مدرس اون لايندخول

روشتة اخر 80 يوم مراجعة لطلاب الثانوية العامة قبل الامتحان

11042021
روشتة اخر 80 يوم مراجعة لطلاب الثانوية العامة قبل الامتحان

هام للصف #الثالث الثانوي

بدءت فترة المراجعات وبقي فاضل حوالي ٨٠ يوم بالتمام والكمال
والفتره دي فتره الجد واللي فعلاً لو متعبتش فيها هتندم هتحِس انك ضيعت كُل حاجه من ايدك! ، كل اللي فات ده كان حاجه و اللي جاي ده فعلاً أهم حاجه .. لو تعبت و عملت اللي عليك هتوصل لكِن لو استنيت و فضلت قاعد مش بتتعب ولا بتعمل اللي عليك و قولت ربنا يسهلها عمرها ما هتجيلك!
ربنا مش هيساوي أبدا اللي بيتعب ويدعي و متمسك بحلمه باللي مستني الحلم ييجي لغايه عنده ع الجاهز. 
فتره المراجعات ع قد ما هي متعبه ع قد ما هي مهمه و هتفرق معاك جداً و لو عرفت تنظم وقتك و مذاكرتك انتَ هتحِس بفرق كبير و هتحِس إنك بتنجز و هتوصل.
طب تنظمهم ازاي؟
1 الأكل مهم جداً، وإنك تاكل خضروات وفواكه واكلك يكون صحي هيكون مهم جداً ومفيد ليك وهيساعدك .. لازم اكلك يكون فيه بروتين وفيتامينات كتير تفيدك وتقوي الذاكره وتخلي عندك طاقه كده.
2 شُرب المياه مهم ولازم ع الاقل تشرب ٨ كُوبايات مياه متوزعين وده جسمك بيكون محتاجه جداً.
3 تظبيط النوم أهم من أي حاجه تانيه و لازم تعود نفسك على النوم بدري و الصحيان بدري هيفرق معاك في التركيز وكمان هيخليك تتعود على ده ايام الامتحانات وميكونش في صعوبه بالنسبالك في الموضوع ده، غير انه بيفرق معاك ف أن يومك يكون طويل وتقدر تنجز فيه اكتر والصحيان بدري مفيد في كُل حاجه ليك..
4 آخر حاجه لازم ع الاقل في اليوم تتمشى نص ساعه او تلعب رياضه في البيت و ده هيساعدك تطلع الطاقه السلبيه اللي جواك و تاخد باور ..
5 حاول تستفيد بوقتك على قد ما تقدر يعني مثلاً اقفل سوشيال ميديا و استغل وقت فراغك ف إنك ترتاح فعلاً مش ترهق نفسك بالموبايل أو أياً كان .. كلنا اساساً عارفين انك اول ما بتمسك الموبايل بتنسى الوقت و اي حاجه ف ياريت تشتغل على وقتك صح و يبقى مهم بالنسبالك لإن ده اللي في ايدك بس دلوقتي ومش معني كده اني بقولك سيب الموبايل خالص لان طبعا كتير مش هيقدر يبعد عن الموبايل ولو قفلت سوشيال خالص هتفضل تفكر وانت بتذاكر وتقول الموبايل وحشني الواتساب والانستجرام....... ف انت اعمل رينج لنفسك في اليوم بمعني انك تقول ل نفسك هفتح سوشيال ساعه واحده مثلا في البيت وطبعا تلتزم ودي اهم حاجه الالتزام.....
 أهم من ده كُله صلاتك و دعواتك وخليك واثق في ربنا وأنه قادر يغير قدرك للأحسن والأقدار بتتغير بالدعاء ف ادعي باللي تتمناه ونفسك فيه و ربنا سامعك و شايفك و مش هيخذلك طالما بتتعب ، وادعي دايماً بالخير ليك وشد حيلك و اتعب علشان تلاقي علشان من غير التعب ده ولا هتوصل حاجة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى