7 ملاحظات على امتحانات أولى ثانوي التجريبية

استعرض الموضوع السابق استعرض الموضوع التالي اذهب الى الأسفل

05042020

مُساهمة 

. 7 ملاحظات على امتحانات أولى ثانوي التجريبية




7 ملاحظات على امتحانات أولى ثانوي التجريبية 58977

بعيدا عن تصريحات الوزارة أمس ومن التجربة بتاع الامتحان النهاردة اتضح الآتي :

1- أن الوقت المسموح به للدخول أو إعادة الدخول على المنصة هو ساعتين فقط من ٨ إلى ١٠

2- لو إنك خرجت من المنصة لأي سبب سواء بقصد أو لأ من الساعة ٨ إلى ١٠ فممكن تعمل محاولة وتدخل تاني عادي

3- وقت الامتحان نفسه ممتد أكثر من ساعتين لبعد الساعة ١٠ بشرط إنك تكون ما زلت جوا المنصة وتتعامل برفق وحذر شديد أما لو خرجت من المنصة لأي سبب سواء بقصد أو بدون قصد فمش هتعرف تدخل تاني ،، لأن زمن محاولات الدخول بتاعك مرة تانية زي ما فهمنا إنه من ٨ إلى ١٠.

4- المحافظات التانية بعد الساعة ١٠ هتبدأ تدخل فمن الطبيعي جدا إن السيرفر الحمل عليه يزيد وممكن تلاقيك خرجت من الامتحان في أي وقت وبعد ١٠ مش هتعرف تدخل تاني .

5- كل الإجابات إللي انت جوابتها محفوظة على السيرفر ،، والامتحان أصلا تجريبي بدون تصحيح ولا درجات ،، برغم إن السيستم إدالك نموذج الإجابة في الآخر علشان بس تقارنها بس بإجاباتك ،، يعني الهدف تتمرن بالفعل وتعرف تتعامل مع الامتحان ،، والوزارة تشوف قدرتها على إدارة الامتحان من بعد ،، فمافيش اي داعي للقلق .

6- الوزارة لو مشيت بقيت اليوم بنفس الطريقة ،، فهذا معناه إنها نجحت بنسبة كبيرة مع وجود بعض المشاكل إللي هتتفاداها زي فكرة الزمن ٣ ساعات ،، وبالتالي استعدوا لامتحان نهاية العام .

7- نتعلم بقى من أخطاءنا النهاردة ونتفاداها بكرة وبعده واتعلمنا إننا نبدأ بدري الساعة ٨ ونحاول نكون مخلصين كل إجاباتنا الساعة ١٠ ونعمل إنهاء أو نتعامل بحذر شدبد مع الامتحان بعد الساعة ١٠

بالتوفيق للجميع فيما هو قادم ،، وخالص تحياتي

الرجوع الى أعلى الصفحة اذهب الى الأسفل

مُشاطرة هذه المقالة على: redditgoogle

لا يوجد حالياً أي تعليق

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى