مدرس اون لايندخول

مديرة مدرسة عمر مكرم: المحافظ تحدث معى بأسلوب مهين وطلب منى اخلع الشباك وانا معرفتش اقوله حاجة

مديرة مدرسة عمر مكرم: المحافظ تحدث معى بأسلوب مهين وطلب منى اخلع الشباك وانا معرفتش اقوله حاجة Maxres15

قالت كريمة محمود إبراهيم مدير مدرسة عمر مكرم الإبتدائية «المحافظ أهاننى دون أن يعطينى فرصة أتكلم وأشرح إيه اللى بيحصل في المدرسة احنا مافيش عندنا عمال وبنأجر العمال على حسابنا والمدرسين بيشتغلوا بإيديهم وقمنا بدهان الاربع ادوار بالمدرسة وكان العمل مستمر ولو المحافظ زار المدرسة اول يوم دراسة كان هيشوف الفرق وهيعرف اننا كنا شغالين لكنه زارها وقت الشغل وكان لسه 3 ايام بنشطب فيهم التنظيف»

وحول واقعة شباك الألوميتال قالت«يوم زيارة المحافظ كنت بأنقل رياض الأطفال في الدور الثانى لأن القاعة بتاعتهم حصل فيها هبوط ارضى من جانب الجدار وكمان فصلهم ضلمة بخلاف انهم قريبين من طلبة المدرسة المهنية وكان بيحصل مضاياقات منهم للأطفال العام الماضى فكلمت مسؤولة رياض الأطفال بالإدارة وطلبت منها اننا ننقلهم للدور الثانى علشان المكان نظيف ومغلق ببوابة عن طلبة المهنية ووافقت وكنا وقت وصول المحافظ بننقل فإعترض وتحدث معى بأسلوب مهين وطلب منى اخلع الشباك وانا معرفتش اقوله حاجة»

وإنهارت وهى تقول«أنا مدرسة لغة عربية ومربية أجيال وسبق وحصلت على شهادة تقدير من وزير التربية والتعليم والمحافظ السابق كرمنى ولم اتوقع أن تكون هذه هي المعاملة التي أتلقاها من المحافظ واحنا بنلم فلوس من جيوبنا علشان ننظف المدرسة وبتبقى اول يوم دراسة زى الفل وبعد اللى حصل مش عارفة هأقابل تلاميذى إزاى ولا هتعامل معاهم إزاى بعد ما شافونى بتهان كده»

remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى