مدرس اون لايندخول

عدم قانونية تضمين طوابع بريد او قيمتها من ضمن مستندات التقديم بالمدارس الثانوية بجميع أنواعها

27062020
عدم قانونية تضمين طوابع بريد او قيمتها من ضمن مستندات التقديم بالمدارس الثانوية بجميع أنواعها

عدم قانونية تضمين طوابع بريد او قيمتها من ضمن مستندات التقديم بالمدارس الثانوية بجميع أنواعها Io_aoo95
التفكير خارج الصندوق وحل مشكلة طوابع البريد
بعد نشر المنشور الخاص بعدم قانونية تضمين طوابع بريد او قيمتها من ضمن مستندات التقديم بالمدارس الثانوية بجميع أنواعها وكعلى غير العادة وجدت تعليقات كثيرة ترفض المنشور وتقول كيف للمدرسة ان تدبر الطوابع الخاصة بالإنذارات وبعض التعليقات لم تعرف من الاساس ان هناك بند من بنود الموازنة لكل إدارة تعليمية ويتم شراء الطوابع البريدية الحكومية عن طريق قسم المشتريات بالإدارة وتسلم لمخزن المالي ليقوم بتسليمها للمدارس على حسب الاحتياجات
طيب في فعلا طوابع في المخازن بس احنا مدرسة كبيرة والطوابع لا تكفي لإرسال جميع الإنذارات
طبعا كل اللى حضرتك قلته واللى ما قلتوش مش مبرر ان حضرتك تطلب طوابع بريد من اولياء الأمور وخلى بالك موضوع ان حضرتك ضفت الطوابع مخزنيا والاختراعات اللى الزملاء قالتها في التعليقات لتفادي المخالفة كل الكلام اللى اتقال ما لوش لازمة انت كده حضرتك اثبت فعلا المخالفة حتى لو ضفتها
ازاي لما اضيفها يبقى اثبت المخالفة هاقولك وأجرنا على الله يا استاذنا حضرتك لم يكن معك مستند لجمع الطوابع البريدية وكونك ضفتها ده لوحده اثبات المخالفة بجمع مبالغ او طوابع بريدية دون سند قانوني
طيب ايه الحل بعد الكلام دا كله وهنحل مشكلة الانذارات ازاي
هاقولكم انا باعمل إيه في مدارس وواحدة واحده كده علشان نفكر خارج الصندوق
طبعا هناك نوعين من الطلبة المنقطعين في طالب منقطع انقطاع متصل وطالب منقطع انقطاع منفصل او غير متصل
الطالب المنقطع انقطاع متصل ده هارسل انذارات له عن طريق البريد عادي .
طيب والطالب المنقطع انقطاع منفصل هانعمل معاه إيه
طبعا احنا عارفين ان الانذارات خاصة بالمدارس الثانوية بجميع انواعها
يعنى الطالب كبير مش صغير
ايه رأيكم نشغل الكل يعني ايه شئون الطلبة تعمل الانذارات أصل وصورة وتسلمها للاخصائي الاجتماعي والذي يقوم بدوره بتسليم الطلبة لتوقيع ولى الأمر واستدعائه لمعرفة سبب انقطاع ولده ويا سادة هذه من واجبات الاخصائي الأجتماعي يعني مش بنخترع حاجه جديدة
طيب لو الطالب ولى أمر ما حضرش المدرسة هيوقع على صورة الانذار ويستلم الاصل
طيب افرض ان الطالب هو اللى وقع على الانذار اولا دي مسئوليته مش مسئوليتك وحضرتك تفتكر لو ولى أمر ملاوع مثلا هيستلم الانذار ويعني حتى لو اتفصل ابنه دا كلها ثمانية وعشرون جنية
وعلى العموم ان حضرتك ممكن تتأكد انه استلم الانذار طبعا الطالب هيحضر لك صورة الانذار اطلب منه رقم والده او هخليه يتصل به وكلمه وابلغه بمضمون الإنذار
يا جماعة في حلول كثيرة بس نفكر شوية خارج صندوق الروتين
يا جماعة الموضوع مش سهل ولا حكاية ١٠ جنية طوابع ولا حتى خمسون جنية زي ما وصل في الكثير من المدارس
يا سادة الموضوع لا تستطيع ان تحكمه كيف تستطيع ان تحدد قيمة الطوابع حضرتك بتقول تحسبب عدد الطلبة طيب بالايتام ولا من غير الايتام طيب الفئات المعفاه هتجمع منها ولا لأ مش هاتجمع منهم طيب ليه هما ما بيغيبوش من المدرسة
طيب انا عايز اعرف لو ابن معلم بالمدرسة هتحصل منه الطوابع طيب لو ما حصلتش منه الطوابع بردوا لسه واثق انك هتقدر تحدد قيمة الطوابع علشان تضيفها في المدرسة
اه حضرتك عندك لجنة واثق منها بس بردوا لازم تعرف انه طالما لم يوجد سند رسمى لجمع الطوابع لازم هيكون في مجاملات
طيب الحل إيه
زي ما قلت لك
وحضرتك والله لو فكرت هتجد حلول كثيرة
وسيبك من حكاية ان الانذارات لازم تتسلم عن طريق البريد طالما تأكد ان ولى الأمر استلم الانذار يبقى تم اخطاره وهذا هو المطلوب وفكر خارج الصندوق وعلشان تحمي نفسك تقدم بطلب صرفية طوابع بريد حكومية بفئاتها المتاحة لو في رصيد هيصرف لك ولو مافيش هيكتب لك انه لا يوجد طوابع وبكده ممكن تتخذ الاجراءات اللى قلت لك عليها
أ/ سعيد حماد
التوجيه المالي والاداري بالتعليم

تعاليق

لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى