مدرس اون لايندخول

مهم جدا بخصوص ترقيات المعلمين دفعة 2013 و 2014

مهم جدا بخصوص ترقيات المعلمين دفعة 2013 و 2014  43124
مهم جدا.. ( بخصوص الترقيات )
لكل أساتذتى وزملائى وأبنائى من معلمى مصر الأوفياء الشرفاء ( كل عام وحضراتكم بكل خير وسعادة وهنا وسرور وصحة جيدة وراحة بال وربنا يرفع عنكم وعنا جميعا الوباء والبلاء وجميع الأسقام ويحفظ بلادنا من كل مكروه وسوء
أما بخصوص الترقيات فإليكم الأتى :ـ
أولا :ـ دفعة 2013 اللى امتحنوا وسلموا الملفات من فترة خلاص صدر قرار الوزير رقم 44 بتاريخ 25 / 2 / 2020 ووصل المديريات وبعض المحافظات أصدرت قرارات التسكين على الوظائف الجديدة لمن شملهم قرار الترقية من معالى الوزير وباقى لسة بعض المحافظات فى طريقها لأصدار قرارات التسكين خلال الأيام القادمة لحين تدبير الموارد المالية المطلوبة للوظائف الجديدة
ثانيا :ـ بخصوص دفعة 2014 اللى عليهم الدور هذا العام ومن تخلفوا من الأعوام السابقة ( ركز معايا يا شوية ) كل ما عليك فقط هو استيفاء ملف الانجاز الموجود على صفحتك على الاكاديمية وده بتدخلوا برقم الكود والرقم القومى وكلمة السر على الرابط الخاص ( إدارة نظام كادر المعلم ) وحضرتك هتجد 10 أسئلة مطلوب منك تجاوب عليهم سؤال سؤال وبعد الانتهاء منهم تعمل ( حفظ ) ده مش اختبار إنما ده اسمه ملف انجاز المعلم هتظهر لك رسالة ( تم 25 % ) يعنى كده حضرتك زى الفل خلصت ملف الانجاز يعنى انجزت 25 % من ملف الترقية وده أخر موعد له 20 / 5 ولازم تتصرف وتنهيه قبل الموعد المحدد وباقى لسة تقييم مدير المدرسة أو الرئيس المباشر لو حضرتك موجه وده من 10 نقاط وكمان باقى تقييم الموجه الفنى أو القيادة الأعلى لو حضرتك موجه وده برضه من 10 نقاط وكمان لسة تقييم لجنة الادارة لملف النجاز بتاع حضرتك اللى حضرتك جاوبت فيه 10 أسئلة جميلة كده اللجنة دى مشكلة من السيد وكيل الادارة وعضو قانونى وموجه أول ويكون معهم مسئول الأحصاء بالادارة وده بقى من 30 نقطة ـ لحد كده 50 نقطة تمام يا عم باقى 50نقطة وحضرتك غير مسئول عن تقييم القيادات لك خالص هم المسئولين ولهم وقت معين
وكل المراحل ده الكترونيا ( مفيش ورق خالص )
وهنا بقى أقول لك خلى بالك بقى ( كان المفترض فيه اختبار الكترونى داخل قاعات معدة بالادارات التعليمية ونزلت الاخطارات لبعض الناس وتم تحديد مواعيد ولكن قدر الله وما شاء فعل حدث ما حدث والظروف اتغيرت فتم إلغاء المواعيد وتعليق الاختبارات والبحث عن بديل منعا لتجمع المعلمين خوفا عليهم من كورونا وحتى هذه اللحظة لم يحسم الأمر وتحديد البديل للإختبار الالكترونى ( صحيح فيه مقترحات تم طرحها من قبل معالى نائب الوزير مع مدير الاكاديمية ولكن مازال الموضوع قيد البحث والدراسة عشان ال 50 نقطة البافية
الخلاصة ( لا داعى للقلق نحن فى انتظار التعليمات الجديدة )
تفاءلوا بالخير تجدوه ـ بشروا ولا تنفروا ـ الصبر طيب )
تحياتى لكم جميعاـ 
أخوكم صلاح قاسم
مهم جدا بخصوص ترقيات المعلمين دفعة 2013 و 2014  011153
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى