مدير مدرسة بفيصل: ولي أمر ضربني وكسر لي الترقوة واخواته كسروا المدرسة.. وأولياء أمور يتهموه بالكذب

استعرض الموضوع السابق استعرض الموضوع التالي اذهب الى الأسفل

19102020

مُساهمة 

. مدير مدرسة بفيصل: ولي أمر ضربني وكسر لي الترقوة واخواته كسروا المدرسة.. وأولياء أمور يتهموه بالكذب




مدير مدرسة بفيصل: ولي أمر ضربني وكسر لي الترقوة واخواته كسروا المدرسة.. وأولياء أمور يتهموه بالكذب 51171
مدير مدرسة بفيصل: ولي أمر ضربني وكسرلي الترقوة واخواته كسروا المدرسة
------------------------
قال خالد فاروق مدير مدرسة فضل الحديثة بفيصل، إن هناك ولية أمر جاءت صباحا اثناء دخول المدرسة كما أننا قمنا بتقسيم الطلاب على
الفصول وفصلنا الأولاد عن البنات تخوفا عليهم من إصابات فيروس كورونا .
وأضاف فاروق خلال مداخلة هاتفية في برنامج راى عام المذاع علي قناة تن، أن هذا التنظيم لم يعجب بعض أولياء الأمور وبناء على ذلك قمت بالدخول إلى الفصول وقلت لهم ان اي طالب يريد التحويل لفصل آخر سنقوم بعمل ذلك لراحتهم النفسية.
وأوضح فاروق ، أن مدرسة الفضل قطرها 1000 متر وتطل علي 7 او 8 شوارع ولها 14 بابا وكان من الضروري عدم دخول أولياء الأمور حتى لا يحدث تكدس.
وتابع ان كل مرحلة تعليمية تدخل من باب مخصص لها بعد ذلك جاءت احد اولياء الامور وقالت ان منزلي امام المدرسة لماذا اقوم بالدخول من باب آخر ورفضت ذلك الأمور، وبعد ذلك أرسلت زوجها الساعة 12 ونص واعتدى عليّ ما ادي الي كسر الترقوة، وبعد ذلك جلب اخوته وقاموا بتكسير المدرسة.

وقد كذب اولياء الامر كلام مدير المدرسة وكان ردهم كالتالي:

Gaming 12

كداب انت شتمت ولية الأمر و مديت ايدك عليها و هي اتصلت بجوزها و انت اللي ركبت على ضهره و هو وقع فوق منك و دا اللي شافوه أولياء الأمور و اللي جابته الكميرات

Gaming 12

فعلا طردو الطلاب من الفصول من اول اليوم في اول يوم دراسي لأنهم لم يسددو المصاريف و حجزوهم في معمل الوسائط بعد ما تطاولو عليهم بالشتائم و زملائهم اتصلو على اهلهم و هو دا اللي صعد المشكله

Shaimaa Yonis

كذاب كذاب كذاب اللي حصل ده بسبب تطاوله علي اولياء الامور المستمر وطود الاولاد من الفصول ونقل الولاد من فصولهم لعدم دفع المصاريف ورفض الاداره تسليم الكتب الا بهد دفع القسط الاول بالكامل واسهل كلمه خدوا ولادكم انقلوهم مدرسه تانيه لو مش عاجبكم

Sally Shaheen

محصلش الولاد اتطردو وفى تسجيلات بين الولاد وأولياء أمورهم بسبب المصروفات واهم حاجة المصلحة المادية والطالب فى داهيه والفصول فيها تكدس 27/30طالب والكتب اتحجبت عشان المصروفات

الدين والحياه

كداب. ربنا ينتقم منك يا خالد فاروق

Om Ahmed

طبعا كل كلامه مش حقيقى والفيديوهات موجودة والمدير والأمن اتجمعوا على ولى الأمر وضربوه ضرب شديد وكل ده بسبب ديكتاتورية وعناد وعدم احترام المدير لأولياء الأمور دائما ونثق فى العداله والقضاء المصرى فى انصاف المظلوم وردع الظالم

Alaa Elsayed

لو انتوا قناة محايدة كنتوا جيبتوا أولياء الأمور برضوا

Mero Gamal

ايه الكذب ده بسبب المصاريف المدرسه والولاد

Om Ahmed

يعنى تطرد الاولاد اللى مادفعوش المصاريف من الفصل وتشتمهم وانت اللى مدى أوامر للموظفين يعملو كده ولما ولى الأمر اتدخل عشان ولاده شتمته وزقك روحت انت وكل الأمن نازلين عليه ضرب ماتعرضو الفيديو وتشوفو بنفسكم المدير ضرب ولى الأمر ولا كأننا فى الشارع ودلوقتى عامل نفسه مريض هو فيه مدير يضرب ولى أمر بوحشيه فى مدرسه انت كده عايز تعلم الطلاب البلطجه انت ماينفعش تكون مدير وياريت القضاء المصري يتدخل

Om Ahmed

الموظفه اللى بتقول انك جازيتها عشان طردت الاولاد انت اللى قايلها تعمل كده كفاية كدب الفيديوهات واضحه انت لازم تتحبس

Anaheed Alaa

حسبي الله ونعم الوكيل

Mohammed Elhadafd

كله كذب وافتراء

Om Ahmed

بأى حق بتقول هتفصل الطالب انت بتكدب الكدبه وتصدقها

جنا جنا

اولا حضرتك كعلامي المفروض متجبش وجهه النظر من طرف واحد تانيا الكلام ده غير صحيح والفيديوهات موجوده اللي بتبين أن المدير التربوي كان بيضرب وعشان كده الراجل وقع عليه وهو بيحول يشيله عشان احنا كنا في حلبه مصارعه مش مدرسه للاسف وإذا كان والي الأمر اعتدي علي المدير من غير سبب عشان هو مجنون مثلا كان المفروض أن المدير ده راجل تربوي ومقدر للموقف انوا داخل مدرسه ويرعي شعور الطلبه وميحولش الموضوع لخناق شوارع ويعتدي هو كمان و معها أفراد الأمن علي ولي الأمر ياريت تحولوا تكونوا حياديا وتعرضوا الموضوع بما يرضي الله مش شو إعلامي وخلاص ومينفعش حضرتك تقول همشي الولد من المدرسه عشان هي مش مدرسه حضرتك ده صرح تعليمي

Rody Dody

كذاب كذاب كذاب كذاب وفي فيديو مصور كل حاجه وهو اللي جه من ضهره ومسكه فالراجل وقع علي ضهره عليه وهو ماسكه وكنان كل سنه كل الطلاب بتخرج من باب كعابيش الضيق اللي مليان تكاتك وعربيات وزحمه

Mai Soliman

راجل كداب عيب عليك انت راجل كبير

mary stars

نفسي وكيل نيابة ضميره حي يحقق في القضية دى وهوا من فيديوهات الريسبشن اللي موجوده في المدرسة هيشوف مدير المدرسة ازاى مسك ولى الأمر من ظهره ووقعة على الارض ولى الأمر جسمة كبير وقع فوق المدير فحصل الكسر فعلا اكتر من ولى أمر بيشتكى من طريقة تعامله السيئة مع اسألوا أولياء الأمور لو عاوزين تعرفوا الحقيقة

Shaimaa Wagdy

كدااااب والموضوع مش كده هو بيلم فلووس وأسلوبه وحش جدا وبيقول إللي مش عاجبه عندكم 14باب وهرميلكم ملفاتكم في الزباله ومش أول مرة يحصل الكلام دا حد ينزل المدرسة يشوف الوضع

Naglaa Ahmed

انت كداب الموضوع كله مصروفات

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى