كلية تربيه طفوله جامعة القاهره.. كل المعلومات التى تريد معرفتها

استعرض الموضوع السابق استعرض الموضوع التالي اذهب الى الأسفل

13082020

مُساهمة 

. كلية تربيه طفوله جامعة القاهره.. كل المعلومات التى تريد معرفتها




كلية تربيه طفوله جامعة القاهره.. كل المعلومات التى تريد معرفتها 41344
كلية تربيه طفوله جامعة القاهره
سابقاً كان اسمها رياض أطفال، المعظم مش عارفينها اوي بس  فاتوهم كتير تعالو نتعرف عليها
كليه عمليه ومعتمده ليها أهداف كتيره جداً وبتتعلمي منها وهتستفادي كـ معلمه وأم، هتتعلمي من أقسامها انك ازاي بتتعاملي مع فكر ودماغ الطفل وانك ازاي تنوعي في طريقة شرحك للأنشطة، هتتعلمي ازاي تتعاملي مع الطفل في إطار التعليم والمرح، وانك تشاركي الطفل في حياته الورديه البسيطه وتكوني مصدر أمان وثقه ليه وتكوني للطفل صديقه  وام واخت هي الكليه كل نشاطها عملي لان دي الوصله اللي بتقربي بيها للطفل للتعامل معاه زي مـ سبق وقولنا تعالو نتعرف علي اقسامها
كلية بتشمل اربع اقسام كل قسم من الاقسام الاربعة مهم جداً
اولا: قسم رياض اطفال عربي / القسم ده مهم جدا بيضم الاطفال من سن 6:4 سنوات بتدرسي في القسم ده  المداخل التربوية وعلم نفس اللعب للطفل والانشطة وحقوق كل طفل الخ قسم لذيذ جداً !
* هتتخرجي علي خير هتبقي معلمة رياض اطفال عربي هتشتغلي في مدارس ناشونال او خاص زي ماتحبي نفس القسم دا قسم انجليزي وده تاني قسم : هتاخدي نفس المواد بالانجليزي / والانشطة هتدرسي بردو الانشطة الممتعة من جيم متتخضيش الجيم لذيذ اوي هتستمتعي فعلا حاجة جميلة جداً عشان تكتسبي اللياقة البدنية
هتدرسي الموسيقي وهتستمتعي جدا في درستها مش قلتلك كلية لذيذة وهتفيدك في حياتك  وهتتخرجي علي خير من قسم انجلش هتبقي معلمة رياض اطفال انجليزي هتشتغلي في مدارس انترناشونال او لغات او خاص عادي جدا
ثالث قسم  التربية الخاصة: من اروع الاقسام واصعبها مش اوي طب ازاي اروع واصعب ، تعالي ببساطة شديدة اروع الاقسام لانك هتتعملي مع ملائكة الارض ، اللي هما ذو الاحتياجات الخاصة هتدرسي في القسم دا التوحد واطفال داون اللي هما تحت الاسم العام "الطفل المغولي"، وهتدرسي انشطة لصعبات التعلم والتخاطب قسم جميل جداً جداً وممتع جداًهتدرسي  فية الطفل العادي وذو الاحتياجات الخاصة ولذلك هو صعب شوية بس جميل هتتخرجي منو اخصائية وعلي حسب مـ تتخصصي عايزة تستمري صعوبات تعلم ولا تخاطب هتكوني اخصائي تخاطب او تعلم ، تشتغلي في مراكز او مدارس لذو الاحتياجات الخاصة،
واخيرا : قسم حضانة / وهو بيشمل الاطفال من سن الميلاد:4 سنوات قسم جميل بردو هتدرسي فية الانشطة اللي هتتعملي بيها مع سن الميلاد حتي اربع سنوات هتتخرجي هتشتغلي في نرسنج كويس وحلو او حضانة عادية الاقسام شيقة جداً بس خدي بالك الكلية علي قد ما هي جميلة وهتفيدك ع قد ما مصارفها كتتير ومشارعها مكلفة جداً جداً بس طبعاً انت وشطارتك وتقديمك للمشروع
واهلاً بيكي معانا في كلية التربية للطفولة المبكرة جامعة القاهرة

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى