مدرس اون لايندخول

مجموعة نصائح مهمة لطلاب الثانوية علمي رياضه للتعامل مع الامتحان على النظام الجديد

مهم لطلاب علمي رياضه
نصائح المهندس أحمد عصام للجميع طلاب مصر
_______
مجموعة نصايح للتعامل مع الامتحان :
١- خليك هادي جدا جدا جدا
٢- أسئلة امتحانك مش هتكون متدرجة ف المستوى يعني اول سؤال ممكن يكون اصعب سؤال .. ف لو شفت اول سؤال تقيل متوترش نفسك واهدا خالص..
٣- ابدا بالأسئلة اللي انت متمكن منها وعارف اجابتها وواثق من حلها ثم وابدا خلصهم كلهم .. ده هيخلي ثقتك ف نفسك تزيد وهيقلل التوتر وهتحس انك أنجزت ولميت درجات ولسة معاك وقت كبير لأنك ركنت الأسئلة التقيلة واللي محتاجة تفكير ل بعد كدة ف هتديها وقتها
٤- حاول تقلل انك تبص ف القوانين والكتاب الا للضرورة القصوى لما تتزنق عل الاخر اوي يعني وتكون حاجة ناسيها تماما
٥- حاول تقلل استخدام الآلة على قد ما تقدر مش عمال على بطال آلة آلة.. واستخدمها لما تجيب جاز ف السؤال ومش عارف تحله خلاص استخدم الآلة
٦- هيأ نفسك انك ممكن تسيب من سؤالين ل ٣ أسئلة وده عادي وامر وارد (كدة كدة مش مطلوب منك تقفل زى ما سيادة الوزير قال ) والمؤشرات كلها ف العربي واللغة التانية بتقول ان الوقت قليل نسبيا عل الامتحان
٧- لو اتزنقت اوووي اوووي اوووي والوقت بيخلص أعمل حادي بادي 
٨- امتحانك هيركز غالبا على أسئلة الربط والمفاهيم ف ركز على فيديو فجر الامتحان عشان تفهم قصدي ..
٩- وارد تقابل سؤال او سؤالين تطبيقات حياتية .. فكر فيها براحة هتجبها متخافش
١٠ - هيأ نفسك انك هتشوف افكار جديدة لكن كلها من منهجك بس عايزة طالب فاهم مش اكتر.
١١- استودعكم الذي لا تضيع ودائعه .. ربنا يوفقكم ويجبر خاطركم ويفرحكم يا رب
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى