ركز معايا في الملاحظة ديه عشان رخمة شوية
بس بعد البوست ده إن شاء الله هتبقى سهلة جدا
خير يا مستر أتفضل
لما أقولك
ما نجح من الطلاب إلا طالب
ما نجح من طلاب إلا طالب
الجملتين أسلوب أستثناء والجملتين أسلوب الاستثناء منفي لإن أوله حرف نفي (ما)
تمام يا مستر
بس خلي بالك بقى لو جالك بعد حرف الجر (اسم معرفة) هيكون نوع الأسلوب (ناقص منفي)
والاسم الي ورا أداة الإستثناء إلا هيتعرب (حسب موقعه في الجملة)
مثال يا مستر عشان أفهم
لما أقولك
ما حضر من الطلاب إلا طالب
»»  ده أسلوب أستثناء منفي عشان بادئ بحرف نفي (ما)  تمام يا مستر
»»  وحرف الجر (من)  الاسم الي جاي بعده (الطلاب)  معرفة أوله ألف ولام...  أشطا يا مستر
»»  يبقى ده كدة أسلوب استثناء (ناقص منفي)  ....  عاش يا مستر
»»  يبقى كدة الاسم الي جاي بعد أداة الاستفهام إلا الي هي كلمة (طالب) هتتعرب حسب موقعها في الجملة... عااش يا مستر
»»  مين الي حضر؟  الطالب
»»  تبقى الطالب هتتعرب (فااااااعل)
........................................
إنما لو جالك بعد حرف الجر (اسم.نكرة ) هيكون نوع الأسلوب (تام منفي)
والاسم الي ورا أداة الإستثناء إلا هيتعرب (مستثنى منصوب أو بدل)
زي لما أقولك
ما حضر من طلاب إلا طالب
»»  ده أسلوب أستثناء منفي عشان بادئ بحرف نفي (ما)  تمام يا مستر
»»  وحرف الجر (من)  الاسم الي جاي بعده (طلاب)  نكرة ...  أشطا يا مستر
»»  يبقى ده كدة أسلوب استثناء (تام منفي)  ....  عاش يا مستر
»»  يبقى كدة الاسم الي جاي بعد أداة الاستفهام إلا الي هي كلمة (طالب) هتتعرب يا إما مستثنى منصوب أو بدل
تبقى الطالب هتتعرب (بدل أو مستثنى منصوب)
ربنا معاكم

MR-Ahmed G-Hassan