قواعد نطق الانجليزي.. ازاي تحسن مهارة الـ writing

استعرض الموضوع السابق استعرض الموضوع التالي اذهب الى الأسفل

13012021

مُساهمة 

. قواعد نطق الانجليزي.. ازاي تحسن مهارة الـ writing




قواعد نطق الانجليزي.. ازاي تحسن مهارة الـ writing 82706810
قواعد نطق الانجليزي
ازاي احسن مهارة ال writing
1- متستخدمش اختصارات على الاطلاق ,, متكتبش don't لا اكتب do not او اي اختصارات ابدا
2- متستخدمش there is / there are فى جملتك خليك محدد انت بتتكلم عن مين وذكره مباشرة
ex. There are many issues that teachers face it at schools
الصح انك تقول علطول
ex . Teachers face many issues at school
3- فى بعض الكلمات بتضعف الكتابة عندك حاول تتجنبها زي a lot/ so / very / rarely
الحل انك تستعيض عنهم بالمقابل ليهم فى المعنى
ex. Many students think English Is very hard Language
الحل هنا اتك تحذف very hard وتستخدم مثلا difficult
ex. Many students think English is difficult language
4- حاول على قد متقدر بلاش تستخدم المبنى للمجهول فى كلامك استخدم دايما المبنى للمعلوم لان فى الكتابة احنا بندي معلومات للقارئ مش بنخبى عليه ^^
ex . This homework is written by Mostafa
الصح انك تستخدم المبنى للمعلوم هنا مباشرة
ex. Mostafa wrote this homework
5- الله يرضيك استخدم بقى جمل قوية فى المعنى خصوصا الفعل والله دا هيبان انك حد فاهم جدا مثلا
ex . He gave a hand for his friend
خليها
ex. He helped his friend
6- ضروري جدا جدا تستخدم مصطلحات الى هى ال idioms بس متكترش منها عشان ميبانش انك حافظ استخدم اللى يخدم المعنى ويكون شائع كمان
ex . He is a good egg
يعنى هو شخص محترم ^^
7- استخدم الافعال الاصطلاحية دي مهمة جدا ال هى phrasal verbs
ex. He gave up smoking
يعنى اقلع عن التدخين
8 - ودي نقطة فى غاية الاهمية فعلا استخدم بقى المترادفات والمتضادات دي بقى هتخليك برنس فى الكتابة اه والله فعلا ^^ المترادفات دي بقى هى ال Synonyms , والمتضادات هى Antonyms
يعنى بدل متقول important ممكن نقول critical او serious او urgent زي متحب بقى
وبالنسبة للمتضادات بقى ممكن تكتب useless او unnecessary او worthless
9- بلاش ضماير شخصية والنبي يعنى انسي I او WE الا بقى لو هتتكلم عن انجازات وحضرتك كنت شاركت فيها
10 - حاول دايما كتابتك تكون مباشرة يعنى زي مبيقولوا فى الانجليزي to the point وبلاش ارجوك بقى المقدمة بتاعت ثانوي دي اللى كل المدرسين بيكتوبها عشان العيال ياخدو درجات عليها لو انت عاوز تكتب فعال كتابة اكاديمية خليك direct
11- لو ذكرت مثلا اسم شخص كاتب او عالم او رئيس او اي مكان ضروري تعرفه ,, يعني ذكرت مثلا نجيب محفوظ يبقى بين قوسين كدا تكتب كاتب مصري ادبي مشهور ,, القارئ مش هيستنى يبحث عن كل شخص لا خليك جدع بقى وعرفله الناس اللى انت بتكتب عنهم او بتذكرهم
12- علامات الترقيم ,, متسناش هقولهالك تانى ,, علامات الترقيم ,, مهمة جدا جدا جدا اعرف استخدامتها امتى وازاي لان بتغير معنى الجملة والله بص كدا
ex. Let's eat grandma !!
معناها انك عاوز تاكل جدتك ^^
ex. Let's eat, grandma
معناها يلا ناكل يا جدتى
شوفت بقى ال comma أنقذت حياة جدتك ازاي ^^
13 - اخر نقطة ودي مهمة جدا ,, خليك واقعى فى كتابتك بلاش الخيال العلمى الاوفر ها ,, يعنى عشان القارئ ميملش منك لو عندك رأي لازم تقنع القارئ بالادلة وتسيبيه اما يقتنع او لا بقى مش مهمتك ,, ركز فى الموضوع اللى بتكتب فيه ومتخرجش برا الموضوع الا لو حابب تذكر حاجة ليها علاقة بالموضوع اللى بتكتب فيه ^^

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى