قال وزير التعليم والتعليم الفني د.طارق شوقي، خلال الجلسة العامة لمجلس الشيوخ اليوم الإثنين 19 أبريل: "مجانية التعليم ضاعت من زمان، ومفيش طالب بينجح في سنة نقل من غير فلوس ومافيش حد  بينجح في ثانوية عامة من غير فلوس".

وأضاف الوزير: "عايزين نرجع مجانية التعليم المنصوص عليها في الدستور، وما تجيش اللجنة تكلمني عن رسوم استمارة ثانوية عامة بـ 200 جنيه لما نعمل تحسين اختياري وهو في النهاية اختياري".

وتابع الوزير خلال مناقشة قانون التعليم بمجلس الشيوخ : "بالنسبة للأهالي الوصول للمقعد الجامعي بالغش مباح في التعليم ولا يتعارض مع الصلاة والصيام، وهناك 85% ينجحوا بالغش مش جايين يتعلموا جايين يأخذوا شهادة"»

وأكد شوقي: "خلال امتحان أولى ثانوي في شهر فبراير الماضي، أكثر من 85% من الطلبة غشوا برضى الأهالي.. نعمل إيه نجيب البوليس، ده يدل على أننا جايين نأخذ شهادة مش نتعلم وكنا بنغير الواي فاي بتاع المدارس كا شوية لأنها كانت تباع للمقاهي جانب المدارس ويتم فتح السيستم".

اقرأ أيضا|وزير التعليم يكشف عن نظامًا جديدًا ومختلفا لتطوير التعليم.. «لن يكون فيه ثانوية عامة ولا تنسيق»

وأشار طارق شوقي في كلمته إلى أن من يسعون للامتحان الاليكتروني هدفهم الغش، وفكرة الحصول على الشهادة، أدت إلى قتل التعليم المصري وانتشار الدرس الخصوصية التي كانت هي السبيل للحصول على الشهادة.

وتابع الوزير:" الموضوع عامل زي اللي عاوز يطلع رخصة قيادة وهو مش بيعرف يسوق، ورافض يمتحن سواقة وعاوز رخصة، زيه زي الطالب اللي مش عاوز يروح امتحان وعاوز ينجح وياخد شهادة".