كليه علوم ذوي الاحتياجات الخاصه.. أول كليه في مصر والوطن العربي

استعرض الموضوع السابق استعرض الموضوع التالي اذهب الى الأسفل

18082020

مُساهمة 

. كليه علوم ذوي الاحتياجات الخاصه.. أول كليه في مصر والوطن العربي




 كليه علوم ذوي الاحتياجات الخاصه.. أول كليه في مصر والوطن العربي 450
يعني اي كليه العلوم لذوي الاحتياجات الخاصه ؟!
لو حابب تدخلهاا يبقي لازززززم تكمل الكلام للاخر  
تفاصيل أول كلية لتخريج أخصائى "علوم ذوى الاحتياجات الخاصة"
اول كليه في مصر وفي الوطن العربي كمان
 يعني كليه من الاخر كده فريده من نوعها واول كليه في المجال ده وبعدها على طول جت كليه الزقازيق وبرده هم الاثنين نفس مجال يعني في البدايه كده هتدخل الزقازيق هتدخل بني سويف ف الهدف  واحد هو مساعده ذوي الاحتياجات الخاصه✋🏻 و مجالك واحد هو الشغل تبع  برضوا ذوي الاحتياجات الخاصه  
وهي كمان كليه متخصصه بتاخذ منها بكالوريوس وممكن تكمل دراسات عليا وكمان توصل لمرحله الدكتوراه عشان هي هدفها اعداد كوادر بشريه تعرف تشتغل كويس قوي قوي في المجال ده
بعد كده بقى ندخل في اهم نقطه بتهم اي حد  الكليه دي اقسمها ايه تخصصاتها ايه هطلع منها ايه ؟!  
الكليه دي بتهتم جدا في الاعداد الاكاديمي والمهني للعمل في مهنه التعليم لذوي الاحتياجات فمن ضمن التخصصات اللي انت هتبقى عايز تختارها  بتختار لغه عربيه ، لغه انجليزيه او دراسات  او العلوم،  وعلي فكره انت هتختار اي ماده من المواد دي على حسب انت حابب اي  اكثر فيها  ما فيش حاجه احسن من حاجه بس تخصص العلوم مش متاح لادبى 
ثاني تخصص للكليه تخصص الاعاقه  :-
وده بقى ما تقلقش منه احنا  هنحددهم في سنه ثانيه يعني هتكون فهمت عن كل اعاقه شويه فمن خلالها تقدر تحدد انت حابب تدخل اي اعاقه منها ومن الاعاقات دي (الاعاقه العقليه و الاعاقه البصريه و الاعاقه السمعيه في اضطراب التوحد في اضطراب  اللغه والتخاطب صعوبات التعلم ، الموهبه ) وفي قسم كده اسمه الاجهزه التعويضيه بس ده بقى في برنامج الدراسات العليا  وطبعا اختيارك للاعاقه اللي حببهاا متوقف ع ال GPA بمعني مجموعه لسنه اولي ف تشد كدا وتجيب حاجه كويسه عشان تختار ع راحتك
*ملحوظه مهمه* الكليه ٢٠١٩ خدت ادبي ٩٢.٧  و ٩٣.٥ علمي وطبعا ده مش مقياس ع السنادي يمكن تقل او تزيد وده اللي بيحدده التنسيق
طب ايه هي بقى لغه الدراسه في الكليه ؟! ما تخافش اللغه العربيه بس يعني في بعض المواد يتم تدريسها باللغه الانجليزيه وكمان هتدرس بعض المواد بالانجليزي لو انت دخلت قسم انجليزي.
طب واهم حاجه بقى لازم نعرفها؟! ان نظام الكليه مش زي اي نظام ده نظام اسمه الساعات المعتمده يعني عباره عن محاضره نظريه مدتها ساعه واحده او ساعتين  ولو حابب تعرف يعني ايه النظام ده اعمل سيرش عنه هتفهم اكثر وبرده نقطه مهمه بيتم حساب التقدير بنظام الساعات المعتمده مده الدراسه :- الكليه اربع سنين ب يتم قبول الطلاب العلمي والادبي وبرده الكليه عامله حاجه حلوه قوي ان هم بيقبلوا ذوي الاعاقه البصريه في قسم الاعاقه البصريه بس ود بعد موافقه مجلس الكليه  
وايوه كليه تقبل الطلاب الوافدين من البلاد العربيه وعادي ممكن تسدد الرسوم باي عمله اجنبيه
المسمي التخرج :- بكالريوس علوم ذوي الاحتياجات تربوي (الماده ) اعاقه (ونوعها)

وده فيديو بيلخص الكلام ده

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى