� الكلام اللي هقوله ده مهم جدا وياريت نفهمه كويس
� هسأل بس حضرتك وحضرته كام سؤال: 
هو حضرتك وحضرته المطلوب من ابنك اللي في سنه رابعة ابتدائي إيه؟؟ 
أيوه ينجح ويعدي سنه رابعة ويدخل سنه خامسة صح 
� طيب أنا باعتباري معلم ورئيس كنترول بقول لحضرتك إن ابنك وبنتك امتحنوا شهر نوفمبر من 30 درجة، وكلنا عارفين إن النماذج كانت متسربة ومفيش طالب على مستوى الجمهورية جاب أقل من 20 درجة تمام؟ �طيب وقبل ما يدخل امتحان المهام كان واخد عشر درجات تحت مسمى اعداد وجدية عمل دول كل طلاب مصر أخدوهم، يبقى كدة المجموع 30 درجة للطالب الضعيف 
� طيب ودخل اللي بيقولوا عليه امتحان مهام من 25 درجة، والمفروض إن دي مهمة بينفذها الطالب في الحصة بمساعدة المعلم بتاعه، مش هنقول إن المعلمين كانوا بيكتبوا للأولاد على السبورة، وهنعديها إنه تمت المهمة بمساعدة المعلم وأقل طالب أخد 20 درجة، يبقى كدة المجموع 50 درجة من ال 100� دا غير 5 درجات على الحضور، وتقريبا لظروف البلد والكورونا كله أخدهم طيب يعني ابنك وبنتك ناجحين من قبل ما يدخلوا الإمتحان أبو 30 درجة ده ليه بقى موتر نفسك ومحمل ابنك وبنتك فوق طاقته، ودايخ يعيني بين أسئلة بنك المعرفة، لأسئلة الوزارة، لأ إلحق الوزير حذفلأ الوزير ما حذفش، والجروب ده ينزل بوست
ويكتب الصف الرابع الكل يطلع جري
وكأننا بنمتحن ثانوية عامة
اهدى كده واعرف إن التعليم الجديد بقى الهدف منه التثقيف مش النجاح والرسوباقعد مع ابنك في العشر أيام الجايين دول
وابعد عنك وعنه الضغوط، وبقول عنك قبل عنه، لأني ملاحظ للأسف ولي الأمر مضغوط أكتر من الطفل، مع إن المفروض العكس
كانت أمي ربنا يحفظها ليلة ما يكون صابح عندي امتحان ثانوية عامة تيجي تقعد جمبي وتمسح على راسي وتقولي اهدى ومتقلقش
أحمد اشطر واحد في زملائه وأنا مش خايفة عليه.
صلي بس واهتم بطاعة ربنا واعمل اللي عليك
وسيب الباقي علي ربنا وربنا هيجبرك
� خلاصة الكلام العشر أيام الجاين اقفل فيهم على المنهج حتى لو لسه ما خلصتش حاجة عادياقعد وراجع مع ابنك اللي اخده وقوله انت اتعلمت ايه من المادة دي، واكتب الأهداف دي، وابدأ أكد على الأهداف دي
� العربي مثلا باعتباره مادتي، مطلوب منه فيها: يكون بيعرف يقرأ ويكتب كويس يقدر يميز بين الاسم والفعل والحرف يميز بين ضمائر المتكلم والمخاطب والغائب ويستخدمهم في جمل يكون جمل اسمية وفعلية عن أي شيء حوليه، يعني يوصف أي حاجة في الشقة زي جهاز منزلي أو مناسبة أو رحلة. يقدر يميز بين الجملة الاسمية والفعليةويطلع أركان كل جملة.
يقدر يميز بين علامة رفع الاسم المفرد والمثنى والجمع بأنواعه، ويعرف إن الضمة علامة الرفع الأصلية، علشان كدة بنسنخدمها في رفع المفرد وجمع المؤنث السالم وجمع التكسير. وإن المثنى بيرفع بعلامة خاصة بيه وبتظهر قبل آخره وهي الألف، وجمع المذكر السالم كمان بيرفع بعلامة خاصة بيه وبتظهر قبل آخره وهي الواو. يميز بين المعنى الحقيقي والمجازي. يكون حصيلة لغوية من المعاني والمضاد علشان ننمي قاموس الطفل. � شوفت اللغة العربية بس ليها كام هدف المفروض إنها بتنميهم عند طفلك، وأنت سايب كل ده ورايح تجري ورا هدف واحد وهو أنه ينجح
� والله يا سيدي ابنك نجح
في الهدف بتاعك، ركز بقى في الأهداف اللي مطلوب ينجح فيها بجد لإن دي أهداف تراكمية هتطلع معاه، وللأسف الهدف اللي هيعدي ويسيبه في السنة دي مش هيلاقي وقت بعد كده يراجعه ولا يرجعله لأن كل سنه وليها أهداف أكتر و أكبر� معلش طولت عليكم لكن دي رسالة من أب ومعلم في نفس الوقت 
بقلمي
#مستر_أحمد_علي
