مدرس اون لايندخول

خلاصة المطلوب في ابحاث الطلاب فى 10 خطوات

#ابحااااااااااااث_الطلاب
يا مستر انا مافهمتش حاجة من الكلام اللي الوزير قاله؟؟
حاضر يا سيدي هات ورقه وقلم وانا حافهمك يكش نخلص
س: هل مطلوب بحث ف كل مادة زي ما المهبداتية قالوا و١٥٠و٢٠٠جني والمدرس المدرسة والجو دا ؟
ج: لا يا حبيبي واحترم نفسك حتعمل بحث واحد بس لكل المواد واسمه مشروع واحد للمرور الى السنه الاعلى ومدرس المدرسة ليس له اي دور خلاص بح واوعي تروح لحد يضحك عليك .
س:طب يا مستر المشروع دا حيبقى عبارة عن ايه انا خايف لاسقط اهئ اهئ؟
ج: قولنا حيبقى مشروع واحد متعدد التخصصات بيلم المواد كلها العربي والعلوم والانجليزي والرياضيات والدين كله على كله لخبطيطا المواد كلها مع بعض
س :طب امستر انا معايا واحد صاحبي لا اتنين ممكن نعملوا مع بعض البحث؟
ج: يا سيدي معاك لغاية خمسه قال ايه علشان يبقى في قائد وتحديد ادوار وتعملوا مشروع مشترك يا اما ممكن انتا لوحدك يا حليتها
س: مستر ممكن تدينا مثال علشان نفهم اكتر حنعمل ايه ف مشروع الزفت البحث؟
ج:بص يا قلب المستر⁦⁩ وليكن مثلا حناخد نموذج مشروع بحث اللي هوا ايه اثر المناخ في حياتنا مثلا ..حابدأ احطلك شوية اسئلة اجابتها ف المواد اللي درستها مثلا لو حنربط بالرياضيات حنقول اجمع بعض الارقام الاحصائية المعبرة عن نسبه التلوث ف الكرة الارضيه ولما تجيب الارقام دي حطها ف صورة شكل بياني وطبق دا على مصر
مثال كمان علشان الجماعة ...
نتخيل ان احنا في رحلة للفضاء الخارجي حلو
نسالك ايه نسب الغازات الموجودة ف الغلاف الجوي واثر زيادة ثاني اكسيد الكربون على حياتنا كدا يعني
طب عندي سؤال هوا يا ترى انا حاهبد واقول اللي انا عاوزه فهبل بهبل والا حيحدد لي حاجة اتكلم عنها
ج:سؤال جميل .. اي طالب مابين ٣ابتدائي:٣ اعدادي حيجيلة زي ورقه فيها خمس مشروعات يختار واحد منهم فكدا اصبح عندك اختيار مافيش حاجة اجباري
س: طب امستر سؤال لولبي هاه ايه هي خطوات المشروع او هيكل المشروع اللي حامشي عليه.. زنقتك يامستر ؟
ج: الهيكل او الاساس اللي حتمشي عليه والخطوات حنسلمهولك مع المشروع حتبقى صورة للخطوات بتاعة البحث او شكل شامل للخطوات وتمشي معاها خطوة خطوة يعني مثلا
حتكتب عنوان البحث ثم بعد كدا الكود بتاعك و مالاقيش واحد غبي كاتب اسمه لا بالكووووود بس كأنه رقم جلوس وبعدين نكتب مقدمه بسيطة او ملخص للمشروع اللي اخترته ف الاول تحتيها الردود ع الاسئلة اللي ف الورقة دي االي قلنا عليها وتكتب النتائج او الملاحظات اللي اكتشفتوها كفريق يعني عن الموضوع واوعى تنسى ف اخر البحث المراجع اللي جمعت منها معلومات اللي اخترتوه عليها درجات كدا هع هع اظن مالكش عين تتكلم تاني اقعد يا اهبل،
س: مستر طب انتا عارف ان انا حمار . عارف يا حبيبي هاه..اعمل مثال قدامي وانا حاقلدك
ج: حاضر يوم الاحد ٥ ابريل ان شاء الله حننزل على موقع الوزارة وعلى كل المواقع فيديو توضيحي كمثال فيه كل حاجة وانتا تقلد اللي حيعملوه دا كمثال
يا مستر انا مش بافهم من اول مرة
ج: قولت انك حمار حبيبي عيد الفيديو يا ابني وبص عليهم لغاية ما تفهم ما تبقاش غبي ابوس ايدك ارحموني
س: طب دا بيقول حندور ف المكتبة الرقميه ؟
ج: اه يا حبيبي ما الفيديو حيوضح لك ازاي تعمل كل حاجة وازاي تاخد المعلومة وتكتبها كل حاجة ف الفيديو
س:طب امستر امتى حينزل الجدول والهيكل اللي بتقول عليه ؟
ج: ان شاء الله يوم الخميس ٩ ابريل حيعلن جدول المشروعات اللي هوا السنه الدراسيه زي سنه تالته او رابعه او خمسه كدا يعني وقدام كل سنه الخمس مشاريع اللي حتختار منهم
مستر وحعرف الجدول منين ؟
ج: بص يا نن عين المستر الجدول دا حننشره على موقع الوزارة والسوشيال ميديا وحيطبع ف الجرائد القومية زي الاخبار والاهرام والجمهورية
هاه ايه تاني انا تعبت والكرونا شغالة
س: مستر معلش لومافيش انترنت يا مستر انا حاعمل ايه ؟
ج: يا ابني هو الفكرة كلها سؤال وانتا تجاوب عليه ولو مافيش نت شوف الجرايد القوميه يا ابني وبعدين ممكن واحد من الخمسة يقدر يخش ع المكتبة من النت ويدي المعلومات اللي جمعها لباقي المجموعه
س: طب امستر اني ف الغيط اني واصحابي ومافيش ايتها نت خااالص نعمل ايه ايوا
ج:سؤال جميل يا ابو جبل مافيش مشكلة عندك الجرايد القوميه فيها المشروع والخطوات وحتبقى المرجع بتاعك كتاب المدرسة واي كتب تقدر تشتريها تخدمك ف مشروع البحث من المكتبات العامه واوعى تنسى تكتب المصادر ف نهاية البحث
س:طب نكتب المشروع ازاي بايدينا والا برجلينا ؟
ج: لا يا حبيبي باديكم عادي وتسلمها للمدرسة والمدرسة حترفعها ع المنصه بتاعة الوزارة
س: مستر طب مدرس المدرسة هوا اللي حيصحح ؟
ج : لا يا ابني بطل غباء قلنا ف الاول مدرس المدرسة ولا حيقدر يعدل ولا يصحح المشروع لان اللي حاطط الفكرة الوزارة وهي المسؤلة ماعليك الا انك تودي البحث المدرسة اخرس بئاا
س: طب حتبقى الدرجة من كام يا مستر ؟
ج:لا يا حبيبي دا يا اما البحث مقبول او غير مقبول بس كدا ومدرس المدرسة مالهوش دعوة بيه خالص وما تخلهوش يضحك عليك يا اهبل نصا عن الوزير معلم الفصل ليس له شأن ومالهوش دعوة .
الملخص هوا الراجل البيه الوزير من الاخر بدل الامتحان اللي كان ساعتين مديك خمس اسابيع علشان تجمع معلومات عن المشروع بتاعك
اللي حيلتزم بعناصر المشروع وعدد الكلمات وتكتب المراجع اللي جبت منها معلومات يبقى مبروك  نجحت وحتعرف دا كله من الجرايد القوميه وتابع
مع تحياتي الاستاذ /علي جمعة مدرس مادة الرياضيات

خلاصة المطلوب في ابحاث الطلاب فى 10 خطوات 1
 
خلاصة المطلوب في ابحاث الطلاب فى 10 خطوات 2
 
خلاصة المطلوب في ابحاث الطلاب فى 10 خطوات 3
 
خلاصة المطلوب في ابحاث الطلاب فى 10 خطوات 4
 
خلاصة المطلوب في ابحاث الطلاب فى 10 خطوات 5
 
خلاصة المطلوب في ابحاث الطلاب فى 10 خطوات 6
 
خلاصة المطلوب في ابحاث الطلاب فى 10 خطوات 7
 
خلاصة المطلوب في ابحاث الطلاب فى 10 خطوات 8
 
خلاصة المطلوب في ابحاث الطلاب فى 10 خطوات 9
 
خلاصة المطلوب في ابحاث الطلاب فى 10 خطوات 10
 
خلاصة المطلوب في ابحاث الطلاب فى 10 خطوات 11
remove_circleمواضيع مماثلة
لا يوجد حالياً أي تعليق
privacy_tip صلاحيات هذا المنتدى:
لاتستطيع الرد على المواضيع في هذا المنتدى