1- بلاش تراجع إجاباتك فى المادة اللى امتحنتها لأن ده ب يأثر على نفسيتك وبـ يضر المادة المقبلة مهما حصل اوعي تراجع
2- لازم تنام بعد اللجنة مباشرة لأن البعض بيضيع الفترة دي وباقى اليوم بيضيع فى انتظار الغداء أو حصة المراجعة
3- بلاش تذاكر من مصدر جديد او كتاب جديد او تسمع مدرس جديد كل ده تأثيره مش كويس
4- بلاش تذاكر أى معلومة جديدة وركز على مراجعة القديم أفضل.
5- الأفضل عدم اللجوء إلى الملخصات السريعة لأنها بتختصر كتير جدا من المعلومات وحاول تصغط على نفسك وتذاكر من مصادرك القديمة.
6- لازم تنام على الأقل ٥ ساعات قبل اللجنة.
7- بلاش تتابع صفحات الفيس بوك فى اليوم ده علشان هتلاقى كم اشاعات رهيبة عن تسريب الامتحان والافضل إغلاق الهاتف والانترنت.
8- وانت رايح اللجنة هتلاقى زميل لك هيسألك سؤال صعب وجديد هيكون سبب انك تتوتر... يبقى الأفضل انك تروح اللجنة بمفردك دون مناقشة أى زميل.
9- بلاش حصص المراجعة الطويلة لأنها بضيع وقت كتير ممكن تستغله في المذاكرة والمفروض حصة المراجعة لا تتخطى ساعتين فى اليوم.
10-اى معلومة تقف فى ايدك بلاش تضيع وقت فى محاولة فهمها وكلم مدرسك يساعدك توفيرا للوقت.
11- ابدا بالمعلومات والفصول الأصعب ثم الأسهل. 12- خلى عندك طموح انك تراجع المنهج مرتين مش مرة واحدة.
13- كل صفحة تذاكر فيها أبداها بقول بسم الله الرحمن الرحيم والصلاة والسلام على رسول الله ولا تنسى دعاء الاستذكار.
14- أوعى تضيع أى صلاة بحجة المذاكرة وصلى ركعتين قبل نزولك من البيت
16- حدد ساعة تمر فيها مرور سريع على أى حاجة حلتها من قبل علشان تتذكر أى ملاحظة أنت كنت كاتبها
و فى النهاية ماتخافوش هي معادلة بسيطة
لو الامتحانات صعبة هتبقى على الكل وبالتالي التنسيق هيبقا مناسب لمستوى الامتحان.
وماتقلقوش لو فيه أسئلة مش متأكد منها طالما الصعوبة على الكل، المهم أن انت عملت اللي عليك.
ربنا يوفقكم فيما هو قادم وإن شاء الله خير
واللي حاسس نفسه ناقصه حاجه او عنده مشكله ف ماده او لسه مخلصش يكلمني و هساعده بالتوفيق للجميع
Mohamed Elsayed
