراسية
- حتى لو الامتحان صعب فهو صعب على الكل وده معناه أن التنسيق هينزل
- فرصة التفوق كبيرة جدااا مع دفعة معظمها تهاون في الاستذكار الدراسى خلال ٣ أعوام
- خوفك انك ما تلحقش كلية الطب أو الهندسة خوف غير مبرر لأن مش كل اللى دخل طب وهندسة نجح في حياته ومش كل اللى دخل اداب وتجارة فشل
النجاح والفشل أنت اللى بتصنعه بايدك
ربما تكون طبيب فاشل أو مهندس عاطل ولكن ممكن تكون موظف في بنك كبير او معيد فى اى كلية أو مدرس ناجح أو محامى مشهور أو او او
- ان شاء الله الامتحانات هتكون سهلة  وافضل من العام الماضي تفائلوا بالخير تجدوه.
- فى وقت كويس جدا  لسه حوالي أربع شهور كاملين ولو استغليت الوقت صح هتقدر تراجع وتحصل كويس
- وتخيل انك مثلا أجلت بعض المواد إيه الضامن ليك ان الامتحانات العام الجديد هتكون أسهل
- تأجيل العام هتظهر مشاكله لما تتكلم بعد كده مع اصحابك اللى داخلوا كلية هتلاقى حوارتهم وكلامهم عن حياة جامعية وانت لسه بتفكر في الماضى المركب والعضوية وقانون الطفو وكل ده هيكون ليه اثر سلبى عليك
- للاسف مهما تفوقت وحققت مجموع كبير هتلاقى حد يقولك ما انت اخدت السنة الدراسية على سنتين وبيقلل من مجموعك ومجهودك حتى أن الوزارة العام الماضي لم تكرم أحد الطلاب بالرغم من أنه حصل على الدرجات النهائية في كل المواد بحجة أنه مقسم العام الدراسي على عامين
- لو سألت مدرسينك عن الطلاب اللى قسموا العام الدراسى على عامين هتلاقى أن 99% منهم لم يوفق فى العام الجديد
- العمر قصير جدا (امراض و أوبئة وحوادث وحروب) انك تضيعه
المتميز دكتور اللغه الفرنسيه تامر الرفاعي