خاص بطلاب الصف الاول والثاني الثانوي عام 2022/2023
لو سمحتم كل واحد فيكم هيدخل يفعل الايميل بتاعه تاني
ويدخل على موقع الاستمارة عشان يعملها ويتأكد من بياناته
يعني اتأكد من اللغة التانية ده بالنسبة لأولى ثانوي
وبالنسبة لتانية ثانوي اتاكد من اللغة والشعبة
س/طيب يا مستر لو مش عملت كده ايه اللي هيحصل؟
ج/ لو فيه اي بيان من بياناتك لاقيته غلط ولم يُعدل
هتنزل لك الامتحانات غلط لانها الكترونية ومش هنقدر ساعتها نعملك اي حاجة .. يعني ممكن ينزلك امتحانات مش بتاعتك
لذلك بنحذر كل الطلاب تدخل تفعل الايميل وتدخل تعمل الاستمارة
وتطبعها وتسلمها للمدرسة
س/ انا مش عارف الكود بتاعي
ج / الاكواد الخاصة بالطلاب
موجوده في شئون الطلبه او مسؤل الحكومه الإلكترونية او موجوده معاك في ايصال دفع المصروفات او تأمين التابلت.
س/ انا مش عارف اعمل الاستمارة
ج/ من الممكن الذهاب لاي مكتبة
تحذير اخير ..
اللي مش هيتأكد من بياناته بيعرض نفسه ان ينزل له امتحانات غلط.. (امتحانات نصف واخر العام)
س/ طيب يا مستر لو لقيت اي اخطاء.. اعمل ايه ؟
ج / تواصل مع مسؤل الاحصاء بمدرستك بالبيانات الصحيحية وهو هيعدلك البيانات ثم تقوم بالطباعة بعد التعديل وتسلمها للمدرسة
ملحوظة هامة :
لما بتيجي تحاول تسجل دخول على اي منصة زي
بنك المعرفة او حصص مصر او webex او teams
بيطلب منك ايميل وباسورد صح ؟
اللي هتعمله ده بقا هو الايميل والباسورد المطلوب
ولذلك هما سموه الايميل الموحد لانه بيوحد الدخول لكل منصات التعليم
يجب التأكد من صحة الصورة حيث أنه لن يمكنك التعديل عليها بعد الحفظ
صورة شخصية واضحة مقاس 4 * 6 تظهر كامل الوجه، وتكون بامتداد jpg فقط وبحجم لا يزيد عن 1 ميجابايت، ويفضل أن تكون بخلفية بيضاء مع العلم بأن الصورة المرفقة ستكون على جميع الشهادت والوثائق الرسمية
بالتوفيق لجميع أبناءنا الطلبة .
