مدرس اون لايندخول

الفرق بين كليات فنون تطبيقية و فنون جميلة و تربية فنية

معلومات باختصار عن ال٣ كليات عشان اللي معندوش خلفية او عايز يعرف اكتر..
 الفرق بين فنون تطبيقية & فنون جميلة & تربية فنية
هم 3 كليات منفصلة .. كل كلية لها امتحان للقدرات منفصل
- كلية الفنون الجميلة
- كلية الفنون التطبيقية
- كلية التربية الفنية
__________________
فنون جميلة:
- مفيش غير 6 كليات بس فنون جميلة في مصر اللي هم في جامعات حلوان – إسكندرية – الأقصر - المنيا - المنصورة - أسيوط
- الكلية بيدخلها علمي الشعبتين و أدبي (قسم جرافيك وتصوير ونحت )
- الكلية 5 أقسام :
- قسم العمارة (علمي رياضة فقط)
- قسم الديكور (علمي فقط)
- قسم الجرافيك
- قسم النحت
- قسم التصوير
1- ديكور: بيدخلها علمي بس الشعبتين (ادبي فى اسكندرية فقط)، بيخرج مهندسين ديكور.
2- عمارة: علمي رياضة فقط، زي قسم عمارة في هندسة بالضبط لكن بيتفوق عليه في الفري هاند .. يعني مهارات الطلبة اليدوية بتكون أحسن وبياخد مجموع اعلى من ديكور وأقل من هندسة.
3- تصوير : علمي و أدبي، تصوير زيتي وجداري (المقصود بتصوير الرسم مش التصوير الفوتغرافي)
4- جرافيك: علمي و أدبي، إعلانات وكارتون وفن كتاب والتصميم عموماً.
5- نحت: علمي و أدبي، بجانب النحت خريجين القسم ده بيشتغلو في مصانع العربيات والموبيلات في التصميم بتاع المنتج ومجالاته كتيرة ومتاحة جداً.
_______________________
فنون تطبيقية:
_الكلية بتاخد من علمي فقط
_في منها 3 كليات بس في مصر (حلوان ودمياط وبنها وبني سويف)
_الكلية 14 قسم
_تبع نقابة المصممين أو مصممي الفنون التطبيقية وفيها قسمين تبع نقابة المهندسين ( نسيج و طباعة المنسوجات).
=الأقسام:
• الإعلان.
• الطباعة والنشر والتغليف.
• الأثاثات والإنشاءات المعدنية والحديدية.
• التصميم الداخلى والأثاث.
• التصميم الصناعى.
• الخزف.
• الزجاج.
• الزخرفة.
• الغزل والنسيج والتريكو.
• الملابس الجاهزة.
• المنتجات المعدنية والحلى.
• النحت والتشكيل المعمارى والترميم.
• طباعة المنسوجات والصباغة والتجهيز.
• الفوتغرافيا والسينما والتليفزيون.
_______________________
تربية فنية:
_مقرها في الزمالك شارع إسماعيل محمد .. هي بالضبط قدام فنون جميلة بالزمالك.
_اقسام ومجالات الكلية: طباعة، نحت، خزف، نجارة، أشغال يدوية (فن شعبي)، تصميم، تصوير.
_مفيش أقسام للكليه غير في سنة 3 و بيبقوا تثقيفى وتربوى
قسم التثقيف بالفن بندرس فيها فلسفة فن ونقد وتذوق فنون .. أما التربوى علم نفس اكتر.
_مفيش فرق بين أدبي وعلمي في الكلية
_تثقيفى بيبقوا ليهم الأحقية يشتغلوا في قصور الثقافة زى المتاحف ودار الأوبرا و هكذا.
_تربوى ليهم الأحقية يشتغلوا مدرسين رسم (دراسة مواد تربوية)
_طباعة تصوير تصميم نسيج أشغال نحت خزف دى المواد العملي
_المواد النظرى بقى تاريخ تربية فنية - عربى - English - تشريح.
============================
 أهم حاجة عشان تقدر تدخل أي كلية منهم تقدم على اختبار القدرات..
remove_circleمواضيع مماثلة
الاستاذ
امتحان قدرات فنون تطبيقية 2022

أكدت المصادر بوزارة التعليم العالي والأعلى للجامعات الحكومية، أنه سيتم الكشف عن مواعيد اختبارات القدرات للكليات المختلفة والتي منها موعد امتحان قدرات فنون تطبيقية 2022، خلال الساعات المقبلة، على أن يتم الكشف عن كل التفاصيل المتعلقة بالاختبارت خلال الساعات القليلة المقبلة، مؤكدة أن الأعلى للجامعات وجه بضرورة عقد اختبارات القدرات عقب الانتهاء من امتحانات الثانوية العامة 2022.

الجامعات الأهلية تبدأ اختبارات القبول

وفي السياق ذاته، تبدأ الجامعات الأهلية الجديدة «الجلالة والعلمين والمنصورة والملك سلمان»، اختبارات القبول للجولة الثانية للطلاب الحاصلين على الشهادات المعادلة العربية والأجنبية 2022، وفقاً للضوابط والقواعد التي حددها الأعلى للجامعات الحكومية برئاسة وزير التعليم العالي والبحث العلمي في هذا الشأن أبرزها التأكيد على تطبيق إجراءات مجابهة تفشي فيروس كورونا.
privacy_tip صلاحيات هذا المنتدى:
لاتستطيع الرد على المواضيع في هذا المنتدى