مدرس اون لايندخول

هام لطلاب الثانوية العامة.. اختبارات القدرات للقبول بالكليات "تفاصيل"

#اختبارات_القدرات
كل ما تريد معرفته عن اختبارات القدرات للكليات س و ج
- معلش ممكن تعرفنى يعنى ايه قدرات ؟
بص ياسيدى فى بعض الكليات شرط أساسى علشان تدخلها أنت تجيب مجموعها وثانيا لازم تجتاز أختبار القدرات ( لازم الشرطين يتحققوا )
أمتحان القدرات دا بختلف من كلية للتانيه وهقولك تفاصيل اختبار كل كليه
- طيب أنت قولت كليات معينه ممكن تعرفنى اى هيا الكليات اللى له اختبار ؟
بص ياسيدى دى الكليات اللى شرط علشان تدخلها تجيب مجموعها وكمان تجتاز اختبار القدرات
• كليات التربية الرياضية.
• شعبتا التربية (الفنية والموسيقية) بكليات التربية النوعية وشعبة المسرح التربوي بكلية التربية النوعية جامعة المنصورة، وفرعيها (ميت غمر، منية النصر) .
• كليات الفنون الجميلة (فنون، عمارة).
• كليات الفنون التطبيقية بجامعات (حلوان، دمياط، بنها، بني سويف).
• كلية التربية الموسيقية بالزمالك جامعة حلوان.
• كلية التربية الفنية بالزمالك جامعة حلوان.
• كلية التربية الفنية جامعة المنيا.
• شعبتا التربية الفنية بكلتي (التربية بالإسماعيلية جامعة قناة السويس، وكلية التربية بالسويس جامعة السويس)
• كلية التربية بالإسماعيلية (شعبة التربية الموسيقية) جامعة قناة السويس.
• كليات الإعلام
طب باقى الكليات شرط واحد فقط المجموع وبس
- طيب انا الوقت عرفت الكليات ينفع أقدم أختبار قدرات اكتر من كلية ؟
أه من حقك تقدم فى كل الأختبارات
أو اتنين او تلاته زى مانت عايز
- طيب فى ناس بتقولى قدم بعد مالنتيجة علشان تشوف مجموعك جايب الكليه ولا لا وبالتالى لو مجبتش المجموع هتوفر مصاريف الكورس ورسوم الأختبار ؟
ينفع عادى بس الكليه بيبقى لها أعداد محدده وموقع التنسيق بيرشح الكليه للناس اللى مجموعها جاب وعملت الأختبار بدرى
فاكل ماتتاخر فرصتك بتقل بس مش معناه انه مينفعش لا ينفع عادى بعد النتيجة
- طب هو ينفع أدخل الأختبار دا من غير كورس ؟
اه ينفع فى فيديوهات على اليوتيوب بتعلمك على نظام الأمتحان وازى ترسم وكل حاجة
وفى ناس بتفضل الكورس علشان بتبقى حاجة ملموسه وناس بتابع معاك وكدا
- طيب ممكن تقولى على مكان كويس أخد فى كورس ؟
للاسف مش هينفع بس متقلقش المراكز كلها منتشره على الفيس بوك والاعلانات بتاعتهم فى كل مكان ادخل شوف رد فعل الناس وقرر هتاخد معاهم ولالا
- طيب أنا أخدت الكورس وعايز أقدم الكترونى علشان اروح الامتحان هقدم ازى مش عارف ؟
بص دول خطوات التنسيق
خطوات التسجيل
1- يدخل الطالب على موقع التنسيق الالكتروني
https://tansik.egypt.gov.eg/qodrat/default.aspx…
2- يبدأ الطالب في عملية التسجيل لإجراء اختبارات القدرات وهذا باستخدام رقم الجلوس الخاص والرقم القومي.
2- تظهر أمام الطالب على الشاشة البيانات الخاصة به والتي تشمل: رقم جلوسه، اسمه، رقمه القومي، محافظته، الإدارة التعليمية التابع لها، مدرسته، الشعبة التي درسها الطالب سواء علمية أو أدبية، ويجب عليه التأكد من أن بياناته كلها صحيحة.
3- ستظهر له قائمة بالأنواع المتاحة له من الاختبارات وأماكنها ومواعيدها.
4- تختار الطالب نوع القدرات وسيتم تحديد الموعد الذي سوف يتوجه فيه إلى الكلية
5- عقب انتهاء الطالب من عملية التسجيل، يقوم بطباعة إيصال، يشمل أنواع القدرات التي أبدى الرغبة في أدائها، والمواعيد وأماكن أداء هذه الاختبارات بالكليات التي قام الطالب بتسجيلها على موقع التنسيق الإلكتروني.
6- تلتزم الكليات بإرسال وإدخال نتائج الامتحانات مباشرة من خلال الصفحة المخصصة للكلية على موقع التنسيق الإلكتروني، وذلك لكافة الطلاب اللائقين من المتقدمين لهذه الاختبارات، بعد التأكد من صحة رقم الجلوس واسم الطالب.
7- يتم تزويد برنامج التنسيق الإلكتروني بأسماء وبيانات الطلاب، الذين اجتازوا هذه الاختبارات؛ ليتم الترشيح بناء عليها، و لن يعتد بأية نتائج أخرى بعد إغلاق موقع التنسيق الإلكتروني.
- طيب أنا الوقتى عرفت هسجل ازى بس معرفش امتى ؟
الموقع هيفتح التسجيل 8/8 لحد 8/20 تقدر تقدم فى أى فتره من دول
- طيب لما أسجل وكله تمام هيطلعى معاد دا معاد الاختبار ؟
لا مش معاد الأختبار دا المعاد اللى هتروح فى الكلية علشان تقدم على الأختبار
وهتاخد معاك الورق المطلوب للتقديم
- طب اى هو الورق المطلوب للتقديم ؟
1- إيصال التسجيل على موقع التنسيق الإلكترونى ( اخر ورقه هتظهرلك أثناء التسجيل بيبقى فيها المعاد والمكان )
2- رقم جلوس الثانوية العامة وصورة منه
3- صورة الرقم القومى أو صورة شهادة الميلاد
4- عدد 2 صورة شخصية
5- الرسوم المقررة وقيمتها 400 جنيهًا
- طب يحصل اى لو اتاخرت على المعاد اللى طلعلى لما سجلت ؟
مش هيحصل اى حاجة ممكن تروح متاخر عادى بس مش مده كبيرة
- طب انت قولت فى 400 جنية هدفعها فين وازى ؟
هتدفعهم فى الكليه عادى ( السداد اليدوي )
او الكترونى عن طريق الفيزا
لسه محددوش طريقه الدفع
- طيب انا عايز أجهز نفسى واطلع الفيزا علشان اكون مستعد اعملها ازى وفين ؟
شوف الموضوع دا هيعرفك كل حاجة عن الفيزا
فيزا الطلبه لتسديد رسوم اختبارات القدرات للكليات
- طب ينفع ادفع رسوم الاختبار بفيزا والدى او اى حد من أهلى ؟
لا مينفعش لازم تكون باسمك يعنى لو عندك واحده باسمك تمشى
بالتوفيق للجميع