كلية العلاج الطبيعى ...
تعالوا ف البداية نلقى نظرة على المهنه نفسها
المهنه مش مستحدثه بل على النقيض خالص هى من زمان جدا مم أيام الفراعنة ... وجدعوا نقاشات على جدران بعض المعابد بتوضح ازاى كان بيستخد الفراعنة العلاج الطبيعى واستخدام ضوء الشمس والمياة ف العلاج ..
لو اتكلمنا بقى ع التاريخ الحديث فهى صُنفت عام 2015   ف مجله U.S News على انها رقم ٦ من افضل المهن على مستوى العالم ...
=نخش على الدراسه ع طول نخش بقي  
بص يا كبير هى فيها محتوى شبيه بمحتوى طب بشرى من حيث المواد ( بتدرس بقى هستولوحى وفسيولوجى وبيو كميسترى واى حاجه اخرها لوجى ف الاخر *المواد دى بتدرس فيها تفاصيل الجسم البشرى* ) بالإضافه للتخصصات المتفردة بيها كلية العلاج الطبيعى
الدراسه ف الكلية بتكون ٥ سنين + سنة امتياز
= طب اى التخصصات ؟!
ف اقسام كتير ف علاج طبيعى منها نساء توليد وعظام واعصاب وشيخوخة واطفال ...
زى اى الاقسام !
قسم العلوم الأساسية للعلاج الطبيعى
قسم الميكانيكا الحيوية
قسم العلاج الطبيعي لأمراض النساء و التوليد وجراحتها
قسم العلاج الطبيعي لأمراض النساء و التوليد وجراحتها
قسم العلاج الطبيعي للجراحة والحروق والتجميل
قسم العلاج الطبيعي لاضطرابات الجهاز العضلي والحركي
قسم العلاج الطبيعي لأمراض الأطفال وجراحتها
وعلشان تعرف اكتر عن دور دكتور العلاج الطبيعى شوف الصور ال ف الكومنتات 
= طب بقولك اى هخلص وهشتغل ولا اى الدنيا ؟
بص يا وحش الشغل دة بيعتمد ع مدى تميزك واجتهادك + علاقاتك 
بس احب اقولك ان عدد كليات العلاج الطبيعى ف مصر ١١ كلية بس منهم ٤ حكومى و ٧ كليات ف جامعات خاصة ففرصتك للتميز موجودة باذن الله بس اجتهادك انت بس 
اى الجامعات 
(الجامعات الحكوميه )
1- جامعة القاهره
2- جامعة كفر الشيخ
3- جامعة بنى سويف
4- جامعة جنوب الوادى
(الجامعات الخاصه )
5- جامعة السادس من اكتوبر
6- جامعة مصر للعلوم و التكنولوجيا
7- جامعة فاروس بالاسكندريه
8- الجامعه الحديثه _المعادى
9- جامعة الدلتا للعلوم و التكنولوجيا - جمصه
10- جامعة بدر
11- جامعة درايه - المنيا