مدرس اون لايندخول

هنجيب جديد منين؟ .. رد أولياء الامور على قرار الوزير بعدم السماح لطلاب الثانوية العامة كتابة ملاحظات داخل الكتب أثناء الامتحان

07052021
هنجيب جديد منين؟ .. رد أولياء الامور على قرار الوزير بعدم السماح لطلاب الثانوية العامة كتابة ملاحظات داخل الكتب أثناء الامتحان

هنجيب جديد منين؟ ..  رد أولياء الامور على قرار الوزير بعدم السماح لطلاب الثانوية العامة كتابة ملاحظات داخل الكتب أثناء الامتحان 10810
وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، سؤالا على الأمهات في صفحة الاتحاد في الفيس بوك، قائلة: "ايه رأيكم في قرار الوزير بعدم السماح لطلاب الثانوية العامة كتابة ملاحظات داخل الكتب أثناء الامتحان؟".

وعلى الفور، انهالت التعليقات من جانب الأمهات الغاضبات والمعترضات على القرار، حيث قالت ولي أمر: "قرار متأخر، كيف  وبدون مقدمات يقرره، الطلاب ذاكروا في الكتاب فكيف يكون بلا ملاحظات.

وقالت أخرى: "غير مبرر وغير منطقى، أولا الوزارة لم تسلم  كتب يعنى الطلاب سيشتروا كتب قديمة مكتوب فيها أصلا، ثانيا كتب الوزارة أصلا أسلوبها مختصر جدا يكاد يكون عناوين يعنى لازم الطالب يكتب فيها ملحوظات أو إضافات للتوضيح، يعنى أصلا دخولهم بيه بدون إضافة يعتبر مثل عدمه".

وذكرت ولي أمر: "الظروف الاستثنائية تحتم أن يكون هناك شىء من المرونه، أوقات كثير الطلاب لما بيدونوا ملاحظاتهم ويربطوا الأجزاء ببعضها البعض سوف يساعدهم ذلك على استذكار ما فقدوه، فقرار عدم التدوين فى هذا الوقت الضيق وفى ظل الظروف الاستثنائية وبالإضافة إلى عدم إقراره من بدايه العام قد يكون فى شىء من القسوه عليهم، نتمنى مراجعه هذا القرار لأن الطلاب أصلا أغلبهم محبطين، بلاش نصعب الدنيا عليهم".

وتابعت: "هذا ليس غش، بل فهم من المذاكرة، أومال هو عاملوا اوبن بوك ليه؟"، وتابعت أخري: "عاوز كتاب جديد نجبله منين، مفيش معنديش"، وأضافت أخري: "هنجيب كتب جديدة منين كله مستعمل وقديم ومكتوب فيه ومحلول تدريباته".

وقالت ولي أمر: "بصراحة احنا اكتفينا ومش حمل قرارات تانى، كفايه طول السنة قرارات نراعى ظروف السنه دى شويه إحنا بجد تعبنا من كتر الضغوط دى، فبلاش تصعب الأمور على الطلبة أكتر من كده وكفايه عليهم السنة الصعبة دى بظروفها وكان الاولى نسمع تفاصيل وقرارات عن الجداول والامتحانات ولا بس اللى فارق أنهم ياخدوا كتاب الوزارة بدون أى ملاحظات مكتوبه فيه وهو الكتاب في إيه غير عناوين مبهمة".

واستطردت أخرى: "طبعا مش موافقين عليه، هو من الأول سمح بدخول الكتاب من غير شروط، والأولاد بيكتبوا ملوحظة على الدروس تحاول تساعدهم مع إن الإمتحان بيكون صعب، واحنا أولياء الأمور جتلنا حاله نفسيه من كل ده، هو أصلا كتاب المدرسة مش بيعرفوا يفهموا فيه حاجه غير لما يكتبوا الملاحظات دي وبعد ما قعدوا يكتبوا فيها هنجيب كتب غيرها منين، ولو هنطبع pdf هتكون مكلفه جدا علينا، يراعي ظروف الناس"

واستكملت ولي أمر: "قرار متأخر جدا، من الأول كان سامح للولاد بكتابة ملاحظتهم وربط المفاهيم ببعض، ليه كده ولخبطة القرارات دي، هو في إنسان يعرف يذاكر في كتاب من غير ما يسطر فيه ويكتب ملحوظه"، وذكرت أخري: "القرار بصراحه غلط، احنا مش حمل أي حاجه تضغط على الأولاد، شويه تقول الأسئلة عاوزه تفكير وشويه تقول الإمتحان مش من الكتاب، كمان طالع تقول ما تكتبوش حاجه، لا بقي دا قرار غلط ميه فى الميه، ارحموا ولادنا الدفعه دى مظلومه بجد كفايه قرارات محبطه، العيال مش ناقصه كل الدفعات اللى بعدينا منتظرين يشوفوا ولادنا هيعملوا ايه".

وأشارت ولي أمر أخري: "القرار دا جه متأخر، الوزير طلع قرار في شهر 2 قال اللي عايز يكتب أي ملاحظه في الكتاب يكتبها، بالتالي كل الطلبه كتبوا الملاحظات اللي ممكن ولو لواحد في الميه تساعدههم ودلوقتي بيقول مفيش أي كلمه تتكتب في الكتاب، طيب هما هيعملوا اي في النظام ده  وبعدين هما كتبوا خلاص وماصدقوا اصلاً يلاقوا كتب هيعملوا ايه دلوقتي".


أماكن لجان امتحانات الثانوية العامة 2021:

تنتهي وزارة التربية والتعليم والتعليم الفني، من تحديد أماكن اللجان التي سيؤدي طلاب الثانوية العامة الامتحانات عقب إجازة عيد الفطر المبارك.
ومن جانبه، أكد وزير التربية والتعليم، الدكتور طارق شوقي، أن اللجان سوف تكون مدارس مجهزة بالبنية التكنولوجية اللازمة لكي يؤدي الطلاب الاختبارات إلكترونية بواسطة أجهزة التابلت.
وأوضح، أنه سيتم تحديد  إمكانية السماح باصطحاب الكتاب المدرسي أو ورقة المفاهيم والقوانين داخل الامتحان.


المواد التي لا تضاف للمجموع

وأضاف الوزير، أنه تقرر عقد امتحانات المواد التي لا تضاف للمجموع من المنزل أسوة بالعام الماضي، وذلك في إطار حرصها علي الحفاظ علي الطلاب من تداعيات الاصابة في الموجه الثالثة لجائحة فيروس كورونا.


جدول امتحان الدور الأول 2021 لشهادة إتمام الدراسة الثانوية العامة لطلاب مدارس البعثة التعليمية المصرية بالسودان


وكان الدكتور طارق شوقى وزير التربية والتعليم والتعليم الفني، قد اعتمد أمس، جدول امتحان الدور الأول 2021 لشهادة إتمام الدراسة الثانوية العامة لطلاب مدارس البعثة التعليمية المصرية بالسودان.

وقال الدكتور رضا حجازي نائب الوزير لشئون المعلمين والمشرف العام على امتحانات الثانوية العامة المصرية بالبعثة التعليمية بالسودان، إن الامتحانات تبدأ يوم السبت الموافق ٢٩ مايو من الشهر الجاري  وتستمر حتى يوم الثلاثاء الموافق ٨ يونيو من الشهر القادم ، مع الأخذ فى الاعتبار كافة الإجراءات الاحترازية التي يتم إتباعها فى امتحانات الثانوية العامة والدبلومات الفنية داخل مصر بتقليل عدد الطلاب وزيادة عدد اللجان الفرعية وتوفير الإجراءات الصحية.

تعاليق

لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى