أنا المعلم
اللي ع الجبهة بيحرس صنع إيدي
واللي بيبرأ ويحبس صنع إيدي
واللي بيخطط ويرسم صنع إيدي
واللي ع الكرسي بيحكم صنع إيدي
أي دكتور أو محامي
اي ضابط او مهندس
كل دا كان يوم بيدرس تحت ايدي
انا اللي شايل فوق كتافي حلم جيل
انا اللي شايل فوق كتافي اي جيل
انا اللي بهتف طول حياتي تحيا مصر
في كل فجر وكل ضهر وكل عصر
في كل فرض وكل شفع وكل وتر
والمقابل الف شكر الف ملطوش كل شهر
بييجوا ضهر ويطيروا عصر
طب والزيادة حين يسر عايزة صبر
انا المعلم اللي منهوبة حقوقي
والكل فوقي وانا اللي تحت
من كلمات الشاعر / وائل مخيمر محمود
إهداء إلي معلمي مصر