مدرس اون لايندخول

بتذاكر وبتنسي! مش عارف ازاي تذاكر ولا تثبت المعلومة ازاي؟ ولا ازاي تذاكر صح ؟.. حلول مهمة لكل الطلاب

11122020
بتذاكر وبتنسي! مش عارف ازاي تذاكر ولا تثبت المعلومة ازاي؟ ولا ازاي تذاكر صح ؟.. حلول مهمة لكل الطلاب

بتذاكر وبتنسي! مش عارف ازاي تذاكر ولا تثبت المعلومة ازاي؟ ولا ازاي تذاكر صح ؟.. حلول مهمة لكل الطلاب Hqdefa24
بتذاكر وبتنسي؟!!! مش عارف ازاي تذاكر ولا تثبت المعلومة ازاي؟!!! ولا ازاي تذاكر صح ؟؟ تعالي معايا كده وركز وهتعرف باذن الله
ايه الفرق بين المذاكرة العادية و المذاكرة صح ؟؟
-- الفرق كبير اوي بينهم..... لأنك لو ذاكرت صح , فمش هتنسي بسهوله غير نادر جدا جدا وكذلك وقت المذاكرة بيكون قليل وعشان تحقق ده في شوية خطوات كده لازم نتبعهم ركز معايا كده يلا نبدء

اولاً : لازم تعرف قيمة المذاكرة كويس وايه لازمتها... ( المٌذاكرة مش انك تحفظ و تسمع!!! المُذاكرة يعني فهم حقائق و معلومات .. لازم تدرك ان الحاجة اللي بتذاكرها دي هتنفعك باي شكل من الاشكال ف يوم ما.. و ان منفعتكش  ف الحياة العملية ف اكييد هتستفاد منها ف حياتك الشخصية و زيادة مستوي ذكائك وادراكك)
 ثانياً : استمتع وانت بتذاكر   ( يعني لو احنا عندنا الدراسة عبارة عن " رغي ومش فاهم حاجة" غير ده.... عندك الانترنت .. اعمل search علي كُل موضوع ف مذاكرتك .. هتستفيد اكتر وهتلاقي حاجات اكتر في ابحاث و فيديوهات و امثلة و تجارب وحاجات تانيه كتيييير ممتعة وبكده زود معرفتك وزلت عنصر الملل)

 ثالثاً : نظم وقتك ( سيبك من مذاكرة ال6 ساعات دول مفيش حاجة كده وعقلك مش بيستوعب المدة دي كلها!!! ف ابدأ حط خطة من دلوقتي .. هتذاكر ايه يوم ايه وحدد مدة لده وكمان مدة ال Break هتكون قد ايه  ومش تنسي وقت المراجعه عشان تتأكد من اللي ذاكرته)

 رابعاً : ذاكر بس لمدة 45 دقيقة و خد Break لمدة 15دقائق .. عشان ده الوقت الل عقلك هيتحمله ولو ذود فانت بضيع اللي ذاكرته والمعلومات هتبدء تتنسي تاني وافضل بالنظام ده الحد ما تخلص الجزء اللي عليك

خامساً : سيبك من مذاكرة السرير الشقة واسعه وبتاعتكم مش بتاعت الحيران يعني وفيها كذا مكان غيره!!! السرير دة اكتر حاجه هتفصلك عن التركييز!! وتضيع كل اللي بتعملوا.. دور ديماً علي مكان مريح ومش مناسب للنوم كذالك وحبذا لو مكتب او كرسي و الاضاءة فيه كويسة

 سادساً : اكتب كل الحاجات الي شاغلة دماغك ف ورقة واللي بتعطلك عن المذاكرة وبعدين قطعها وارميها مش هتيجي في بالك تاني غير نادر جدا..

 سابعاً : ابدأ دايماً اعمل Notes فيها اهم المعلومات الي وصلتلك ( و الي ف الاغلب بتيجي ف الامتحان )ودي عن تجربه من شخص عظيم

 ثامناً : ابدأ باكتر حاجات مهمة حتي لو صعبه  قبل ما تستهلك طاقتك الذهنية و البدنية في الحاجات التانية

 تاسعاً : جمع معلومات الموضوع الواحد مع بعض بحيث مش تنسها بسهوله وتكون مترابطه

عاشراً :نام بقي ... لأ تعالي مش دلوقتي قصد نام وقت كافي و بالذات ف الايام بتاعت الامتحانات عشان تبقي مركز ب اكبر قدر ونشاط

رايح فين تعالي لسه مخلصتش كلام ما تنساش حديث الرسول عليه افضل الصلاه والسلام
عن أبي الدرداء رضي الله عنه قال سمعت رسول الله صلى الله عليه يقول(من سلك طريقا يبتغي فيه علما سهل الله له طريقا إلى الجنة وان الملائكة لتضع أجنحتها لطالب العلم رضى بما يصنع وان العالم ليستغفر له من في السماوات ومن في الأرض حتى الحيتان في الماء وفضل العالم على العابد كفضل القمر على سائر الكواكب وان العلماء ورثة الأنبياء وان الأنبياء لم يورثوا دينارا ولا درهما وإنما ورثوا العلم فمن أخذه اخذ بحظ وافر)
اجتهد واسعي وهتوصل بإذن الله
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى