النهاردة بنكمل سلسلة المذاكرة وموضوع اليوم تحت عنوان "إزاي تذاكر صح"
١- في البداية حدد أولويات المذاكرة
بمعنى "قسم المادة على حسب حجمها وصعوبتها بالنسبالك"
٢- المواد اللي متراكمة عليك بشكل كبير، لازم تتذاكر يوميًا الفترة دي، بس بوقت محدد وليكن لكل مادة (ساعة ونص)
خد بالك: أنت بتذاكر اللي واقع فيه كل يوم بالإضافة إنك بتنهي أو بتراجع للمواد التانية، عشان كدة المادة اللي متراكمة عليك حدد ليها (ساعة أو ساعة ونص بس يوميًا)
٣- إعمل plan خفيفة ليك بهدف إنك تشوف أنت وصلت لحد فين، وإتبقالك كام موضوع ، وناوي تذاكر بكرة كمية قد إيه وهكذا..
بس إفتكر إن ال plan بتاعتك لازم تتناسب مع قدراتك*
_______
وهنا ييجي سؤال (هنذاكر إزاي)؟
• في البداية لازم تتخلى عن نظام يومك اللي ملوش معاد، فمينفعش إنك بكل براءة تنام ١٢ بليل تصحى تاني يوم على الظهر! مبروك أنت وقتك بيطير!
لازم تعرف إننا محتاجين ٨ ساعات صافي تركيز في اليوم
طريقة نظامنا هتكون بنظام (٨/٨/٨)
• ٨ ساعات نوم، ٨ ساعات مذاكرة، ٨ ساعات راحة
يعني معاك ١٦ ساعة ليك في اليوم، و٨ هتجتهد فيهم بحيث تحَصَل كمية كبيرة في وقت بسيط
عشان تذاكر لازم تعمل كالآتي:
• أنت محتاج ٨ ساعات في اليوم، يعني محتاج تنظيم وقت يومك وبكدة أنت عندك إحتمالين
- إما إنك هتبدأ يومك من الفجر بالتالي هتنام الساعة ٩
- أو أنت كائن ليلي فهتبدأ من العشاء لحد الفجر
"في كلتا الحالتين الأهم إنك تختار منهم نظام هتمشي عليه عشان تقدر توفر ٨ ساعات صافيين ليك"
• هنذاكر بطريقة ال Promodo technique
يعني هتذاكر ٢٥ دقيقة بتركيز وبعدين تاخد راحة ٥ دقايق، وبعد ما تلتزم ب ٢٥ دقيقة لمدة ٤ مرات، تقدر تاخد ساعة راحة
الأهم إنك تكون مجهز نفسك ومجهز أدواتك لل ٢٥ دقيقة، يعني مينفعش ال Timer يكون شغال وأنت لسة بتدور على الكتاب اللي هتذاكر منه، زي ما قولنا إحنا محتاجين ٨ ساعات تركيز وإلا هناخد من ١٦ ساعة بتاعتك خد بالك
- لو أنت من الأشخاص اللي عندها مشكلة في التركيز أو بتدخل في التركيز بصعوبة .. فممكن تذاكر ٥٠ دقيقة بعدها تاخد ١٠ دقايق راحة
• حاول تعتمد الفترة دي على حاجتين مهمين (قراءة وحل)
حط الأولوية لقراءة الدرس وبحلك ليه هتعمل ٢×١ "حليت وفي ونفس الوقت بتأكد على الدرس يعني بتحفظ بشكل غير مباشر"
• خد بالك إن وقت الراحة مهم جدًا ليك، فأنت بتاخد ٨ ساعات مذاكرة وضعفهم نوم وراحة عشان حالتك النفسية، يبقى حاول تساهم معانا في راحتك النفسية وآخر اليوم هات لنفسك حاجة بتحبها
• علاقتك بربنا سبحانه وتعالى لازم تكون في دوام عشان ربنا يبارك في وقتك ومجهودك، فخليك إنسان ملتزم بكل مهام حياته وحط مع فترة الراحة وقت خاص ليك مع ربك
_______
آخر يومين قبل الإمتحانات ممكن تمشي بنظام (٦/٦/٦/٦)
٦ ساعات نوم، ١٢ مذاكرة، ٦ راحة
النظام دة لو حسيت إن فيه حاجات لسة واقعة ومحتاج إنك تلمها، بس بلاش تجهد نفسك وتمشي على النظام من دلوقتي
________
وأخيرًا، لسة فيه وقت وهتقدر تلم كل حاجة وراك، بس أنت استعين بالله وابدأ
ومتنساش: محتاجين ٨ ساعات بتركييييز
________
Written by: Reem Hamed Elbestawy
Disgned by: Abdelrahmah Mohammed
Team_FYA
فترة_صعبة_عيشها_صح
١- في البداية حدد أولويات المذاكرة
بمعنى "قسم المادة على حسب حجمها وصعوبتها بالنسبالك"
٢- المواد اللي متراكمة عليك بشكل كبير، لازم تتذاكر يوميًا الفترة دي، بس بوقت محدد وليكن لكل مادة (ساعة ونص)
خد بالك: أنت بتذاكر اللي واقع فيه كل يوم بالإضافة إنك بتنهي أو بتراجع للمواد التانية، عشان كدة المادة اللي متراكمة عليك حدد ليها (ساعة أو ساعة ونص بس يوميًا)
٣- إعمل plan خفيفة ليك بهدف إنك تشوف أنت وصلت لحد فين، وإتبقالك كام موضوع ، وناوي تذاكر بكرة كمية قد إيه وهكذا..
بس إفتكر إن ال plan بتاعتك لازم تتناسب مع قدراتك*
_______
وهنا ييجي سؤال (هنذاكر إزاي)؟
• في البداية لازم تتخلى عن نظام يومك اللي ملوش معاد، فمينفعش إنك بكل براءة تنام ١٢ بليل تصحى تاني يوم على الظهر! مبروك أنت وقتك بيطير!
لازم تعرف إننا محتاجين ٨ ساعات صافي تركيز في اليوم
طريقة نظامنا هتكون بنظام (٨/٨/٨)
• ٨ ساعات نوم، ٨ ساعات مذاكرة، ٨ ساعات راحة
يعني معاك ١٦ ساعة ليك في اليوم، و٨ هتجتهد فيهم بحيث تحَصَل كمية كبيرة في وقت بسيط
عشان تذاكر لازم تعمل كالآتي:
• أنت محتاج ٨ ساعات في اليوم، يعني محتاج تنظيم وقت يومك وبكدة أنت عندك إحتمالين
- إما إنك هتبدأ يومك من الفجر بالتالي هتنام الساعة ٩
- أو أنت كائن ليلي فهتبدأ من العشاء لحد الفجر
"في كلتا الحالتين الأهم إنك تختار منهم نظام هتمشي عليه عشان تقدر توفر ٨ ساعات صافيين ليك"
• هنذاكر بطريقة ال Promodo technique
يعني هتذاكر ٢٥ دقيقة بتركيز وبعدين تاخد راحة ٥ دقايق، وبعد ما تلتزم ب ٢٥ دقيقة لمدة ٤ مرات، تقدر تاخد ساعة راحة
الأهم إنك تكون مجهز نفسك ومجهز أدواتك لل ٢٥ دقيقة، يعني مينفعش ال Timer يكون شغال وأنت لسة بتدور على الكتاب اللي هتذاكر منه، زي ما قولنا إحنا محتاجين ٨ ساعات تركيز وإلا هناخد من ١٦ ساعة بتاعتك خد بالك
- لو أنت من الأشخاص اللي عندها مشكلة في التركيز أو بتدخل في التركيز بصعوبة .. فممكن تذاكر ٥٠ دقيقة بعدها تاخد ١٠ دقايق راحة
• حاول تعتمد الفترة دي على حاجتين مهمين (قراءة وحل)
حط الأولوية لقراءة الدرس وبحلك ليه هتعمل ٢×١ "حليت وفي ونفس الوقت بتأكد على الدرس يعني بتحفظ بشكل غير مباشر"
• خد بالك إن وقت الراحة مهم جدًا ليك، فأنت بتاخد ٨ ساعات مذاكرة وضعفهم نوم وراحة عشان حالتك النفسية، يبقى حاول تساهم معانا في راحتك النفسية وآخر اليوم هات لنفسك حاجة بتحبها
• علاقتك بربنا سبحانه وتعالى لازم تكون في دوام عشان ربنا يبارك في وقتك ومجهودك، فخليك إنسان ملتزم بكل مهام حياته وحط مع فترة الراحة وقت خاص ليك مع ربك
_______
آخر يومين قبل الإمتحانات ممكن تمشي بنظام (٦/٦/٦/٦)
٦ ساعات نوم، ١٢ مذاكرة، ٦ راحة
النظام دة لو حسيت إن فيه حاجات لسة واقعة ومحتاج إنك تلمها، بس بلاش تجهد نفسك وتمشي على النظام من دلوقتي
________
وأخيرًا، لسة فيه وقت وهتقدر تلم كل حاجة وراك، بس أنت استعين بالله وابدأ
ومتنساش: محتاجين ٨ ساعات بتركييييز
________
Written by: Reem Hamed Elbestawy
Disgned by: Abdelrahmah Mohammed
Team_FYA
فترة_صعبة_عيشها_صح
