مدرس اون لايندخول

لطلاب الثانوية الأزهرية.. كلية طب أسنان "تفاصيل"

22082020
لطلاب الثانوية الأزهرية.. كلية طب أسنان "تفاصيل"

كلية طب أسنان الأزهر
في البداية احنا عندنا كليتين طب اسنان في جامعة الأزهر وحدة القاهرة ووحدة اسيوط والدخول بيكون علي حسب المجموع % مش التوزيع الجغرافي🇪🇬 كما هو الحال في الجامعات الحكومية فأنت لو مجبتش مجموع القاهرة بتروح اسيوط وتقريباً بيكون الفرق بينهم قليل يعني حوالي نص في الميه كده.
نيجي بقي علي الكلية ونظامها الكلية عندنا 6 سنوات سنة منهم تسمي إعدادي أسنان ودي اتلغت في الجامعات الحكومية بس في الأزهر لسه موجودة في السنة دي بندرس مواد من كلية العلوم زي علم الحيوان والنبات والكيمياء والفيزياء والحاسب الالي وبما اننا هندرس مواد علوم فيبقي لازم نقعد في علوم ، فأول سنة دي بتكون كلها في كلية العلوم مش بنروح أسنان غير في التقديم والمفاجأة بقي ان السنة دي مش بتنضاف علي التقدير العام بعد ما نخلص السنة دي بندخل بقي علي التخصص ودولخمس سنين  منهم دراسة و اسمها سنة الامتياز ودي بتكون كلها في العيادات ومفيش فيها دراسة نيجي بقي علي الأربع سنوات التي تسبق سنة الامتياز ودول بندرس فيهم مواد من طب الأسنان ومواد من الطب البشري بس بيكونوا مختصرين شويه يعني مش بتدرس نفس الكم الي بيدرسة الطبيب البشري وكل لما بنكبر مواد بشري بتقل ومواد أسنان بتزيد أول سنتين منهم اسمهم ال preclinical يعني ما قبل العيادات ودول بيكون النظري فيهم اكثر والعملي بيكون علي أسنان صناعية وبتعمل الشغل الي بيعمله المعمل مش الي انت بتعمله في العيادة والسنتين الباقين اسمهم clinical ودول فيهم بنبدأ بقي ننزل العيادات وننفذ الي اتعلمناه قبل كده والكلية بعد ما تتخرج بيحق ليك تفتح عيادة من غير ما تحضر ماجستير كما هو الحال في الطب البشري بس ممكن بتتحتاج تاخد كورسات في حجات مهمة زي التقويم والزراعة لأن دول مش بتدرس حجات بسيطة منهم في الكلية ومش بتشتغلهم كتير.
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى