مدرس اون لايندخول

تفاصيل كلية علوم ذوي الإحتياجات الخاصة

تفاصيل كلية علوم ذوي الإحتياجات الخاصة  156
◾كلية لو اتعلمت فيها صح هتساعد ناس كتير قبل ما هتساعد نفسك 🤔
- كلامنا في البوست ده هيكون عن :
            《كلية علوم ذوي الإحتياجات الخاصة 》
◾الكلية من الكليات الجديدة في مصر ، موجوده في جامعتين بس هما الزقازيق وبني سويف
◾أول سنة دراسية بدءت فيها الكلية ونزلت في التنسيق كانت سنة 2017 / 2016
◾الكلية لطلاب الثانوية العامة بمختلف الشُعب يعني علمي علوم ورياضة وأدبي 🤓
◾في جامعة الزقازيق الكلية اسمها 《علوم الإعاقة والتأهيل》 أما في بني سويف فهي اسمها 《علوم ذوي الإحتياجات الخاصة 》♿
◾هل في فرق بين الإتنين؟ 👀
- آه في فرق مش كبير بس هنعرفه لما نكمل👌
◾الكلية فيها برنامجين أو قسمين
- البرنامج 1 《التربوي 》 : ده بقى البرنامج الأكاديمي و من خلاله بتقدر تكون مدرس وبتتخصص بقى إما مدرس أساسي 《ابتدائي》أو مدرس عام 《إعدادي وثانوي》
- بتختار المادة ال هتتخصص فيها بعد اختيارك الأساسي او العام وطبعا مواد التخصص بتختلف
🚩 يعني مثلاً : لو اتخصصت عام المواد ال هتبقى متاحة ليك هي 《عربي ، انجليزي ، رياضة ، علوم ، دراسات ، حاسب آلي 》
🚩 أما بقى لو اتخصصت عام فالمواد المتاحة هي 《عربي ، انجليزي ، رياضة ، علوم ، تاريخ ، جغرافيا ، فيزيا ، كيميا ، ييولوجي ، حاسب 》
⚠ ملاحظة مهمة :
- لو انت كنت علمي علوم أو رياضة فأنت متاح ليك كل المواد أما لو كنت أدبي فهيبقى متاح ليك المواد الأدبية بس يجانب العربي والانجليزي 👩🏫👨🏫
- التخصص بيبدء من سنة 1
⚫ سؤال مهم
- لما اتخرج هشتغل إيه ؟!
- تخصص تربوي بيأهلك تشتغل مدرس في الأساس في المدارس الخاصة بذوي الاحتياجات الخاصة او مدرس في المدارس العادية لأنك بتكون مؤهل للتعامل مع كل الفئات👌
◾البرنامج 2 《الإختصاصي》:
- ده بقى قسم الإعاقة وبيحتوي على 5 شُعب هي :
- الإعاقة البصرية
- الإعاقة السمعية
- التوحد
- اضطرابات اللغة والتخاطب
- صعوبات التعلم
◾بالنسبة لمجالات الشغل ؟
- لما بتتخرج من الكلية بتقدر تبقى مترجم بلغة الإشارة
- أخصائي توحد في مراكز التوحد والتخاطب
- بتقدر تشتغل في مراكز التأهيل النفسي والمستشفيات النفسية المهتمة بذوي الإحتياجات الخاصة
- طبعا مجال التدريس في الجامعة 《ذاكر بقى》
- المراكز خارج مصر بقى وخصوصا دول الخليج وبعض الدول الأوروبية والآسيوية المهتمة بذوي الإحتياجات الخاصة 🤞
◾دلوقتي بقى إيه الفرق بين الكلية في بني سويف والزقازيق ؟
- الفرق إنه من بني سويف بتتخرج أخصائي تربوي يعني بتجمع بين البرنامجين أما الزقازيق فبتبقى تخصص إما تربوي أو أخصائي
- علفكرة ممكن تعمل دبلومة لمدة سنة لو إنت اخصائي بس وتبقى تربوي كمان✔
◾مدة الدراسة في الكلية 4 سنين وشغالة بنظام الساعات المعتمدة
- لما بتقدم في الكلية بيتعملك إختبار كده عشان يعرفوا قدرة تحملك على الكلية وكمان يحددوا قدراتك الجسدية والذهنية بس متخافش بيبقى بسيط ونادر جداً إن حد يترفض بجانب طبعا إنك بتتسأل في معلومات عامة عن المجال ال أنت داخل فيه
◾لازم تتأكد مليون مره من نفسك قبل ما تدخل الكلية دي لأنها محتاجة صبر ومجهود وحب كمان عشان تقدر تكمل فيها
- في الآخر بنشكرك جداً على مجهودك الرائع ال هتبذله إذا قررت تدخل الكلية دي وبنشجعك
remove_circleمواضيع مماثلة
Mr.Riad
تعد كلية علوم ذوي الاحتياجات الخاصة بجامعة بنى سويف الأولى على مستوى الشرق الأوسط وتهتم بمجال ذوي الاحتياجات الخاصة،
 بعض المعلومات عن الكلية:
  • 1- تستقبل الكلية كلا التخصصين العلمي والأدبي معاً وكل منهما بتنسيق خاص.
  • 2- مدة الدراسة في الكلية 4 سنوات بنظام الساعات المتعمدة.
  • 3- الكلية تضم 7 من الاقسام والتخصصات داخل الكلية، بالإضافة إلى 3 أقسام العربي والإنجليزي والدراسات.
  • 4- يعد قسم الموهبة أول قسم متخصص وفريد بمصر يهتم بإعداد معلمي وأخصائي الموهوبين.
  • 5- يهدف قسم الإعاقة البصرية إلى تعليم وتأهيل ذوي الإعاقة البصرية على المستوى القومى والإقليم.
  • 6- يهدف قسم الإعاقة السمعية إلى إعداد أخصائيين ذوي مهارة عالية وخبرة واسعة فى تأهيل ذوي الإعاقة السمعية.
  • 7- يهدف قسم الإعاقة العقلية إعداد خريج متميز قادر على رعاية وتأهيل ذوى الإعاقة العقلية.
  • 8- يقوم قسم اضطرابات اللغة والتخاطب بتدريب الطلاب على استخدام الأدوات والأجهزة والوسائل التعليمية المتنوعة لتأهيل ذوي اضطرابات اللغة والتخاطب.
  • 9- يساعد قسم اضطراب طيف التوحد على تقديـــم برامج متخصصة وفعالة في مجال اضطراب التوحد.
privacy_tip صلاحيات هذا المنتدى:
لاتستطيع الرد على المواضيع في هذا المنتدى