لطلاب 3 ثانوي.. كيفية الربط بين الأدب والنصوص المقررة والمتحررة وأزاي تحل الأدب

استعرض الموضوع السابق استعرض الموضوع التالي اذهب الى الأسفل

25022021

مُساهمة 

. لطلاب 3 ثانوي.. كيفية الربط بين الأدب والنصوص المقررة والمتحررة وأزاي تحل الأدب




رسالة هامة لطلاب تالتة ثانوي كما وعدناكم هتكلم فيها عن كيفية الربط بين الأدب والنصوص المقررة والمتحررة وأزاي نحل الأدب .... هاخد من قتك خمس دقائق من ذهب ركز معايا .... 
 أولا : المفتاح السري لحل الأدب والنصوص المتحررة هو البلاغة ثم البلاغة ثم البلاغة لأنك ببساطة لو مش متأسس صح فيها هتيجي تقرأ أي أبيات شعرية هتحس أنك مش فاهم حاجة فهنا لزم تكون فاهم بلاغة كويس بكل علومها البيان والبديع والمعاني
ثانياً : وأنت بتذاكر لزم تكون فاهم أن مذكرتك تبتعد عن الحفظ والتلقين نهائي لأن محور النظام الحديث بيدور علي أنك أنت فهمت أيه من الدرس ده مثلا وأنت بتذاكر مدرسة الأحياء والبعث أو الوجدان أبعد عن الحفظ نهائي وتكون فاهم أن الشعر عند الأحيائيين بيكلم عن أيه وبيدور عن أيه وسماته أيه وبعد كدا نطبق علي الأبيات ونفس الشئ عن أي مدرسة وبعدين تقارن وتستنتج
ثالثاً : الأدب مفتاح الفهم لكل نص من النصوص المتحررة طيب نربط أزاي بينه وبين النص المتحرر ؟
هقولك السر هنا في النص المقرر من الوزارة ده مينفعش أنك تهمله خااالص مثلا نص غربة وحنين لشوقي النص ده يعتبر بمثابة الأم لكل النصوص المتحررة علي نفس المدرسة يعني لما تيجي تذاكره والكلام ده تطبقه علي أي نص عندك مقرر هتعمل التالي 👇
تفهم الأول أيه اللون الأدبي ثم أتجاه الشاعر ثم التجربة الشعرية وعناصرها وتطبقها علي النص والكلام ده هتلاقيه في التعليق العام علي كل نص
ونقطة مهمة تانية ألا وهي القديم والجديد عند كل شاعر يعني هو حافظ علي أيه وجدد وطور في أيه مثلا عند شوقي هتلاقي القديم عنده ..
البدء بالبيت المصرع .. مخاطبة الصاحبين
مناجاة السفينة .. المعارضات الشعرية
الأكثار من الصور البيانية القديمة...  وغير ذلك أيضا
والجديد عنده ...
أنه وصف المخترعات الحديثة والمنجزات العصرية زي السفينة والطائرة .. واتجه كمان اتجاه إسلامي في بعض قصائده .. وعدل من المدح إلي التاريخ هتلاقي الكلام ده لما بيكلم عن قصيدة توت عنخ أمون ولا كليوباترا ولا وصف الحضارة القديمة الفراعنة ... غيره أيضا
أهم حاجة بقي أنك تكون فاهم الأبيات بتدور عن أيه من الكلام ده عشان تعرف تختار صح الإجابة بتعتك
رابعاً : النص المتحرر بقي  لزم تبقي فاهم أنه مش صعب ولا حاجة لو مشيت علي خطوات ثابتة معينة وهي كالتالي ...
أولا تقرأ الأبيات كويس جدا جدا
تفهم هي بتدور عن أيه يعني مضمونها
حدد اللون الأدبي وأتجاه الشاعر وعاطفته
حاول تدرج النص تحت مدرسته الأدبية عشان هتساعدك
تذكر بمخك كل شئ يدور علي المدرسة الأدبية
وأنت بتفهم النص حاول تحل تستخرج بعينك التالي ألوان بيانية ومحسنات بديعية ومعنوية ولاسيما بعض المهارات المتضمنة بعلم المعاني زي الإيجاز والأطناب والطباق وأساليب القصر والتوكيد إلي اخره ....
بعد ماتعمل الكلام ده كله هقولك واضمنلك أنك حليت بعض الأجزاء اللي هتندرج تحتها الأسئلة في النص وهيكون سهل عليك تحل الباقي
خامساً : اوعي تحل نص متحرر ابدا وأنت مش فاهم بلاغة ولا أدب لأن النص المتحرر يعتبر بمثابة الكأس الذهبي الذي بداخله أسئلة تخص الأدب والبلاغة ...
يعني لازم تلاقي في النص مش هبالغ لو قلت نص أسئلته تدور حول البلاغة ومدرسته الأدبية
طيب يامستر والأسئلة الباقية حااااضر ركز معايا بقي
سادساً : سؤال المعاني والتضاد والأفكار والعناوين والعلاقات الضمنية وغيرهم ...
دول بقي ليهم ثوابت لوحدهم المفروض أنك طالب نظام حديث تكون فاهمهم من سنة أولي وتانية طيب ولو أنت مش بتعرف تتعامل معاهم هقولك هتلاقي الكثير من الڤيديوهات بتناقش هذه الأجزاء وكثير من الكتب الخارجية شرحت هذه الأجزاء بكذا طريقة كويسة تقدر تفهم بيها أي نص متحرر وهحاول أتكلم عنهم في بوست تاني لوحدهم عشان مطولش عليك
سابعاً : المداومة والاستمرار علي حل الكثير من النصوص المتحررة هو بمثابة تدريبات لك مكثفة حتي تكون متقن التعامل معها يعني متحلش نص ولا اتنين ولا حتي ثلاث نصوص وتقولي أنا كدا تمام غلط نهاااائي لازم تحل كتيييير علي كل مدرسة وهتلاقي كتب خارجية وضعت أكثر من 20 نص متحرر علي كل مدرسة أدبية
ثامناً : استعن بمدرسك الخاص في كل شئ لم تفهمه ولاتنسي أن يكون معك معجم لغوي تقدر تحمله من موبيلك خاص بفهم الكلمات الصعبة في النص
تاسعا: الكسل والطاقة السلبية هما المدمران لكل شئ تم بناؤه فعليك بالتفاؤل وحسن الظن بالله ومتقلقش والله العظيم تعبك مش هيضيع ومش كلامي ده لا ده كلام ربنا فب قوله إنا لانضيع أجر من أحسن عملا .. وخلي بالك هااا من أحسن عملا ..  لسه الفرصة والوقت في صالحك هتقدر
كان الله في العون وبالتوفيق
أستاذ سيد عبدالرحيم

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى