إزاي تذاكر الكيمياء العضويه..
محتاجين بس في الأول نقسم محتويات كل درس في العضويه الي
(1)معادلات
(2)نظري
(3)تسميه
وبعد كده تعرف كل حاجه فيهم تتذاكر ازاي.
أولا المعادلات :-
 اوعي تحفظها ولكن استوعب مين اتفاعل مع مين وليه؟
حاول تفهم من خلال مدرسك الناتج طلع ازاي؟
ثم
اتعلم تربط المعادلات ببعضها بمعني اي تفاعل ينتج مركب (س) مثلا وتفاعل اخر بيبدأ بالمركب (س) يبئي كده في علاقه مابين التفاعلين.
حل كتييير علي المعادلات بافكار النظام القديم والجديد وحل وانت فاتح الكتاب
ولكن..
يكون تركيزك اكتر علي اسئلة النظام الجديد طبعا.
وهنا سؤال لولبي لحضرتك دلوقتي
الا وهو
ليه احل علي المعادلات أسئله كتيره بالنظام القديم ؟!!
والإجابه ببساطه علشان تعود مخك وعينك علي تربيط المعادلات وتكون شوفت المعادله الواحده اكتر من مره وده هيخليك تقدر تستنج معادله او فكره جديده وهو ده النظام الجديد.
ثانيا:- النظري
يتذاكر من خلال انك تكون فهمت كل كلمه المدرس شرحها
ثم
تقرأ الدرس تاني وانت بتقرأه تكون بتسترجع شرح استاذك في الجزئيه دي
ثم
تطلع اسئله علي هذا الجزء اللي انت قرأته وتبدأ تحلها وانت فاتح الكتاب ولو لاقيت ان الاسئله بتعرف تطلعها من الكتاب بسهوله يبئي لازم تدور علي مصدر تاني للاسئله يكون اكثر صعوبه لترقية قدراتك العقليه.
كل فتره تحل نفس الاسئله اللي انت حلتها تاني بالاضافه طبعا الي اسئله جديده
وهنا سؤال لولبي
احل الاسئله اللي انا حلتها قبل كده تاني ليه؟!
والإجابه ببساطه علشان تأكد علي نقاط القوه عندك وتستكشف نقاط الضعف عشان تعالجها اول باول لان العضويه طويله.
ثالثا:- التسميه
ملهاش حل غير انك تفهمها اولا ثم تحل عليها كتيييييير من عدة كتب مختلفه
ولما تحل في التسميه سؤال غلط. تعرف انت غلط ليه وتسجل الغلطه دي ف كتاب او كشكول او ورقه
المهم تعرف سبب الغلطه كانت ايه ع متقعش فيها تاني
وبرضو كل فتره اما انك تحل غيرها او تحلها هي تاني.
أ/ محمد الدسوقي