الأسئلة دى ناس كتير بتسألها الفترة دى 
ركزوا معايا

1- بدايــــــة المرحلة الأولى يوم كام ؟
المرحله الاولى يوم 22/8

2- نهاية أختبار القدرات أمتى ؟
يوم 20/8

3- نهاية التظلمات أمتى ؟
يوم 20/8

4- لو جالى درجات فى التظلم أعمل اى ؟
لازم تروح الكنترول على طول ومعاك أستماره الدرجات علشان يتم التعديل

5- طب كتابه الرغبات غير التنسيق ولا اى ؟
أول حاجة فى المرحله الأولى كتابه الرغبات بتستمر تلاثه أيام بعد كدا يقفل الموقع وننتظهر نتيجه التنسيق ( اللى هو هتقبل فى كلية اى يعنى )
بعد كدا تبدا عملية التحويل وتقليل الأغتراب

6- لازم علشان نقدم فى الكلية ننتظر الثلاثه مراحل ؟
لا بمجرد أنتهاء كل مرحله ومعاك بطاقه الترشيح تقدر تروح تقدم

7- أى هيا بطاقه الترشيح ؟
بطاقه الترشيح دى زى ماقولت هتكتب رغباتك وبعدين نتظهر التنسيق ولما نتيجه التنسيق تظهر هتدخل على الموقع يقول تم ترشيحك للكليه كذا ( اتقبلت فيها يعنى الكترونى ) الورقه دى هيا بطاقه الترشيح تطبعها وتبقى معاك للتقديم

8- المرحله التالته هتبدا بعد الدور التانى ولا قبل الدور التانى ؟
بتختلف من سنه للتانيه فى سنين فتحت قبل الدور التانى للناس اللى مافيش معاها دور تانى وقفلت وفتحت تانى بعد الدور التانى
وفى سنين بتنظر الدور التانى وكله مره واحده

9- طب انا مجموع كبير بس ماجل ماده بكامل الدرجة وكدا هبقى مرحله تالته والمفروض أدخل كليه من المرحله الاولى او التانيه ؟
هتدخل مرحله تالته أه بس هتلاقى عندك فى الرغبات كليات من المرحله الأولى والتانيه حسب مجموعك حتى لو جايب طب

10- ينفع التحويل وتقليل الأغتراب يفتح لمرحلتين مع بعض ؟
اه ينفع وحصلت قبل كدا المرحله الأولى والتانية

11- القاهره والجيزه نظام جغرافى واحد ؟
اه الاتنين نفس التوزيع الجغرافى وبيضموا جامعة عين شمس والقاهره وحلوان

12- طب أنا مواليد 2001 اجيب 2 جند ولا 6 جند ؟ ( للذكور فقط )
الناس اللى مواليد 2001 فيما قبلة لازم تجيب ال 2 جند وال 6 جند دول ضمن ملف التقديم للكلية

13- ال 2 جند وال 6 جند منين ؟
ال 2 جند من مركز الشرطه التابع اللى حضرتك تابع له ( اى حد يجيبها عادى )
ال 6 جند من منطقه التجنيد ( لازم الطالب بنفسه )
محتاج وأنت بتجبهم صوره البطاقه

14- هو انا ينفع أحول من كلية لكلية تانيه .؟
أه حاجة فى أسمها تحويل غير مناظر لما تقليل الأغتراب يفتح
يعنى مثلا من تجاره لحقوق بس شرظ تكون جايب المجموع

15- هو انا لو جبت كلية فى محافظه تانيه يعنى أحول لمحافظتى ؟
أه ينفع ودا أسمه تقليل الأغتراب وكل مايكون مجموعك قريب للمحافظه بتاعتك فرصتك اكبر فى القبول

16- الحد الادنى للمرحله الاولى نزل ؟
لا لسه كل الكلام اللى نازل دا توقعات ومالوش أى أساس من الصحه

17- لازم اكون مقفل الأنجليزي علشان أدخل كليات الأنجليزى ؟
كل كلية بتحط درجه فى الأنجلش يعن مثلا تجاره انجلش متقلش عن 46 مثلا
بتختلف من جامعة لجامعة تانيه طب انت لو جايب 46 وفى ناس جايبه 48 هياخدوا اللى جايبن 48 الاول وبعدين يبصوا عليك :(

18- لو انا واخد الثانوى من محافظه غير محافظتى هدخل التوزيع الجغرافى تبع محافظه اى ؟
محافظه محل الأقامة

بالتوفيق للجميع يارب