اسمعوني كويس انا فكرت ف حاجة ونفذتها
ابني ف رابعة ابتدائي بديلوا دروس بحوالي ٨٠٠ جنيه واكيد كلنا عارفين الظروف والحالة اللي وصلنا ليها
انا منزلة المنشور ده لكل ام مش قادرة تدي لاولادها دروس خصوصي
فكرت في فكرة ونفذتها مع ابني والحمد لله طلعت تحفة وابني بسم الله ماشاء الله استوعب قولت بدل ماادفع ٨٠٠ ادفع احسن ١٥٠ ف الشهر لكل المواد قولولي ازاي
دخلت ع اليوتيوب ونقيت لكل ماده مستر أو مس بشرح مبسط وابني يفهم بسرعة وشغلت لابني الدرس ع اللاب أو التليفزيون المتواصل بالنت وبقي بياخد دروسه بالطريقة دي واللي مش فهمه يعيده ولقيت مع المدرسين دول منزلين لينكات بالواجب بالحل بتاعه لكل درس
بقيت بدفع تمن النت بس ووفرت باقي الفلوس وف نفس الوقت لقيت ابني بيقولي ياماما انا بفهم كده احسن بكتير من المدرسين الدروس الخصوصي
وابني ماشاء الله مستواه تتحسن الحمد لله
انا قولت انقل تجربتي لكل ام مش قادرة ع تمن الدروس الخصوصية جربي وصدقيني مش هتندمي وعن تجربة
ربنا يوفق الجميع ويجعل اطفالنا بصحة وبخير وبسلامة دايما أن شاء الله
