الدكتور طارق شوقي وزير التعليم قال أكثر من مرة، إن الامتحانات إلكترونية، ولن تكون ورقية، فلماذا تمت مخاطبة المديريات بسرعة تسجيل المرشحين في مراكز توزيع الأسئلة.. ومراكز توزيع الأسئلة دي بتكون موجودة في الامتحانات الورقية فقط.. الوزير قال أسئلة الامتحانات هتكون إلكترونية وهتظهر للطالب على التابلت وهو داخل اللجنة ومش هيكون فيه أي تعامل ورقي أو تدخل بشري.. طب ليه بتخاطبوا المديريات التعليمية علشان "مراكز توزيع الأسئلة الورقية" اللي كلها تدخلات بشرية؟.
هل هناك نية لعقد امتحانات الثانوية العامة ورقية مش تابلت؟. لو كانت الإجابة بـ (لا)، فما أهمية وجود مراكز لتوزيع كراسات الامتحانات في كل مديرية؟. لو كانت الامتحانات ورقية لماذا لا نقول ذلك بوضوح.. هل مراكز توزيع الأسئلة الورقية تخص طلاب المنازل والراسبين من العام الماضي اللي مش معاهم تابلت؟. لو كانت الإجابة بـ(نعم) ليه الوزارة قالت أكتر من مرة إن الامتحانات إلكترونية لجميع الطلاب بلا استثناء لتحقيق العدالة وتكافؤ الفرص.
مجرد أسئلة تبحث عن إجابات منطقية.